ميعاد تقديم اولى ثانوى عام منازل

[افراح الجنوب]

بعد اذن حضراتكم اللى عنده معلومه عن ميعاد التقديم للصف الاول الثانوى بنظام المنازل ياريت يقولى ضرورى لانى هقدم السنه دى اولى ثانوى عام ان شاء الله

[Nasr Fouad]

انت كنت فين السنة الماضية انتظام ولا منازل وليك كام سنة في سنة اولى
ادينا معلومات علشان نفيدك

[muhamed12]

السلام عليكم ورحمة الله
لوسمحتم عندى استفسار عن التقديم للصف الاول الثانوى على نظام المنازل مع العلم انى حاصل على دبلوم فنى صناعى دفعة 2009 فهل لدى فرصة فى دراسة الثانوية العامة على نظام المنازل
وماهو المطلوب من اوراق فى حالة انه يجوز لى التقديم

[Nasr Fouad]

المشاركة الأصلية كتبت بواسطة muhamed12

السلام عليكم ورحمة الله
لوسمحتم عندى استفسار عن التقديم للصف الاول الثانوى على نظام المنازل مع العلم انى حاصلل على دبلوم فنى صناعى دفعة 2009 فهل لدى فرصة فى دراسة الثانوية العامة على نظام المنازل
وماهو المطلوب من اوراق فى حالة انه يجوز لى التقديم

اهم شيء يكون مجموعك في الاعدادية كان يقبل في ثانوي عام في السنة الحاصل فيها على الاعدادية وانت فضلت انك تدخل صنايع بمزاجك في الحالة دي اذهب لمديرية التربية و التعليم التابع لها و واستخرج بيان نجاح الشهادة الاعدادية وقدم بيه في اي مدرسة ثانوية كطالب منازل
اما اذا مجموعك ما كانش ينفع يدخلك ثانوي عام و اطريت تدخل صنايع اذهب للادارة التعليمية التابع لها و استخرج بيان نجاح تانية اعدادي و قدم منازل لامتحان الشهادة الاعدادية و هات مجموع ثانوي عام وبعد كده قدم على اولى ثانوى منازل
و بالتوفيق ان شاء الله

[haya os]

منازل لاتحتاج مجموع...كل اللى مطلوب منك :0
1- شهادة الاعدادية بأى مجموع
2- شهادة الدبلوم علشان تثبت انك لم تلتحق بالثانوى العام ...وبس
3- ميعاد التقديم مفتوح حتى امتحانات التيرم الأول
واللى مايعرفش فى حاجة مايفتيش فيها ...احنا شعب مريض

[افراح الجنوب]

المشاركة الأصلية كتبت بواسطة haya os

منازل لاتحتاج مجموع...كل اللى مطلوب منك :0
1- شهادة الاعدادية بأى مجموع
2- شهادة الدبلوم علشان تثبت انك لم تلتحق بالثانوى العام ...وبس
3- ميعاد التقديم مفتوح حتى امتحانات التيرم الأول
واللى مايعرفش فى حاجة مايفتيش فيها ...احنا شعب مريض

اشكرك على المعلومه

[افراح الجنوب]

المشاركة الأصلية كتبت بواسطة nasr fouad

انت كنت فين السنة الماضية انتظام ولا منازل وليك كام سنة في سنة اولى
ادينا معلومات علشان نفيدك

هى المعلومات اللى انت طالبها دى هتفرق فى ميعاد التفديم يعنى انتظام بيقدموا فى ميعاد ومنازل فى ميعاد واللى لهم كام سنه فى سنه اولى فى ميعاد
سبحان الله
طيب ممكن تقولى التلات مواعيد دا يعنى بعد اذنك
دا لو كنت عارف وهترد

[Nasr Fouad]

نعم يا استاذة افراح
الطالب الذي تجاوز نسبة الغياب و تم فصله يرحل الي طلاب المنازل تلقائيا و لا يحتاج الى تقديم و يتوجه للامتحان في موعده و يجد اسمه موجود بالكشوف
و اذا رسب نفس هذا الطالب يكون له حق الاعادة للمرة الثانية منازل دون التقدم باي شيء يذهب للامتحان و يجد اسمه مسجل بطلاب المنازل
اما المرة الثالثة يتطلب موافقة الإدارة فياخذ بيان حالة قيد موضح به موقفه و يحصل على موافقة الادارة و يكون ذلك قبل بدء امتحانات الفصل الدراسي الأول و ده من واقع خبرتي كمرشد تعليمي و مر علي كتير من الحالات دي
بس يا ست انما انا هاسأل الاسئلة دي ليه ؟ عاشق جمالك مثلا؟
و بعدين لما انت مدرسة ليه بتنتحلي صفة طالب
اما بالنسبة للاخ اللي بتشكريه على المعلومة فانا هرد عليه بالمستندات و اعلمه الادب ازاي يتكلم بالاسلوب ده و يوجه اهانة للشعب كله

[افراح الجنوب]

المشاركة الأصلية كتبت بواسطة nasr fouad

نعم يا استاذة افراح
الطالب الذي تجاوز نسبة الغياب و تم فصله يرحل الي طلاب المنازل تلقائيا و لا يحتاج الى تقديم و يتوجه للامتحان في موعده و يجد اسمه موجود بالكشوف
و اذا رسب نفس هذا الطالب يكون له حق الاعادة للمرة الثانية منازل دون التقدم باي شيء يذهب للامتحان و يجد اسمه مسجل بطلاب المنازل
اما المرة الثالثة يتطلب موافقة الإدارة فياخذ بيان حالة قيد موضح به موقفه و يحصل على موافقة الادارة و يكون ذلك قبل بدء امتحانات الفصل الدراسي الأول و ده من واقع خبرتي كمرشد تعليمي و مر علي كتير من الحالات دي
بس يا ست انما انا هاسأل الاسئلة دي ليه ؟ عاشق جمالك مثلا؟
و بعدين لما انت مدرسة ليه بتنتحلي صفة طالب
اما بالنسبة للاخ اللي بتشكريه على المعلومة فانا هرد عليه بالمستندات و اعلمه الادب ازاي يتكلم بالاسلوب ده و يوجه اهانة للشعب كله

فين ميعاد التقديم وبلاش الكلام الغريب دا
وكلمة عاشق جمالى دى انا بلغت بها المنتدى

[افراح الجنوب]

انا فعلا السنه دى هقدم لبنتى ومش لنفسى وربنا عالم بأحوال البشر اللى عنده اللى يفيدنى بالميعاد بالظبط انا بشكره

[Nasr Fouad]

المشاركة الأصلية كتبت بواسطة افراح الجنوب

فين ميعاد التقديم وبلاش الكلام الغريب دا
وكلمة عاشق جمالى دى انا بلغت بها المنتدى

اقري المشاركة كويس
ميعاد التقديم قبل بدء امتحان الفصل الدراسي الأول
و اسف اذا كنت تجاوزت في الكلام لان كلامك استفذني حسستيني اني شخص فاضي و بيتسلى و ما يعرفش حاجة في اي حاجة

[بريكسات]

السلام عليكم
(استفسار)
لو واحد كان فى الثانوية(نظام قديم اللى هو تانيه ثانوى وتالته ثانوى ترم واحد ) وامتحن 1ث ونجح وبعدين امتحن تانيه وتالته ثانوى ولم يوفق وبعد كده حول الثانويه الصناعيه واراد هذا الشخص ان يدخل الثانويه ما المطلوب منه ان يفعل مع العلم ان عمره فى التلاتينات هل ينفع ولا لا وايه هيا الاجراءات اللى يعملها وشكرا