ليه بنقوله طيش شباب و نقولها قطع رقبتها ؟

[samara92]

موضوع يحتاج للمناقشة

يفّرق المجتمع بين الشاب والفتاة فى كل شئ حتى فى ارتكاب الاخطاء...
فإذا ما اخطأ شاب
يتغاضى المجتمع عن أخطائه بل يطلق له العنان لكى يخطئ بحجة الطيش
وترى الشاب يواصل حياته وكأن شيئا لم يكن بل تشعر وكأنه امر مستساغ ومقبول اجتماعيا واحيانا يعتبره البعض بأنها خبرة ومكسب للشاب!!!
وكأننا نشجعه ضمنيا
على الاستمرار فى استكمال سلسلة الحماقات سواء كانت مادية او حسية..وحين تسأل متى ينتهى تجد الاجابة بمنتهى السهولة حينما يكتمل نضجه!!
وحقيقة لا ادرك متي يحين موعد النضج فى نظر المجتمع وما هو مفهومه وما هو المقياس المتحكم؟وهل مثلا اذا ما وصل اليه الشاب فهذا يعنى انه لن ينكص على عقبيه!!ولكن هذه المرة تحت مسمى "نزوة"
وهل من الممكن ان يتاخر الشاب فى الوصول اليه او ربما لايصل اليه مطلقا؟
باختصار فان الرجل له الحق فى ارتكاب ما يحلو من اخطاء دون اى ارتباط بمعايير كالسن او المكانة ولن ينتقص منه ذلك كثيرا ويكمل حياته بصورة طبيعية بل ان البعض تكون حياتهم عبارة عن باقة متجددة من الطيش والنزوات وعلى الملأ!!!
على الجانب الأخر ,يتعامل المجتمع مع البنت المخطئة _ايا كان خطئها فالعبرة معها بالكيف لاالكم _على انها
مجرمة , أو منحرفة والادهى من ذلك حينما تكون الفتاة هى المجنى عليها كالمغتصبة فهى فى مفهومهم الجانية والمسئول الاول بل قل الاوحد عما حدث لها.. فهي أخطأت في حق
نفسها ,أسرتها ومجتمعها , ونجد الكل في حالة ترقب للنيل منها والحكم عليها بالإعدام , وتصبح منبوذة طيلة
حياتها , حتى فرصتها في الزواج تقل وقد تنعدم بعد أن تسقط من حسابات أي شاب يرغب يسعى الزواج
وانا لااعني بكلامي هذا ان نتغاضى عن اخطاء
البشر سواء كان شاب او فتاه ولكن يجب ان يعطى الانسان فرصه اخرى بحياته
فان كان الله وهو خالق كل شي وفوق كل شي جل وعلا يرضى ويغفر للكافر الذي عمل وعمل مايحلو له من ذنوب بعد توبته .....
اعني الرحمه والرفق بالفتاه
والتى ارى انها هى المظلومة فى معظم_وليس بالطبع جميع_الاحوال فغالبا معظم الفتيات ليست لهن خبرة او ادراك فكرى عميق _نتيجة للسطحية والتهميش الذى يطغى على حياتهن ولا نستثنى المتعلمات فتلك هى السمة العامة للاسف لفتيات اليوم_وغالبا تجد المحرض او القوة الدافعة لتلك البائسة متمثلا فى فتاة لعوب او شاب يحوم حولها_وما اكثرهم_
وهذا بالطبع ليس تبريرا منى لمن يرتكب الخطأ فكل منا مسئول عن تصرفاته مادام الله قد حبانا بنعمة العقل
ولكن يستفزنى حقا تلك المفارقة وهذا التمييز البين فى المعاملة وانا لااطالب بالتساهل فى الرذيلة_وما اكثرها فى مجتمعنا الان_ولكن يؤلمنى الظلم والذى بدوره يولد القهر مما يكون مدعاة لانبثاق المشاعر السلبية وازدياد الهوة اتساعا وتباعد افاق التفاهم والتناثر بين السنة التناحر
والاستمرار فى تلك الدائرة المفرغة,دائرة الافهم والتواء الاراء والتجمد فى المنطقة المخنقة التى لازلنا نعلق بها

ايه رأيكم انتم؟

منقول

[dr.saeed]

اولا
شكرا للموضوع الهادف
ثانيا
موضوع البنت والولد
البنت اكيد بيبقى حسابها مش زى الولد
لان غلطتها بتفرق معاها كتير
بعكس الولد
ودى بسبب طبيعة كل منهم
ولى عودة بأذن الله
فى امان الله

اولا شكرا على الموضوع
ثانيا المجتمع المصرى مش عايز اقول منافق او فيه حتت نفاق مع نفسه
بس فى حاجة عندنا اسمها عادات وتقاليد
يعنى فى حاجات يجوز للولد يعملها لكن مع الفتاة تبئا من المحرمات
يعنى الولد لو عك يقولك عليه ده واد مدردح ومقطع السمكة وديلها
البنت بئا يقال عليها دى قليلة الادب وعايزه قطع رقابتها
ده مثال
تكوين البنت نفسه وطبيعتها
بتفرض عليها انها متعملش نفس اللى الولد بيعمله
دى طبيعة
عمتا دى وجهة نظر مش اكتر
وشكرا مرة تانية على الموضوع

