مواد اعدادي اسنان

yara_90 · #1 22-08-2008, 04:17 AM

[FONT="Arial"][/FONT
السلام عليكم ورحمة الله وبركاته
للبدء وقبل كل شىء الموضوع للامانة منقول بس انا جبته عشان اي حد اسنان يعرف اكتر ايه اللي في سنة الاعداي اتمني ان افيدكم ولو بحاجة صغنونة
اولا:كلام عام قبل ما اقول المواد وكده
انا عارفة انكو لسة خارجين من ثانوية وكدا بس نصيحة ماتعملوش زينا وتسيبوا نفسكو وما تذاكروش لحد اخر السنة،وبعدين نصيحة من مجرب اللي يحس انو مش فاهم اي مادة من اول السنة يحاول ياخد دروس
معلش انتو هاتدخلوا هاتحسوا انكو تايهين شوية بس في الترم التاني هتتعودوا ، و اي حد عايز اي حاجة في اي وقت اسئلونا احنا تحت امركم
ركزوا علي الحاجات اللي بتتقال في المحاضرات و مش بتكون في الكتاب هي دي اللي دايما بتيجي في الامتحان وكمان الملاحظات اللي بتتقال في المحاضرات الاخيرة
ثانيا:بقا المواد:هي نبات،فيزياء،كيمياء،حيوانZOOLOGY ،لغة انجليزيةوحاسب الي بس مش داخل في التقدير،وكل مادة عليها 100 درجة طول السنة و الكمبيوتر 50 ،عملي ونظري
1.النبات او botany
ده عبارة عن الgenetics ،systemitics,microbiology دول ترم اول بتمتحنوا الGENETICS,MICRO في الترم الاول والSYSTEMTICS في الترم التاني مع الفيسيولوجي وال METABOLISM
الGENETICS دي اللي هيا الوراثة زي ثانوي بس بتوسع بيديه د.عاطف وهو سريع شوية وعايز تركيز معاه في المحاضرة
وال SYSTEMTICS دي علم تصنيف النبات وهي بيديها اتنين دكاترة د.هدي في اول الترم الاول دي بتيجي في اخر السنة تدي محاضرة تحدد فيها 12 صفحة تقريبا هي اللي بييجي منها الامتحان و د.طنطاوي بردو المنهج بتاعه سهل و قليل بس لازم تحضروا محاضراته لان المنهج من المحاضرات مش من الكتاب
ال MICRO بيديه د.عادل وهو عن البكتريا والفيروسات وكده
الMETABOLISM ده عبارة عن الانزيمات ودورات البناء الضوئي والتنفس في النبات وهو عبارة عن حفظظظ بتديه د.شهيرة
الفيسيولوجي بقا حكايته حكاية فهمممممممم ثم حفظ بيديه د.مجدي هو سريع بس بيعيد الكلام كذا مرة و بيبقا موجود في المعمل اي حاجة مش فاهمينها اسئلو علي طول اول باول
بس كدا و بالنسبة لسكاشن النبات فهي بتبدا بدري من اول اسبوع في الدراسة
2.الفيزياء:
دي عبارة عن ELECTRICITY,WAVES,PROPERTIES OF MATTER دول ترم اول والترم التاني OPTICS,RADIATION,STATISTICS
ال ELECTRICITY دي احلي واسهل مادة في اعدادي لان الدكتور اللي بيديها د.ابراهيم محترم جدا ومش بيعقد الطلبة بس لازم تحضروا محاضراته لانها هي منهجه
اما الWAVES هي سهلة بس الدكتور بتاعها هادي شوية و المحاضرة بتبقا دوشة فلازم تركزوا ومتناموش فيها
الPROPERTIES OF MATTER بيديها د.سيد وهو طيب جدا وطلبنا منه في اخر الترم اسئلة مهمة ممكن تيجي في الامتحان ادانا 20 سؤال ماخرجش منها الامتحان وهي مادة سهلة محتاجة شوية حفظ بس
الOPTICS دي سهلة بيديها د.حاتم وهو طيب بردو بيدي المنهج في المحاضرات معادا الجزء بتاع الليزر بيبقا من الكتاب
الRADIATION دي عبارة عن الاكس راي وتطبيقاتها في الطب والاجهزة اللي بنستخدمها في الطب وبيديها د.السيد وهو طيب و ممكن تسالو عن الحاجات اللي انتو مش فاهمينها في اي وقت وعامل ايميل لاسئلة الطلبة
اما ال STATISTICS فهى زي الاحصاء بتاعة ثانوي وبيديها د.جمال وهو طيب وممكن تسالوه عن الحاجات اللي مش فاهمينها بردو في مكتبه
كفاية كدا النهاردة بقا لحسن تعبت هاكملكو بكرة ان شاء الله

Dr.ahmed91 · #2 22-08-2008, 10:48 AM

ملحوظة بس عشان نبقى واضحين:

الكلام ده بيختلف من جامعة لجامعة

Dr. akram · #3 22-08-2008, 04:30 PM

يـــــــــــــــا ريت لو توضحى دى مواد انهى جامعة لطب الاسنان و الافضل لو تكملى مواد باقى السنين حتى يتم اضافتها للموضوع المثبت الخاص بالمواد الدراسية للكليات

yara_90 · #4 22-08-2008, 10:00 PM

جامعة القاهرة
بس انا معرفش بقيت المواد بتاعة السنسن الباقية لان الموضوع منقول
وشكرا ليكوا على المشاركة

..حدوتة.. · #5 22-08-2008, 10:17 PM

بس على فكرة يايارا اللى انا عرفته ان المواد دى مشتركة بين كل طب اسنان يعنى كل اسنان بيدرسوه
والنظام اللى انتى كاتباه ده بتاع طب اسنان عين شمس مش القاهرة كمان لو دى بتاعت القاهرة يبقى مش شرط ان نفس الدكاترة هما اللى يدونا
بالتوفيق ياحبيبتى

yara_90 · #6 23-08-2008, 01:59 AM

شكرا ليكي جدا وعلى العموم انا هتاكد من الموضوع داه