تعالوا نهرج شويه بعيدا عن هموم الكادر

[محمود درهاب]

اصدر وزير التعليم العالى القرار التالى
بالنسبه للمعلمين الناجحين فى اختبار الكادر
خفض درجات القبول و الرسوم الخاصه
بالجامعات الخاصه
للمتقدين من المعلمين لهذه الجامعات
نظرا لظروفهم
المعنويه والماديه
الامضاء
معلم مهموم

[meee1969]

بيقولك مدرس نجح في امتحان الكادر إبنه جاب له عجلة

[roga]

[ زوجى وعدنى لو نجحت هايعملى حفلة كبيرة
ادعولى انجح

[سلوي2010]

بنتى قالت لى روحى ياماما يارب تنجحى واشوفك دكتوره وهقفلك على الباب بكيس شيبسي وحاجه ساقعه وزمزميه وعموما انت عملتى اللى عليكي والباقى على ربنا وماتزعليش لو سقطى عشان انت ما قصرتيش
اما ابنى الصغير بيقولى هو انت مش ابله بتمتحنى تانى ليه .

[أبو جهاد المصري]

أنا أمي الحاجة دعت لى وقالت روح يا ابني ربنا يعلى مراتبك وتنجح وتاخد الشهادة الكبييييرة ،،
أما بنتى الصغيرة فقامت من النوم مبكرا يوم الامتحان على غير العادة وكأنها تقصد ما تفعل وقالت لى يابابا اوعى تنسى القلم الرصاص والأستيكة ، وابري القلم كويس علشان خطه يبقى حلو ، مش عارف مين قالها على حكاية القلم الرصاص دى مع إنى كنت مخبي عليها .
ولما رجعت لقيت أولادي كلهم واقفين في أول الشارع ، منتظرين عودتى ، ولما شفتهم حاولت أستخبى منهم لكن لمحونى ولاد الإيه وجريوا ناحيتي وهم بيهتفوا ( جيم - حا ناجحين إن شاء الله ) وحاولت أسكتهم لكنى فشلت لأن أولاد الشارع كلهم اتلموا عليهم. ولأن العبارة دى مش بتتقال غير في موسم امتحانات الطلاب ، تعجب الجيران فخرجوا مندهشين ، متسائلين عن السبب، وإذا عرف السبب بطل العجب ، لما رأونى في هذه الزفة البلدي وأنا كالعريس في وسط هذا الهتاف أخذت الست أم خالد تدعو لى قائلة يارب تنجح يا أستاذ ، والست أم أحمد - بصفتها ست مثقفة - تسألنى الامتحان عامل ايه يا أستاذ ؟ لأنها بتحب تتعرف على الثقافات المختلفة ، ووجدت زميلي وجاري مدرس الرياضيات يجري نحوي وهو يلهث ويسألنى اللجنة كانت عاملة ايه فيه غش ولا هيمسكوها عليناولاد الـــ ......
المشكلة الكبيرة إنى لما روحت البيت أولادي بيسألونى عملت ايه يابابا في الامتحان ، فأجبت بثقة - وكنت قد خططت لذلك من قبل - نجحت يا أولاد وجبت 98 % فترد على ابنتى الكبرى وهي مازالت في سنة خامسة ابتدائي ، النتيجة بتاعتكم لسة في شهر عشرة . فصعقت وسكت .
هذا بعض ماحدث وسنوافيكم ببقية الأخبار في الحلقة القادمة
هذا وإنا لله وإنا إليه راجعون في كرامتنا .

