صرخة اب مظلوم (احداث مجلس الشورى)

[Monier]

بعد مرور مده كبيرة مش بخش فيها بسبب ظروف الجيش الحمد لله رجعت مرة اخرى لبيتى التانى
معلش استحملونى بقا هتلاقوا لسه اسلوبى مرجعش زى الاول
بس دى حاجة مؤقتا

امنع الرغى ..... امنع الكلام

يلا بينا نسمع الاحكام

من غير تحية ولا سلام

حاجة كدا زى الافلام

عايشين فى كوابيس بدل الاحلام

بعد ثورتنا المجيدة

والحال بقا ع الحديدة

شايف اب بيصرخ ويقول

عن الظلم مين المسئول

اخوان ولا عسكر ولا فلول

الا ب بيصرخ وينادى

البلد سجنت ولادى

ابنى اللى بينور حياتى

واللى هيشيل الحمل بعد مماتى

مش عارف ليه

مصممين على شهادة وفاتى

ثورة ايه اللى عملتوها

جبتوا عسكر يحكموها

راحت الثورة وراح الامل

رجع الظلم رجع الالم

رجع الباشا بنفس الوش

بس وراه ناس بتغش

ناس بتصقف وناس بتنش
ناس بتزيد الحياة بالهم
وناس بتدور على حق الدم
وناس بتصرخ وناس بتقول

مين ع الظلم هنا مسئول