قصة فاشل جاب 98 %

AbdallaElrayan · #1 04-01-2015, 07:25 AM

السلام عليكم ورحمة الله وبركاتة ..
===============================

البوست دة مهم جداً جداً جداً ...

كل الناس بتتكلم دلوقتى عن الاحباط الشديد اللى عندها .. وانها مش هتوصل للى هى بتحلم بية ..

لحظة .. هقولكم حاجة صغيرة كدة ,.

انا عبدالله الريان من الزقازيق كنت جايب 98 % كنت مقفل كل المواد معادا عربى وانجليزى دول هما اللى حرمونى من ترتيب الجمهورية ..

انتو عارفين انا ذاكرت امتى .. او نجحت ازاى ..

اولا انا كنت داخل السنة شادد حيلى ع الاخر بذاكر كل حاجة زى معظم الناس ..

جيت بعد اول شهرين زهقت من الدروس ومن كل حاجة .. ممكن اغيب اطنش ,,

كنت بنام 13 ساعة فى اليوم وممكن اكتر من كدة .. عاوز اقولكم انى لحد شهر واحد كنت مخلص 3 مسلسلات .. كل مسلسل تقريبا 75 حلقة .. مش ممكن اوصفلكم انا كنت عامل ازاى .. كان اكتر حاجة اعرفها انى مش هنفع وكنت بقول فى نفسى انى مش هلحق يعنى لو بدأت اذاكر مش هجيب مجموع لان ربنا بيقول .. "{ إِنَّ الَّذِينَ آمَنُوا وَعَمِلُوا الصَّالِحَات إِنَّا لَا نُضِيع أَجْر مَنْ أَحْسَنَ عَمَلًا } صدق الله العظيم .

كان جوايا حاجة بتقولى انى مش عاوز اكمل انا مش هنفع اصلا .. لية اذاكر وانا مش هتقدم خطوة قدام .. ونسيت انى مش انا اللى احدد العمل الكويس من الوحش مش انا ربنا اللى بيقيم الاعمال .. مش انا اللى هقول ان عملى كويس ولا لا ..

بدأ الموضوع يتدهور بدل ماكنت انا اول الدرس بقيت متوسط يعنى مقفلش امتحانات كتيير .. وكان اكتر ناس بيشجعونى ع اللى انا فية للاسف هما صحابى ,, لانهم كانو بيقولوى انا ذيك .. مكنتش لاقى حد ينصحنى يوجهنى يقولى اتصرف ازاى فاضل 5 شهور ع الامتحانات وانا خلاص هضيع حلم اهلى وتعبهم .. مكنتش بفوت ماتش كورة بروح العب ع طول اى ساعة ,,, كانت المشاكل للركب .. اهلى مش عاجبهم الوضع ,, حد يقولى ذاكر بتنرفز واقولهم انتو هتعرفو مصلحتى اكتر منى انا عارف بذاكر اية وازاى .. وكمان بعد لما والدى يقولى انت مش نافع كنت طيب بدال انا مش نافع لية مروحش اشرب سجاير وانحرف منا مش نافع .. للاسف المدرسين اللى فى الدروس فقدو الامل منى خالص .. خلاص عبدالله الريان كان حلم وراح كان حلم كل مدرس انى ادخل بترول لانى زى ابنهم وكلهم حبايبى .. بسى خلاص ,, وكلهم اخدو عليا بقوا بيقللوا من قمتى .. لعند ما فى يوم الاستاذ بتاع العربى كانت اجازة نص السنة و قال لكل المجموعة استريحوا شوية انتو تعبتوا .. ورااح باصصلى كدة وقالى بالنسبة ليك يا عبدالله ملكش دعوة بالكلام دة انا معملش حاجة خالص ..

