وزارة التعليم تنتج اول فيلم بطولة معالى الوزير

[اروع كلام]

وزارة التعليم تنتج اول فيلم بطولة معالى الوزير
كعادة وزارة التربية والتعليم بدات الوزارة في انتاج فيلم عربى جديد من بطولة معالى الوزير الجديد
المشهد الأول (تصوير نهارى - خارجى )
تبدا احداث الفيلم بزيارة معالى الوزير و معاه الحاشية والبطانة من اللصوص المحترفين و الناس الى فاهمين - هذه الزيارة طبعا مفاجئة - المهم تبدا الزيارة الى احدى مدارس الثانوى و يقوم الوزير و اللصوص بعمل جوله في المدرسة .
في أثناء الجوله "يفوجاء" المعالى الوزير بعدم وجود طلاب الصف الثالث الثانوى ( مفاجئة و سسبنس في الفيلم و كلنا عارفين ان ده الطبيعى في اى مدرسة في مصر الوحيد الى ميعرفش كده هو معالى الوزير عشان يتفوجاء على راى اللنبى ) المهم يثور المعالى الوزير و يحول المدير والغفير للتحقيق ( وكان معالى الوزير من بنها ) ويثور ويهدد بالويل والثبور وعظائم الأمور ويعد بزيارة تانيه بعد اصلاح الوضع وعودة طلاب الصف الثالث الثانوى.
المشهد الثانى _ تصوير داخلى - ليلى ) يجتمع الوزير و عصابته في مكتبه و ياخد رايهم في الى حصل
اللص الأول:- انت كنت فين من زمان يامعالى الوزير .....
اللص الثانى:- التعليم كان محتاج واحد زيك من زمااااااااااااااان
اللص الثالث :- انت الى هترجع الطلبه للمدارس و تلغى الدروس الخصوصية.
يبتسم معاليه و يفاجئهم بانه انصح منهم كلهم و يوجه الكلام للعصابه ويقول لهم
ياولاد الكلب دى مسرحيه بعملها عشان وى كانما ان انا اتفوجئت بان مفيش طلبه مع انى عارف ان ده العادى بس لازم اعمل الفيلم الى شوفتوه و اعمل ان انا باخد اجراء ضد اى حد زى المدير او الغفير لانى لو ماخدتش الموقف ده يبقى انا عارف ان مفيش طلبه و لا فيه تعليم و حفتح باب عليكم ومش هتعرفو تسرقو بحجه التعليم يعنى مثلا الناس هتسال لما الصف الثالث الثانوى مش موجود ( ثلث طلاب المرحلة الثانوية العامه و الفنية ) يبقى ليه عاوزين ميزانية و زيادة في اعداد المدرسين والموظفين مع ان تلت الحصص مش موجود فعليا ؟؟؟؟ و ليه كثافة الفصول العاليه مع ان مفيش طالب في سنه تالته يعنى ممكن نستغل حجرات الصف الثالث الفارغه في تقليل الكثافة في سنه أولى و سنه تانيه؟؟؟؟؟ )
ينظر باقى افراد العصابه لبعضهم و يصفقو لمعالى الوزير الفاهم وعامل عبيط عشان مصلحتهم وعشان يعمل استراتيجيه للتطوير تحتاج 8 سنين ( ومش عارف ليه كل استراتيجيه دايما بتحتاج 8 سنين ) و طبعا الوزير بيمشى بعد سنه او اتنين و ميكونش كمل الاستراتيجيه و الى بعده يبدا من الأول................. فكر عالى اوى
المشهد الثالث ( خارجى - نهارى )
الوزير يزور نفس المدرسة السابقة و قد حضر جميع طلاب الصف الثالث الثانوى و يثنى الجميع على جهد الوزير و عبقريته التي اعادت الطلاب للمدرسة و يشكر مدير المدرسة على تفانيه في العمل .................... و تنتهى الزيارة و الجميع يبتسمون امام فلاشات الكاميرات و تنزل التترات و مع نزول التترات نكتشف ان الطلبه الى شافهم معالى الوزير هم مواطنون عاديون وشوية موظفين وجيران المدرسة الذين حضرو ككومبارس لحين انتهاء الزيارة مقابل 20 جنيه لكل منهم من بند مصرفات نثرية من الوزارة )
الفيلم اسمه الوزير والعصابه

[ahmedsalamaa]

الفيلم رائع بس حاسس اني شوفتة كتير اووووي

[اروع كلام]

المشاركة الأصلية كتبت بواسطة ahmedsalamaa

الفيلم رائع بس حاسس اني شوفتة كتير اووووي

طبعا شفته وحتشوف كمان لانه عرض مستمر ياباشا طول ما الوزارة ملاذ آمن للصوص و الافاقين و النصابين تحت مسمى موظفين ووزير هو في الأساس رئيس عصابه