موقع وزارة التربية والتعليم لا يعمل مع فلاشا اتصالات (مشكلة عامة )

[rrrrrrrr196]

بحاول من شهر فتح موقع وزارة التربية والتعليم على فلاشة اتصالات لا يعمل بالرغم من أنه كان يعمل قبل ذلك والموقع الآن يعمل على شبكة فودافون

[mrahmad1974]

نفس المشكلة يا ريت لو حد عنده الحل بسرررررررررررررررررررررعة

[محمد صالح مهدى]

نفس المشكله عندى فلاشه اتصالات ياريت الحل

[علىحسن]

فعلا نفس المشكلة عندى مفيش حد عنده الحل او يقول ايه السبب

[rrrrrrrr196]

أنا ذهبت لتوكيل اتصالات بالمنصورة وعرضت عليهم المشكلة والغريب إنهم مش عرفين المشكلة وكان معايا الفلاشا ولكن فى الأول فكروا أن المشكلة معايا فقط وكانوا فاكرين إن المشكلة فى موقع الوزارة ولكنى فتحت أمامهم الموقع على خط فودافون وبعدها قالوا لى فى خلال 3 أيام حتكون المشكلة محلولة وأخذوا رقم تليفونى بس أنا لى تعليق لازم كل اللى عنده المشكلة يبلغ مسئولى شركة اتصالات فى أقرب مكان له علشان يحسوا بالمشكلة لأن شكوى من فرد واحد غير شكوى من مجموعة وعلشان يهتموا ويحلوا المشكلة

[rrrrrrrr196]

اتصلت بالمسئولين عن شركة اتصالات على رقم 01111234333 وطلبوا رقم الفلاشا وبعد مكالمة طويلة ومحاولات من المتصل لم يعمل الموقع وقاللى طالما المواقع الثانية بتعمل يبقى ما عندناش مشكلة وطالبت منه يتواصل مع المسئولين عن موقع وزارة التربية والتعليم وحل المشكلة دى وكان الرد حندرس اقتراحك

[mrahmad1974]

الحل نتصل جميعا على الجهاز القومي لتنظيم الاتصالات 155

[rrrrrrrr196]

إذا كان الاتصال على 155 يحل المشكلة نتصل
أهم حاجة الموقع يعمل
بصراحة اول مرة تقابلنى مشكلة واحتار فيها وأبذل فيها مجهود دون أن تحل

[علىحسن]

انا اتصلت بأحد مسؤلى خدمة العملاء لاتصالات ولكن للاسف لم يعطينى الحل وانا بخلص شغلى كله بتاع المدرسة من خلال خط اتصالات يا ترى ايه العمل 0

[ABO FARIS]

يا جماعة لحل مشكلة موقع الوزارة غيروا dns بتاع الروتر الى
8.8.8.8
8.8.4.4
وان شاء الله هيشتغل تمام وعن تجربة

[محمد ععياد]

كلام أ/ ABO FARIS صحيح عن تجربة فلاشة اتصالات

[krem12012]

ازاي يا غالي نغير ال dns احنا شغالين على فلاشة مش روتر وبعدين عملنا الخطوات دي ومفيش فايده

[أ.محمد على]

أعتقد إن المشكلة من موقع الوزارة لأني بحاول ادخل من ال adsl ومفيش فايدة وخصوصاً مع النسخة الويندوز 7 وعندي جهاز عليه نسخة xp بيفتح الموقع وجربت على اكثر من 10 أجهزة وسرعات نت مختلفة .

وأيضاً كلام الأستاذ ABO FARIS صحيح لما غيرت ال DNS اشتغل الموقع

[حسين المحمدى]

المشاركة الأصلية كتبت بواسطة rrrrrrrr196

أنا ذهبت لتوكيل اتصالات بالمنصورة وعرضت عليهم المشكلة والغريب إنهم مش عرفين المشكلة وكان معايا الفلاشا ولكن فى الأول فكروا أن المشكلة معايا فقط وكانوا فاكرين إن المشكلة فى موقع الوزارة ولكنى فتحت أمامهم الموقع على خط فودافون وبعدها قالوا لى فى خلال 3 أيام حتكون المشكلة محلولة وأخذوا رقم تليفونى بس أنا لى تعليق لازم كل اللى عنده المشكلة يبلغ مسئولى شركة اتصالات فى أقرب مكان له علشان يحسوا بالمشكلة لأن شكوى من فرد واحد غير شكوى من مجموعة وعلشان يهتموا ويحلوا المشكلة

للاسف الموقع لايفتح مع فلاشة اتصالات ولافودافون

[عاطف رشاد]

تم استخدام برنامج فتح المواقع المحجوبة وتم فتح الموقع والحمد لله