|
||||||
| اجتماعيات طالب قسم خاص بالطلاب للتعارف و تبادل المعارف و الحلول للمشكلات التعليمية |
 |
|
|
أدوات الموضوع | انواع عرض الموضوع |
|
#1
15-07-2015, 07:11 AM
|
|||
|
|||
إلي طلبة ثانوية 2014
بسم الله الرحمن الرحيم
ألف ألف مبروك لكل اللي جاب نتيجة كويسة ... انا هنا طبعا مش عشان أهني فئة أو أواسي فئة .... أنا بس عاوز تفهموا الموضوع ماشي ازاي .. الناس اللي فاكرا حلمها ضاع بعد ال 70 % أو 80 % أو حتي 95 % اللي جابوهاا مبدئياً : مجموعك ميدلش علي مستواك بالمرة في البلد دي وهقولك السبب اللي جاب 99 أو 100 في الثانوية عمل ايه غير انه حفظ منهج صم واتعرفت طريقة الحفظ ومدرسين صمموه المنهج وجو في البيت اتهيأ له ، ومش مطلوب منه يفهم أصلا منهج تافه مش محتاج فهم ومتغيرش بقاله 70 سنة .. نظام التعليم في مصر فاااااااااشل ولأنك تنجح في نظام فاشل دا في حد ذاته فشل .. احسبها معايا / لو اينشتين كان هنا في مصر ، صاحبنا دا كان بيجيب صفر في كل المواد لكنه كان ممتاز في الرياضة و الفيزيا .. هناك استفادوا منه وبقي دكتور في كلية هارفارد و أذكي واحد في العالم لو هنا في مصر كان جاب معهد بسيسة دا لو كان مجموعه جاب ثانوي أصلا وهيجيب توك توك يشتغل عليه ... كلاكيت تاني مرة / أحمد زويل في كتاب عصر العلم بتاعه بيقول انه كان نفسه يدخل طب بس للأسف مجموعه مجابوش ، وسلم أمره لله وقبل بعلوم حتي بعد ما اتخرج م الكلية مكانش فاهم حاجة وطلع برا درس كلية علوم من جديد وبقي عالم ( دا عشان طلع برا ) دا لو كان فضل هنا كان آخره مدرس كيميا مرتشي في البدرشين ... بلاش كلاكيت تالت مرة لأنها حالات ومش بتخلص ، بس خليك معايا أوائل الثانوية العامة : المفروض انهم عباقرة البلد ، بعد الثانوية بيروحوا فين .. بتسمع حاجة عنهم بيكتشفوا حاجة ، بيعملوا حاجة .. المفروض يعني مصر طلعت علي مدار 30 سنة 300 أول ع الجمهورية .. بلاش أضحك لأني صايم ... سلملي بس ع البتنجان و القرع البلدي .. المهم الرضا ، ترضي وتقول الحمد لله بكل اللي ربنا جابه ولعله خير ، وصدقني دي مش بلد يتعاش فيها طموح .. انت اجتهد مع نفسك وثقف معلوماتك عشان ياما ناس في كليات عادية وكانوا تماثيل ذهب وناس في كليات قمة ( زي ما بيقولوا ) بس تماثيل ورق .. خليني أقولك حاجة تانية .. ليا واحد صاحبي كان ناقص 14 درجة في العربي وجاب 89 % وملحقش حتي تمريض مع انه كان ممتاز .. دخل معهد ورضي وحمد ربنا ودلوقتي بيشتغل مع انه لسه مخلصش وبيقبض 1400 جنيه ولسه عنده 19 سنة .. وبلاش أعقد مقارنه مع بتاع طب .. الناجح بيعرف ينجح في أي حته ، ولو انت فعلا شايف نفسك دخلت كلية أقل من مستواك تعرف تثبت وجودك فيها علي كل اللي هناك وترتب ع الدفعة وتبقي معيد ف الكلية والموضوع مش صعب بس عاوز مجهود شوية .. ولكل اللي جابوا ... 98 % فيما فوق .. بلاش تتكبر علي خلق الله " لا يدخل الجنة من كان في قلبه ذرة كبر " وبلاش تفتكر نفسك كدا وصلت It is Just Beginning كلمة دكتور اللي اتضافت قبل اسمك دي / انت لسه متستحقهاش حتي بمجموعك مالم تثبت فعلا انك تستحقها ، جد في كليتك وتوكل علي الله واطلع دكتور ناجح ، لأنه ياما دكاترة متخلفين بيتسببوا ب*** ناس كتير .... " ارحم تُرحم " أنا مش بقلل من قيمة حد ، ولا بواسي حد .. لأني شايف ان الموضوع ميستحقش الزعل والقلق دا كله ... انت بس حط الكلمتين دول في دماغك " ثقف نفسك علي اد ما تقدر ، وجد في كليتك علي أد ما تقدر ، تطلع ناجح فعلا " و السلام عليكم
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله . 
