وعدت الطلاب بهدايا هل اخطأت ؟؟

[gad7777]

اليوم وعدت الطلاب ان تفوقو في الاجابات في الحصة القادمة سوف اقدم لهم هدايا هل مسموح بدلك في المعهد وماهي نوعية الهدايا التي تنفع الطالب ؟؟ وماهي طرق تشجيع الطلاب وحثهم علي العلم وحب المادة جزاكم الله خيرا

[Mo Fawzi]

بارك الله فيك وفي كل من يحرص على مصلحة الطلاب ويشجعهم على التحصيل والتفكير. الافضل هو اعلان نظام توزيع الهدايا عليهم قبل الامتحان او المسابقة بيوم على الاقل، يعني الهدايا او الجوائز للثلاثة او الخمسة الاوائل او لو هتقسمهم مجموعات عمل ودي بتعمل تنافس اكبر وروح جميلة وبتخلي الاولاد يحبوا المادة ومدرس المادة. وطبعاً مفيش مانع من توزيع الهدايا وده يعتبر من تجويد العمل ولو في عدل او نظام ماشي في الازهر المدرس اللي يفعل الانشطة داخل وخارج الفصل المفروض يكون ليه تقدير من نوع خاص. اما الهدايا ممكن تكون مادية بسيطة او عينية زي اقلام او ادوات مدرسية او مصحف بطباعة ذات جودة عالية او تي شيرت او كاب او ساعة يد بسعر قليل للتشجيع، الافكار كتير وممكن برضه توزع عليهم شهادات تقدير مختومة من المعهد بتبقى ليها ذكرى جميلة في المستقبل وربنا يقدرك على فعل الخير.

[ام علاء]

حضرتك ده شىء جميل وبيقوى روح التنافس بين الطلاب
وبيدعم الود بين الطالب واستاذه ..وحضرتك علشان تخرج من
دائرة السؤال او القلق بتكرم الطالب المتفوق فى طابور الصباح وبتشرك معاك
شيخ المعهد او الوكيل ..وبتكون الهدايا شهادة تقدير بسيطة وهدية رمزية
من الادوات الدراسية ..وعلى فكرة اثابة الطالب المتفوق عبارة عن ممارسة
مشتركة فى كل مجالات الجودة ...

[الشوكاني]

التعزيز قد يكون بقطعة شيكولاته أو شهادة تقدير حسب امكاناتك ، ولا تظلم نفسك اتفق مع الاخصائي الاجتماعي واجعل تسليم الهدايا الرمزية بالطابور لشجيع بقية الطلاب والمعلمين

[حسين طه ابوطه]

أفضل شئ يشجع الطلاب علي الجد أنك تعامل منافسة بين الطلاب بما يشبه المسابقة ستجدهم يخرجون كل ما لديهم

[الغالي وليد]

والله حاجه كويسه ومشجعه جدا
الموضوع دا تقريبا انتهي مش بسبب المعلم او تقصيره ابدا
لكن بسبب الحالة الاقتصاديه الطاحنه للمعلم وافراد العمليه التعليميه

[abdoelaswany]

دا شئ جميل منك
تحفيز الطلاب وتشجيعهم على التفوق الدراسى له اثر ايجابى على الناحية التعليمية بالمدرسة...

[gad7777]

جزاكم الله خيرا

[saad200979]

حياك الله ومتعك بالصحه والعافيه

انا بعمل الامتحان واللى يطلع من ال10 الاوائل بياخد بسكويت او نايتى يعنى علبتين ب22 جنيه

ربنا يجعله فى ميزان حسناتك ان شاء الله