أستفسار مهم لطلبة ثالثة ثانوي ويفضل طلاب العلمي رياضه

[إنتحار طالب ثانوي]

السلام عليكم ورحمة الله وبركاته

معلش أسئلتي ممكن تكون تافهه شوية وسابقة لأوانها حبتين بس مهمه في نفس الوقت

1- في إمتحان التفاضل والتكامل بكتب إسم المادة على كراسة الإجابة (التفاضل والتكامل) ولا (تفاضل وتكامل) ولا (التفاضل والتكامل (رياضيات (2) ) ولا (تفاضل وتكامل (رياضيات (2) ) ولا بكتب (رياضيات (2) )بس ؟؟

2- نفس السؤال رقم (1) في إمتحان الجبر والهندسة الفراغية

3-نفس السؤال رقم (1) في إمتحان الميكانيكا

4-في إمتحان اللغة العربية 2 بكتب إسم المادة على كراسة الإجابة (اللغة العربية) ولا (لغة عربية) ولا (اللغة العربية 2 ) ولا (لغة عربية 2 ) ولا ( عربي) ولا (عربي 2 )

5-في إمتحان الفيزياء بكتب إسم المادة على كراسة الإجابة (الفيزياء) ولا (فيزياء)

6-في إمتحان مادة المستوى الرفيع بكتب على كراسة الإجابة إسم المادة و بين قوسين أكتب مستوى رفيع ؟
ولا أنا مختار المستوى الرفيع إنجليش يبقى أكتب (اللغة الإنجليزية (مستوى رفيع) ) ؟ ولا أيه

أرجوا الإفادة و شكراً جزيلاً لكم

[Tawfeek Yahia]

اه بس الكلام دا سابق لأوانه ..بس هرد عليك ..انا كنت السنه اللي فاتت في تالته علمي ريـــــاضه من ضحايا 2008 يعني ....المهم انا هقولك علي كل ماده باسمها بالظبط

1-العربي---اللغه العربيه وبس.....مفيش 2 ولا حاجه لان ورقنا بيتصحح لوحده مش مع تانيه

2-الفيزياء---- الفيزياء
3-الاقتصاد والاحصاء او علم النفس والاجتماع ...كله بالاسم اللي فات بالظبط

4-التفاضل-----التفاضل والتكامل (رياضيات 2 )

5-الجبر-------الجبر والهندسه الفراغيه (رياضيات 2 )

6-الميكانيكا ----الميكانيكا (رياضيات 2 )

7-الانجليزي ----اللغه الانجليزيه او اللغه الاجنبيه الاولي

8- المستوي الرفيع مثلا لو انت جغرافيا يبقي ---- الجغرافيا (مستوي رفيع)
وانا بقي كنت بعمل حركه حلوه اوووي طبعا هما بيوزعوا ورق الاجابه الاول وانت تملي البيانات دا بعد ما تأكد من عدد الورق و الدبابيس وكدا (يااااه كانت ايام وحشه اوووي )

كنت بملأ البيانات كلها واسيب خانة الماده لحد ما يوزعوا ورق الاسئله ودا بقي بيبقي

مكتوب عليه فوق علي اليمين بعد جمهورية مصر والوزاره وكدا بيبقي مكتوب اسم الماده

بالظبط ..ابقي انقله في ورقة الاجابه وخلاص ....ويا رب اكون نفعتك .وربنا معاك

[إنتحار طالب ثانوي]

شكراً لك بس هو المكان اللي بكتب فيه أسم المادة تحت إسمي بيكفي أني أكتب فيه كلمة (رياضيات 2 ) ؟؟ I don't think so !!!
عشان الخانه ديه بتبقى صغيره !!!!
بالنسبة لورقة الأسئلة فهما بيكونوا كاتبين
اللغة العربية 2
وبالنسبة للرياضة بيكونوا كاتبين
التفاضل والتكامل (رياضيات 2)
الجبر والهندسة الفراغية (رياضيات 2)
الميكانيكا (رياضيات 2)
والفيزياء بيكونوا كاتبين الفيزياء
المستوى الرفيع بيكتبوا في ورقة الأسئلة أسم المادة وبين قوسين بيكتبوا (مستوى رفيع) !!!

وديه سكرين شوتات لأوراق الأسئلة

[أحمد بلما]

مش مهم تكتب ايه علي غلاف كراسة الاجابة (المهم اسم المادة يتكتب بصرف النظر عن طريقة الصياغة) المهم هتكتب ايه داخل كراسة الاجابة لأن هو ده اللي انتي بتذاكر له طول السنة الشؤم دي و ربنا يكرمك و ماتقعش في امتحان تفاضل معقد زي اللي وقعنا فيه ولا تتلسع من امتحان فيزياء هيروغليفي زي اللي شفناه

[إنتحار طالب ثانوي]

يعني أنتوا بتكتبوا إسم المادة

التفاضل والتكامل (رياضيات 2)
الجبر والهندسة الفراغية (رياضيات 2)
الميكانيكا (رياضيات 2)


ولا
التفاضل والتكامل
الجبر والهندسة الفراغية
الميكانيكا

؟؟؟؟؟؟؟؟؟؟؟

وياريت لو حد فاكر عدد أوراق كراسة الإجابة في الرياضيات يقول و كام ورقة رسم بياني و كام ورقة مسطر

شكراً جزيلاً

[النجمة لالا]

شكرا لك علي الاسئلة

[Solty Ray]

انا علمي علوم بس بردو استفدت