[ايمن الشريف]

هههههههههههههههههههههههههههههههههه
صحيح تهريج

[أبو جهاد المصري]

من أراد أن يفرفش فليدخل هنا

http://www.thanwya.com/vb/showthread...144#post682144

[amal_amm]

انا بنتى كانت ماسكه المطبخ اسبوع الامتحانات عشان اذاكر وكل يوم تقولى اعملى حسابك يوم التلات بعد ماتخلصى الامتحان هتمسكى المطبخ عليكى من يوم الاربعاء

[KeMoZzAzZ]

هههههههه
انا ماما اللي كانت رايحه تمتحن
كاااان يوووم عسل
ال ايه مسكالي التليفون بتتكلم ليلة الامتحان
قولتلها قوووووومى عشان تذاكرى
بجد امهات اخر زمن
فين امهات زمان اللي كانوا يقعدوا علي الكتاب ويجيبوا الدرجات النهائية
وطبعا فضلت صاحي لحد اما شوفتها وهي نازله من باب الشقه وعملتلها الفطار
طبعا مش عندها امتحان
وادتلها النصائح قبل اما تنزل
وقولتلها ماتخفييش يا ماما انتي عملتي اللي عليكي والباقي علي ربنا
وكل شوية طبعا لازم بهدلة ...مش باخد حقي بقي

[منى ذكى]

فى ولد اعرفه بيقول لمامته لو سقطى اوعى تقوليلى بعد كدا روح ذاكر ههههههههههه

وسمعت كمان ان فى دور تانى ربنا معاكم

[سيف سالم]

المشاركة الأصلية كتبت بواسطة أبو جهاد المصري

أنا أمي الحاجة دعت لى وقالت روح يا ابني ربنا يعلى مراتبك وتنجح وتاخد الشهادة الكبييييرة ،،
أما بنتى الصغيرة فقامت من النوم مبكرا يوم الامتحان على غير العادة وكأنها تقصد ما تفعل وقالت لى يابابا اوعى تنسى القلم الرصاص والأستيكة ، وابري القلم كويس علشان خطه يبقى حلو ، مش عارف مين قالها على حكاية القلم الرصاص دى مع إنى كنت مخبي عليها .
ولما رجعت لقيت أولادي كلهم واقفين في أول الشارع ، منتظرين عودتى ، ولما شفتهم حاولت أستخبى منهم لكن لمحونى ولاد الإيه وجريوا ناحيتي وهم بيهتفوا ( جيم - حا ناجحين إن شاء الله ) وحاولت أسكتهم لكنى فشلت لأن أولاد الشارع كلهم اتلموا عليهم. ولأن العبارة دى مش بتتقال غير في موسم امتحانات الطلاب ، تعجب الجيران فخرجوا مندهشين ، متسائلين عن السبب، وإذا عرف السبب بطل العجب ، لما رأونى في هذه الزفة البلدي وأنا كالعريس في وسط هذا الهتاف أخذت الست أم خالد تدعو لى قائلة يارب تنجح يا أستاذ ، والست أم أحمد - بصفتها ست مثقفة - تسألنى الامتحان عامل ايه يا أستاذ ؟ لأنها بتحب تتعرف على الثقافات المختلفة ، ووجدت زميلي وجاري مدرس الرياضيات يجري نحوي وهو يلهث ويسألنى اللجنة كانت عاملة ايه فيه غش ولا هيمسكوها عليناولاد الـــ ......
المشكلة الكبيرة إنى لما روحت البيت أولادي بيسألونى عملت ايه يابابا في الامتحان ، فأجبت بثقة - وكنت قد خططت لذلك من قبل - نجحت يا أولاد وجبت 98 % فترد على ابنتى الكبرى وهي مازالت في سنة خامسة ابتدائي ، النتيجة بتاعتكم لسة في شهر عشرة . فصعقت وسكت .
هذا بعض ماحدث وسنوافيكم ببقية الأخبار في الحلقة القادمة
هذا وإنا لله وإنا إليه راجعون في كرامتنا .

يعلي مراتبك ولا يعلي مرتبك

[شمس بياض]

الظاهر انه محتاج يعلى المراتب ماصل القطن غلا تمنه زى كل حاجه ما عدا الانسان المصرى وربنا يعلى مراتبنا ومرتبنا ياسى غلبان

[سيف سالم]

آمين آمين آمين

[محمدمصطفى مصطفى]

كل عام أنتم بخير