مش عارف اختار علمى علوم ولا علمى رياضة

[انا ناجح]

ممكن حد يشرحلى نظام الثانوية العامة ده والمواد اللى فى الشعبتين بالتفصيل الممل وشكرا

[توكلت علي خالقي]

توكل علي الله وصلي استخارة وتضرع لربنا وهو هيرشدك ان شاء الله للافضل والفرع اللي بتحبه خشه ودوس فيه والله الثانوية عادية بس مسالة خوف بس ومالوش لازمة انا علي فكرة في 3ث دوقتي وفاضل اسبوعين ع امتحاني ان شاء الله وانا علمي علوم هو بسيط بس الاحياء محتاجة حل والجيولوجيا محتاجة مراجعة كتير بص ثانوية يعني حل ثم حل ثم حل واتمني اكون افدتك وادعيلي بقي امتحاناتي خلاص......................

[Dr.Mohamed Sabry]

علمي علوم /
المواد كالتالي : عربي - فيزياء - كيمياء - أحياء - انجليزي - جيلوجيا - لغة اجنبية ثانية .
مميزاتها :
1- (( كروتها كتير )) بمعني ان فرق بين الكليات فروق بسيطة لو ملحقتش دي تلحق دي ، بمعني لو ملحقتش طب لقدر الله تلحق أسنان ولو ملحقتش اسنان تلحق صيدلة ولو ملحقتهاش علاج طبيعي ولو ملحقتهاش بيطري ولو ملحقتهاش علوم ولو ملحقتهاش تمريض ... وهكذا .
2 - نظرة المجتمع ( ودا طبعا الحاجة اللي بقت بتوجه الناس كلها ) و اللي بيستجيب ليها أهل أي طالب , عاوز ابنه يبقي دكتور .
3 - امتحاناتها مضمونة نسبيا ، يعني هوا منهج أحياء مش كبير و منهج جيلوجيا لو حفظتهم صم (( طبقا لنظام التعليم الشامخ بتاعنا )) هتقفلهم وانت حاطط رجل ع رجل .
عيوبها :
1 - مش مناسبة للطلبة اللي متحبش تحفظ ( هيتعبوا فيها ) ، لأنك لازم تدعم حفظك بفهم .
2 - عاوزة مجهود أعلي من الرياضة ، بالنسبة للي عاوز يجيب مجموع عالي فوق ال 97 % .
............................
علمي رياضة /
المواد كالتالي : عربي - فيزياء - كيمياء - رياضة 2 - انجليزي - لغة اجنبية ثانية .
مميزاتها :
1 - ملائمة للطلبة اللي بيحبوا الرياضة وبيحبوا التفكير والفيزيا و مبيحبوش يحفظوا كتير .
2 - ملائمة جدا لذوي الأحلام المتوسطة .. يعني لو واحد مستواه وسط هيدخل ويجيب كلية هندسة وهتكفيه .
3 - طالبة تحدي بالنسبة اللي عاوز يجيب بترول
عيوبها :
1 - (( كروتها قليلة )) فرق بين هندسة بترول وهندسة عادية تقريبا 5 % وممكن متلحقش بترول علي .2 زي ماحصل لبعض صحابي ودخلوا هندسة عادية .
2 - امتحاناتها مش مضمونة يعني ممكن تحل كل الملخصات وتدخل تلاقي مسألة أول مرة تشوفها وفيها فكرة جديدة .

ـــــــــــــــــــــــــــــــــــــــــــــــ

تقريبا دا كل حاجة عن الاتنين ولك حرية الإختيار :
- شوف انت نفسك تبقي ايه وجازف عشان توصل لحلمك .
- صل استخارة واللي ربنا يقسمه ليك هيكون وتوكل علي الله

أتمني أكون افدتك .. انت طلبت تفصيل ممل ومفيش أمل من كدا

[Duke Tefa]

انصح بان تصلي استخارة وتكرر صلاة الاستخارة
اما المواد 1- علمي رياضة (رياضة تطبيقية-رياضة بحتة-فيزياء-كيمياء+المواد الاساسية(عربي-انجليزي-"الماني-فرنساوي"-)
2-علمي علوم(احياء-جولوجيا-فيزياء-كيمياء+المواد الاساسية

[aalaaabdelhamed]

انا كتبت علوم بس بيقولولي ادخلي رياضة عشان مجموع هندسة مضمون

[Duke Tefa]

المشاركة الأصلية كتبت بواسطة aalaaabdelhamed

انا كتبت علوم بس بيقولولي ادخلي رياضة عشان مجموع هندسة مضمون

مش شرط يادكتورة الاء
انتي لو ذاكرتي في 3 وضغطي ع نفسك ممكن تجيبي مجموع طب باذن الله

[aalaaabdelhamed]

ان شاء الله ربنا يوفقنا يااارب ونحقق احلامنا باذن الله

[Duke Tefa]

اللهم امين

[* محب الرسول *]

ادخل اللي بتحبه وكويس فيه يعني انا كنت بحب الرياضه و كويس فيها جدا بس كنت حابب ادخل صيدلة دخلت علمي علوم ومجموعي مجبش صيدلة ودخلت كلية علوم والحمد لله كويسه بس بقيت بعيد عن الرياضة و بقيت ادرس مواد تانيه مش حاببها اوي زي الرياضه بس قولت ياريت كنت ادخل علمي رياضه عشان كنت حاببها وكويس فيها

[الـبشمهندز]

اكبر جريمه ممكن ترتكبها ف حق نفسك انك تدخل كليه الهندسه =d

[ahmad khalid]

مع احترامى للدكتور اللى بيقول ان طالب رياضة المتوسط بيجيب مجموع الهندسة و بيدخلها هذا كلام غير صحيحاولا لأن الرياضة محتاجة شغل كتير و لازم اللى داخلها يكون بيحبها عشان يبقى شاطر و فاهم لأن الامتحان لازم بيجيب جزء فهم حتى لو انت لقيته سهل و حليته غيرك من اللى بيحفظو الرياضة بيقع على طول و كمان هندسة لما بتوصل ل 92 بتكون ساعتها الامتحانات صعبة التنسيق قليلالخلاصة لو انت بجد بتحب الرياضة و مخك حلو فيها ادخل و هات مجموع عالى اما لو انت داخل رياضة عشان تنسيقها اقل من العلوم ابقى قابلنى ان فلحت و حتى لو جبت مجموع هندسة هيكون العربى هو اللى رافعلك المجموع و هتتعب اوى خلال المذاكرة و كمان هتتعب فى الجامعةو بالنسبة للكليات عندك بترول هندسة فنون تطبيقية تخطيط عمرانى حاسبات و معلومات علوم

[optimistic girl]

المشاركة الأصلية كتبت بواسطة aalaaabdelhamed

انا كتبت علوم بس بيقولولي ادخلي رياضة عشان مجموع هندسة مضمون

انا كنت علمي علوم بس احب اقولك فعلا هندسه مش مضمونه
والا كنت دخلتها لاني شاطره في الرياضه
وبلاش بيقولولي دي
خلينا نقول انتي بتقولي لنفسك اييه
وحابه تكوني ايه الاهم انتي عشان متضيعيش نفسك
صلي استخاره وربنا يهديكي علي اللي فيه خير

[Norhan Mostafa]

انا في ثانيه ثانوي نفسي ابقي دكتوره اسنان بس معتقدش

[Norhan Mostafa]

اخويا سالته من قبل قالي علمي رياضه في حاجه اسمها رياضه 2 دي صعبه جدا بس هتبقي سهله لو انت حاببها