|
|
#2
15-07-2015, 02:00 PM
|
|||
|
|||
|
بشكرك على الموضوع الجميل دة بالرغم من ان ربنا وفقنى وجبت مجموع حلو الحمد لله يرضى اهلى .. بس فعلا فى تخلف كبير فى البلد والتصحيح والنظام نفسو ناس كتير من صحابى بيقولو انهم مظلومين فى التصحيح واعتقد ان دة حقيقة وناس تانية جابت مجاميع عالية الله اعلم ازاى .. انا فرحان طبعا للى جابو مجاميع عالية بس مستغرب الامر برضو .... ودة طبعا علشان هبل التصحيح
مثال على كدة .. فى مواد عامل حسابى انى مش هنقص فيها اكتر من نص درجة او درجة بالكتير لو المصحح غلس لقيت نفسى ناقص 3 درجات .. زى الكيمياء مثلا والعربى ومواد تانية عامل حسابى على نقص 4 درجات اقل حاجة ويمكن اكتر لقيت نفسى ناقص درجة ونص بس .. على العموم كل دة بيخضع لإرادة ربنا .. انا مش زعلان طبعا على اى حاجة حصلت الحمد لله على كل حال .. وبشكرك تانى على الموضوع الجميل دة 
|
|
#3
16-07-2015, 08:59 AM
|
|||
|
|||
|
كل ده بسبب ان الناس و المجتمع صنعوا من الثانوية العامة دي "بعبع" بمعني الكلمة .. و الاهل كل واحد بيشد علي ابنه و بيبقي عايزه يجيب مجموع عالي بالعافية .. بس علشان يتباهي بيه قدام عيلته و قدام الناس من غير ما يفكره هيعمل ايه بالمجموع ده بعد كدا و ياتري هيستغله صح في الكلية اللي هيدخلها
بإختصار .. فعلا نظام التعليم محتاج تغيير جذري بمعني الكلمة لأن التعليم لو اتعدل بجد .. هتتعدل باقي المجالات في المجتمع و لأن صعب ده يحصل في البلد لكن المفروض مانفضلش نلعن الظروف و البلد .. و نرضي بالامر الواقع و يبقي تعاملنا مع ربنا و " لكل مجتهد نصيب" و محدش بياخد اكتر من تعبه وربنا يفرح الجميع يارب
|
|
#4
17-07-2015, 05:51 AM
|
|||
|
|||
|
اقتباس:
و ألف مبروك ليك .. و عقبال كدا ما اتفرح أهلك بدل المرا ألف ... ( انجح في البلد دي وانفد بجلدك  ـ كأنها بتصدر أـولادها للخارج ).. كل عام وأنتم بخير ...
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#5
17-07-2015, 05:57 AM
|
|||
|
|||
|
اقتباس:
 احنا مش بنلعن ظروف البلد ، فيه نقد هدام ونقد بناء ، انا في الموضوع دا نقدت نقد هدام بس أعرف برده أنقد نقد يفيد الموقف بس مين يسمع .. لأنها سياسة إخراج جيل ( ...... ) أكمل مكان النقط و عفكرا مش موجودة في الكتاب المدرسي أكيد كل واحد نفسه يبقي ناجح جدا .. بس فكرة الكلية اللي فاكرها دي هتحط كلمة النهاية في أحلامك تبقي غلطان .. ادرس مع نفسك ـ، ثقف نفسك - اتعلم لغات - خد دورات وشهادات ,,, لو فعلا عاوز تتعلم وعاوز تنجح بلاش نعيب ع النظام وننسي عيوبنا .. ووقت ما تلاقي نفسك مستعد ... سافر لأنك مش هتلاقي فرصتك هنا ..
