الدبلومات الفنيه

[egylions]

ليه مفيش اقسام للدبلومات الفنيه
تجارى زراعى صناعى فندقى مهنى ......الخ
هو التعليم الفنى مظلوم حتى على النت
ياريت يا جماعه تعملوم لينا اقسام خاصه بينا
او تعملوم لينا منتدى مستقل تبع الموقع
او ممكن تعملوه بدومين فرعى تبع الموقع
وياريت يتم الرد السريع
تحياتى

[eng_ahmed_salem]

لأن اصلا مفيش اهتمام بينا من المجتمع
علي فكره انا خريج مدرسه فنيه نظام خمس سنوات ومستني التنسيق
وانا اتعلمت حجات طالب الثانوي العام لو اعد في الكليه 10 سنين مش هيتعلمها عشان هوه متعود علي الدح والنظري مش العملي والشغل بالايدي

وعموما هيه ثقافه منتشره بين المجتمع المصري

ان طالب الصنايع صايع

لكن الوضع غير كده تماما
والتعليم الفني هوه اللي هيغلب عشان سوق العمل محتجنا اكتر من خريجي الثانوي العام او الجامعات
سواء هندسه او اي حاجه عشان احنا عندنا خلفيه عمليه انما خريج الجامعات النظريه وحتي الهندسه مش بيعرف حاجه خالص
ومعظمهم بيشتغل ببركه دعا الوالدين
زي كل حاجه عندنا

[كركركوكو]

للاسف
انا تعليم صناعي
ولاكننا في دوله لاتقدر هذا

وثقافة الشعب المصري وفكرة عن التعليم الصناعي

وعلي فكره في ناس كتيره ناجحين في التعليم الصناعي

ولكننا مظلومين

وهنعمل ايه يعني

وطبعا للاسف انا خلصت الدبلوم وهكمل

بس انا موافق علي الفكره
وان شاء الله لو اتنفذت هكون متابع معاكم

بس اعتقد انها مش هتتنفذ

لان العدد هنا قليل
بس ياريت تتنفذ

[Sherif Elkhodary]

في انتظار راي استاذ اشرف

[egylions]

والله انا منبهر ان فيه حد رد اساسا
وياريت توافق الاداره على منح التعليم الفنى فرصه ليرتقى من خلال هذا الموقع المميز
وانا متاكد ان فيه ناس كتير من التعليم الفنى بتتمنى انها تلاقى وجود على النت
وانا عارف ناس كتيره منهم
ياريت توافق الاداره
ولو الاداره وافقت انا هبقى مسئول عن التعليم التجارى دا بعد موافقه الاداره طبعا