مش انا لبست الحجاب..رساله من تلميذه

[ابو وليد البحيرى]

السلام عليكم ورحمة الله وبركاته
إلى كل معلمه ومربيه
إنتبهى حفظكِ المولى
رساله من تلميذتى إلى وجعلتها بين أيديكن وبعدها نعلق على ما قد جاء فيها

*
*
*
*
*
*
*
التلميذه , ميس مش انا اتحجبت وبقيت بصلى العصر فى المدرسة لان انا مسائى
المعلمه بجد ماشاء الله ليكِ هديه عندى أما تيجى الدار
التلميذه ,اقولك بقى على قصة تحجيبى
المعلمه , إتفضلى قولى
التلميذه,كان عندنا حصة فاضية فدخلتلنا المشرفة بتاعت الدور ميس بتحبنا اوى اعدت تقرأ معانا قرأن وتحفظنا ادعية وكدة وفى اخر الحصة قالتلنا انتو كبيرتو لازم تتحجبو وكدة مينفعش تمشو بشعروكو وكدة قولنلها ماشى قالتلنا وكمان لازم تصلو انا الحمد لله طبعاً بصلى الخمس فرود وبصلى الصبح والظهر قبل ما انزل والعصر فى المدرسة والمغرب والعشا هنا فا اية جالى نفس اوى انى البس الطرحة تانى يوم لقيتنى حبيتها اوى فقولت البسها فى المدرسة الميس بقت فرحانة بية اوى وانا بجد فرحت
المعلمه,ماشاء الله بس هتلتزمى بيها ولا؟
التلميذه, أه بس قررت انى البسها فى المدرسة بس انا اصلاً كنت متفقة انا وماما من السنة الجاية بس السنة الجاية هبقى متحجبة رسمى مش هقلع الطرحة
المعلمه, لا قولى إن شاء الله هتلتزمى بيها ومش هتخلعيها أبدا
التلميذه ,من الشتا بقى علشان هلتزم علشان الساقعة وكدة
ميس هو حضرتك اتحجبتى امتى
المعلمه, من وأنا صغيره تقريبا فى 2 إبتدائى لان أبى ملتزم ومعودنا على الحجاب وإحنا صغيرين جداا
التلميذه,ياه ه ه ه
يعنى انا المفروض اتحجب رسمى طيب والنقاب
المعلمه, بصى يا مياده هشرحلك كل حاجه انت عاوزاها
انت اما بتيجى تتعلمى حاجه بتتطلع صح اول مره
ولا بتفضلى تتدربى عليها كتير لحد ما يجى وقت وتعمليها لوحدك وتطلع كويسه؟
التلميذه ,لا طبعا
المعلمه, الحجاب نفس الكلام
كل يوم يمر بتعود عليه من وإحنا صغيرين لحد ما سن معين بيكون لازم ألبسه قدام اى حد غير المحارم
التلميذه اه فهمت
المعلمه ,عارفه يعنى ايه محارم
التلميذه اه قدام الاسره بس
المعلمه لا يامياده يعنى تلبسيه قدام اى حد غير بابا وجدو وعمو وخالو واخواتك لكن
التلميذه فهمت يا ميس شكرا

.
.
.
إنتهت قصتها ولكن
,
,

أولاً اعتذر على ركاكة الاسلوب فهى مازالت طفله لم تتجاوز 12 عام
ثانياً فالحجاب هو أهم القضايا الإسلامية لذلك فإنه من الاحق علينا تجاه الفتيات المقبلات على البلوغ أن نربيهم عليه وأن نتدارك أمره ونعلمها بحب عن الحجاب منذ صغرها فمن إقتناعكِ انتِ وحبكِ للحجاب يكون رضاؤها وحبها له
فالاطفال كلما أحبوا شخصاً تطبعوا بطباعه فى كل شئ فإن احببته احبته الفتاه فتنشأ عليه وتتربى
ثالثاً أخيتِ تتلخص القصه فى عدة نقاط هام
1*هناك فارق بين الفترة التي ماقبل التكليف وتلك التي ما بعد التكليف لابد من التعامل مع هذا الفارق بما يحقق المصالح وكل فتره لابد من ان تراعى فيها طريقة الكلام والحديث عن الحجاب بين الترغيب او الترهيب
2*اليقين من أن الدين الإسلامى يأمرنا بتدريب فتياتنا على العبادة قبل التكليف بها أي قبل بلوغهم
3*طريقة إبلاغ هذا للفتاه وإتخاذ طريقة الترغيب بشتى الوسائل حتى إنها إنها إن احبته احبت الإلتزام به وإلا إن إرتدته جبراً وكهراً كرهته وحاولت التهرب منه فى غياب ولى الامر فقد يرتدينه بالإكراه خوفًا من ولي الأمر وتشويه صورته وإخراجه عن ما خلق له

وأخيراً فلنتقِ الله فى بناتنا
منقول