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#6
17-07-2015, 07:26 AM
|
|||
|
|||
|
انا عاوزه اقول حاجة ف الن بس
مش سخيفه ع فكره , بس دول دفعه 2015 ........ لو جينا ع التصحيح و الظلم , انا اتظلمت ف درجتين ف اللغه و باقيه الدرجات ضاعت ع اسئله مش شوفتها رفعت تظلم و مش اخدت حاجة من الدرجتين برضه كنت هرفع قضيه , بس للاسف , نادر ان حد يكسب , ف كبرت دماغى اهم حاجة , انك ترضي , لان ده نصيبك اللى هو مكتوب ليك و مش هتاخد حاجة زياده عنه و شايف انك مظلوم , ارفع تظلم و ربنا يسهل و تاخد حقك ف وسط الكوسه دى شكرا ع الموضوع
__________________
Im faded
|
|
#7
17-07-2015, 08:06 AM
|
|||
|
|||
|
اقتباس:
..... ثانوية 2015 يلا محدش حوش ، دايما ليك نظرة مختلفة للموضوع مختلفة عن الباقي شابوووو  موضوع التظلم بيجيب أحيانا بس بلاش اليأس .. لعل الأمر يستحق المحاولة ولو مصمم أوي ع حلمك عادي ارفع قضية بس ليها ضرايب انك هتضيع سنة .. شكراااا لمرورك ...
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#8
17-07-2015, 08:15 AM
|
|||
|
|||
|
طب معلش انا جبت95.73علمي علوم اعمل ايه والله اتظلمت اووووي كده الحق حاجة ان شاء الله ولا ايه
|
|
#9
17-07-2015, 08:18 AM
|
|||
|
|||
|
اقتباس:
عادى , اهوه اللى راح راح بقي هرجع و اعيد اولى من تانى و انا ما صدقت خلصت منها  مهو طب اسنان عن بشري مفرقتش كتير
__________________
Im faded
|
|
#10
17-07-2015, 08:53 AM
|
|||
|
|||
|
اقتباس:
أدامك حل من التلاتة : 1- تقبل بالأمر الواقع - بس متقالش دا اللي ربنا اختاره ليا - وقدامك ( علاج طبيعي إن شاء الله - طب بيطري - علوم - تمريض ) وتجد في الحاجة اللي هتدخلها وبما انك متأكد انك اتظلمت في التصحيح يبقي مستواك أعلي من اللي فيها وتعرف تثبت وجودك هناك . 2- تكشف علي درجاتك ولو ربنا وقف في صفك يجيلك درجات تعلي بيهم مجموعك في حالة إن التجميع غلط أو المصحح غلط في تصحيح إجابات إما أبيض أو أسود .... إنما الإجابات اللي محتاجة رغي وكلام مش هتعرف تاخد منه حاجة ـ ولو مصمم ارفع قضية وخدها بعد سنة أو قضية مستعجلة وخدها بعد كام شهر بس محتاجة فلوس . 3- قدم في كلية خاصة ( صيدلة أو أسنان أو طب ) خالص ولكن لابد إن مستواك المادي يكون مظبوط لأنهم أعلي من 40 ألف في السنة بس بيقولوا ان تعليمهم نضيف ... ليك حرية الاختيار
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#11
17-07-2015, 08:56 AM
|
|||
|
|||
|
اقتباس:
كدا تمام أووي طب أسنان كلية ناجحة جدا ـ وللبنات خاصة - و هي بشري برده بس انفصلت من زمان .. وزي ما فيه دكتور عيون ودكتور أنف وأذن وحنجرة فيه دكتور أسنان ..
__________________
الـــعـــضويــــة مُـــعطــلة
لا أســـتقبـــل رسائل أستودعـــكم الله .
|
|
#12
17-07-2015, 09:04 AM
|
|||
|
|||
اقتباس:
و للبنات ؟  لا , ده الدنيا اتغيرت خااااالص و مفيش حاجة من الحاجات دى  طب تمام, وربنا يعنى و اخلع سنان الشعب 
__________________
Im faded
|
|
#13
17-07-2015, 09:15 AM
|
|||
|
|||
|
شكرا يادكتور محمد وارجو ارسال حسابك الشخصي ع الفيس في الرسايل الخاصة ان شاء الله
|
|
#14
17-07-2015, 05:00 PM
|
||||
|
||||
|
موضوع جميل بارك الله فيك
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:33 PM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