كل المجموعة ضحكت مش عاوز اقولكم انا قدام نفسى كنت عامل ازاى .. قررت لا مش هسيب نفسى هكمل وهوصل .. افتكرت شوية كلام من الاساتذة بيقولوة فى اول السنة .. فى استاذ قال لما تفيد حد بعملومة ربنا بيديك معلومة تانية يعنى صفقة .. بسى خارج الامتحانات ,, هاااااا

بس بدأت اعمل جدول لنفسى عاوز اقولكم انى الاجازة دى اصلا مش كان بجيلى قلب انى اضيع وقتى .. لو عاوز حاجة عندى المدرسين ممكن اروح لمدرس على بيتة .. مفقدتش الامل كنت بسمع كلام من الناس انى استحالة اوصل للى انا عاوزة انا مكنتش بذاكر بسى كنت بتحدى نفسى يعنى استاذ الكميا قال فى مراجعة ع الفصل السابع الحصة الجاية .. انا قولتلة كدة فى وسط المجموعة هات اخرك .. واعلى حاجة عندك ,, كان موقف صعب بسى لقيت نفسى بذاكر علشان اكسب التحدى .. وفى اليوم دة الحمد لله عمل امتحان انا كنت بحل لة المعادلة والمسائل باكتر من طريقة علشان اعرفة انى عارف كلة ,, وجت على مسئلة محدش عرف يحلها انا الحمد لله حليتها ,, بسهولة جداً طلعت عمال اشكر ربنا وازاى انا كدة وفى ناس بتذاكر من اول السنة ومعرفوش يعملوا حاجة بجد ربنا كان صحبى وحبيبى وكل دنيتى .. ومن هنا عرفت الحقيقة مش انا اللى بحدد الاعمال ,, سيدنا سعد بن معاز اللى قعد فى الاسلام قليل جدا ومع ذالك اهتز لموتة عرش الرحمن ياالله ماذا فعل لقد كان من الصحابة من هم اكثر منه وقتا ساعتها.. عرفت انى اعمل وبس وربنا اللى بيقدر .. من هنا اتعلمت حاجت كتييير اتعلمت ازاى اعيش اصم علشان الناس بتسرق احلامى مليش دعوة بحد بخلص درسى اروح ع بيتى افطر واذاكر مش عارف جبت القوة دى منين انا اصلا مكنتش بحب اذاكر اصلا لكن ارجع وافكر واقول طب بعد عشر سنين انا هكون فين هكون بدور على شغل ومش لاقى وصحابى كلهم مهندسين ودكاترة و مش حد هيقبل يقف معايا لانى مثل سىء وكل حاجة هتضيع .. لا انا لازم ابدأ من دلوقتى لازم موصلش للنقطة دى .. اقوم اصلى قيام ليل واقول يارب ساعدنى يارب اقف جمبى ... كان دايما بيسمع دعايا ,, وكان دايما بيقف جمبى انا تقريبا نجحت بسبب قيام الليل وان نيتى كانت خالصة لله .. الحمد لله ذاكرت وعملت اللى بحلم بية وانا رايح الامتحان تخيلوا انى كنت ناسى كل حااااااجة انا مش عارف حاجة بفكر مرحش .. لكن كنت بقول يارب انت وقفت جمبى كتير مش هتيجى تسيبنى انهاردة .. فعلا كنت بروح اطلع من الامتحان اسهل امتحان قابلتة فى حياتى .. كنت واخد قرارى انى مش هغش حتى لو هيكلفنى مستقبل كامل .. بس عديت الامتحانات وجت يوم النتيجة .. كنت فى الشغل امال مش لازم اعدل حياتى ولا هفضل تافه .. كنت شغال فى القاهرة فى شركة سياحة مش عاوز اقولكم الصدمة اول لما شوفت النتيجة ,, مكنتش مصدق انا دة كنت جايب اعلى من صحابى كلهم .. الحمد لله .. مش عاوز اقولك فرحة الناس بيا لدرجة انا صاحب الشركة كل لما حد يجيلة يقولة عبدالله جايب 98% وهيبقى وهيبقى .. ارجع واحمد ربنا واقول لو كنت جبت 70 % كانوا هيعاملونى ازاى .. فترة كنت بعتبرها من الذ فترات حياتى ’’

