جديدة فى التربية والتعليم وعندى استفسار

[psychologist heba]

بعد اذنكم عندى كذا استفسار بما انى جديدة فى التربية والتعليم

اولا: فى حالة رفض مدير المدرسة للاذن المقدم منى لحضور محاضراتى فى الدبلومة التربوية العامة لانى غير حاصلة على مؤهل تربوى ايه هى الاجراءات اللى اقدر اعملها تجاه المشكلة دى عليما بانى فى فترة الــــــــ 6 شهور تحت الاختبار حاليا؟

ثانيا: مكتوبلى فى مفردات مرتبى 18 جنيه رسوم قيد نقابة ، انا لم اطالب بذلك اصلا بس اللى حصل من الموظفة بقى فانا دلوقتى اقدر اروح النقابة و انا فى فترة ال6 شهور تحت الاختبار واقدم فيها و اطلع كارنيه ؟ و ال 18 جنيه بتوع رسوم النقابة دى هل انا خلاص كده مش هادفع تانى لما اروح النقابة ولا ال 18 جنيه دول نظير ايه بالظبط؟

ثالثا: التقرير او التقييم اللى بيتم كتابته عنى عن فترة الاختبار دى بيكون معاييره ايه بالظبط ومين بيكتبه؟

رابعا: انا تاريخ استلامى للعمل 11/6/2015 و تاريخ الاقدمية بتاعى 12/1/2015 و انا معينة بالماجستير ، امتى اقدر اقدم طلب بضم حافز الماجستير و اقدمه لمين تحديدا؟

وشكرا لكم

[lailaaa]

1/اللى اعرفه ان فى امتحان الدبلومة بتجيبى الجدول ومختوم وبتقدميه بالمدرسة ومن خلال المدرسةكان فى زميلة كانت المديرة لو طلعتها للمحاضرات بيكون ودى وفى الغالب بترفض والله اعلم

2/بالنسبة للنقابة انتى بمجرد التعاقد بيتخصم منك الاشتراك ولو تعاقدك فى سن معين بتدفعى السنوات السابقة وتقدرى تطلعى كارنية النقابة وانتى بالتعاقد

3/ حضرتك تقصدى بفترة الاختبار ؟ التعاقد يعنى ..لو كده يبقى فى تقرير سنوى لكل مدرس بكتبه المدير او من يوكل عنه

4/ متهيألى روحى شئون العاملين فى الادارة واستفسرى هيكون احسن

واخيرا ارجو اى نقطة عجزت عن ايضاحها ان يفيدك الافضل منى علمآ وخبرة .................ووالله اعلم

[عمر المنياوى]

بالنسبه لسؤال حضرتك عن حافز الماجستير ده يعتمد على نقطه هامه ارجو من حضرتك توضيحها حتى اقوم بالرد وهى ..هل حضرتك معينه عن طريق التنظيم والاداره فى وظيفه اخصائى تدريس ثالث ام بوظيفه معلم مساعد
النقطه الثانيه الهامه هل حضرتك حاصله على الماجستير قبل التعين ام بعد التعيين ؟؟