[gumana]

ا احب اقولك ان احنا في مجتمع ذكوري ينظر للامور من وجهه نظر الرجال فقط

[Dr.diamond]

انا برضه بسأل نفسى كتير السؤال ده
ممكن يكون ده لأن سمعه البنت مهمه جدا
واخطاءها بتبقى قاتله بيغير مسار حياتها كله
بس انا شايفه اننا المفروض نحاسب الاتنين بنفس الطريقه
يعنى برضه الولد لازم يتحاسب على افعاله
لان امام الله سبحان وتعالى حسابهم زى بعض تماما
يعنى هو الولد مش المفروض انه يحافظ على سمعته لمجرد انه ولد ؟؟
ممكن يكون لاننا فى مجتمع بيدى الولد صلاحيات اكبر الى حدما من البنت
بس برضه مش مبرر اننا نكيل بمكيالين لما نيجى نحاسبهم المفروض سواء ولد او بنت يتحاسب

[أحمد2025]

عارفة
المشكلة ايه فى مجتمعنا
ان غلطة البنت بجول
وبرضه البنت بتخاف نظرة الناس ليها
اما الولد فعادى اى حاجة يعملها
الموضوع كبير
ولنا بقية

[الاسطورة]

بالظبط كما قال الاعضاء فى الردود السابقة
غلطة البنت ممكن تودى فى داهية
انما اى كان مقدار الغلطة من الولد فا مش ها تكون مضرة للدرجة
ولان البنت كمان حاجة تانية غير الولد خالص بالنسبة لنظرة المجتمع ليها

[Dr.Nobel]

ان غلطة البنت بجول

هو ده مفهوم مجتمعنا ان الواد ممكن يغلط تلاتين مرة ويفضل برضه زي ماهو ويتقال عليه محترم كمان

انما البنت تغلط نص مرة خلاص تبقي صايعة ومش تناسب اي حد

لاننا في مجتمع مفضل الولد علي البنت

[الضوء الشارد]

أولا ،ا مش موافق على أى غلط من ولد أو بنت لأن الغلك غلط ...... لكن غلطة الولد مش بفضيحة أنما غلطة البنت فضيحة وده صح لأننا فى مجتمع شرقى ولله الحمد مش مجتمع غربى فاجر بيترك للبنت الحرية

[mfahmy]

العيب مش فى الواد او البيت العيب فى المجتمع والنظام الى الى بيحلل الحرام ولله الى اعرفه انى الى حرام بيكون حرام على الواد والبينت ليه لما نشوف واد ماشى مع وحده نقول على الواد كويس بقا راجل وبيعرف بنات ونقول على البنتت مش محترمه وصيعه

[Dr.ahmed91]

زمان كنت بسمع في الأ فلام ان شرف البنت زي عود الكبريت
ولكن شرف الرجل هو شركة الكبريت نفسها

وده في البلاد المسلمة

انما في اوروبا وامريكا وكده فهم لغوا الكبريت اساسا وبقى الفرن توماتيكي
والميكرويف بفيشة الكهربا

فاحنا لازم نحافظ على الكبريت لأننا داخلين في مرحلة التوماتيكي خلاص
























ل

[فنكوشه المنكوشه]

غلطه البنت بتودي في داهيه انما غلطه الولد بسيطه برغم من انها نفس الغلطه
طب علي اي اساس بتقولوا ا كدا
هو ربنا سبحانه وتعالي لما بيجي يحاسب الناس بيقسهم لبنات وشباب
انا عمري ما سمحت مثلا حكم السرقه للولاد قطع اليد لكن البنت فطع الدراع كله مهي غلطتها مودياها في دهيه ومحدش يقولي دي حاجه ودي حاجه ماهو من الاخر في الزنا برضه العقوبه واحده
احنا اللي بنفرق واول ناس هما اللي ردوا علي الموضوع
للاسف المجتمع بقا عامل زي حديقه الحيوان محدش يقولي غابه لان الغابه فيها كل وسائل الراحه ومحدش بياكل حد زي ما انتوا متخيلين بالعكس المجتمع حديقه حيوان (وحط كلمه انسان مكان كلمه حيوان )فيها كل حيوان مسجون لا فيه صحه ولا فيه متعه ولا فيه حاجه الحيوان هو اللي صنع السجن بنفسه وهو برضه اللي بيحاول يتخلص من القفص اللي وضع نفسه فيه

[samara92]

اولا شكرا على مروركم

لكن انا رايى ان اى غلطة سواء من بنت او ولد عند ربنا واحدة

و ملناش دعوة بكلام الناس

[mR . mOstafa Fathi]

غلطة البنت بموته
الناس تبدا وغير كدا الناس مبتحبش تنافق
ولا تزود كلام وكدا يعنى

[retag allah]

كل الكلام والردود دي تكاك وعلي فكرا السؤال
دا كان في دماغي وفارسني شكرا ليكي