من المواقف الطريفة كان فى واحدة قصادنا على طول كانت قدى جابت 69% كانت بتقول لوالدى ان كل اللى جابوا فوق 95% بالغش انا طبعا كنت هستريا الضحك بتتفجر منى ... الحمد لله اللى مش نزلنى لطبقتها .. الح

الخلاصة : الوقت مفتش انت اللى بتلوم نفسك .. شجع نفسك بطل احباط #ابتسم
مش انت اللى بتحدد اذاكنت اشتغلت حلوا ولا لا .. انت اشتغل وبس ..
قرب من ربنا وحبة لانك كل ما تحبة كل ما يديك اكتر .. اعملة كل حاجة صلى قبام ليل .. متفوتش فرض على فكرة المدرسين هيحترموك لما يلاقوك بتحترم ربنا بتتأخر علشان تصلى ,,, محدش هيقلل منك لو حد قالك حاجة .. اتعلم دى

عيش اصم .. الناس بتسرق الاحلام ودة كنت اتكلمت عنة فى البوست اللى فات ..

انتوا المشوار لسة قدامك حلمك يعنى انت لو اتنازلت عنة يبقى انت ميت ..

#مشوار_حياة
#Elrayan ..

hazemon · #2 04-01-2015, 09:22 AM

ممكن سؤال كنت بتنظم يومك ازاي قلي كان يومك ماشي ازاي لحد يوم المراجعة وكنت بتذاكر كم مادة في اليوم والرياضة كنت بتعمل فيها ايه والعربي الرخم الطويل والعربي
احكي جدولك بالتفصيل والانجليزي بردو يعني احكيلي الكتب كنت بتذاكر منها حليت من كم كتاب بالتفصيل يومك كنت مقسمه علي كم مادة كده يعني وهل انت بدات مذاكرة من اول واحد ولا نصه ولا اخره وشكرا علي القصة لرائعة

واثقه · #3 05-01-2015, 01:23 PM

انا مش عارفه اذاكر وانا ازهر وفقدت الثقة في نفسي خالص ومبذاكرش ومضيعه الوقت ع الفاضي اعمل ايه ؟؟؟؟؟؟؟؟؟؟؟

AbdallaElrayan · #4 06-01-2015, 04:10 PM

اقتباس:

المشاركة الأصلية كتبت بواسطة واثقه

انا مش عارفه اذاكر وانا ازهر وفقدت الثقة في نفسي خالص ومبذاكرش ومضيعه الوقت ع الفاضي اعمل ايه ؟؟؟؟؟؟؟؟؟؟؟

تقدرى تدخلى على صفحة " حقق حلمك Achive Ur Dream " على الفيس بوك هتلاقى هناك اللى يفيد حضرتك بأن الله ,, ولو حضرك قابلتك اى مشكلة ابعتى على رسايل الصفحة وبأذن الله هنفيدك .. اكتر بأذن الله

hazemon · #5 08-01-2015, 09:19 AM

مردتش يعني يا ريان خصوصا انا رياضة زيك

mr abn · #6 10-01-2015, 03:10 AM

اقتباس:

المشاركة الأصلية كتبت بواسطة abdallaelrayan

السلام عليكم ورحمة الله وبركاتة ..
===============================

البوست دة مهم جداً جداً جداً ...

كل الناس بتتكلم دلوقتى عن الاحباط الشديد اللى عندها .. وانها مش هتوصل للى هى بتحلم بية ..

لحظة .. هقولكم حاجة صغيرة كدة ,.

انا عبدالله الريان من الزقازيق كنت جايب 98 % كنت مقفل كل المواد معادا عربى وانجليزى دول هما اللى حرمونى من ترتيب الجمهورية ..

انتو عارفين انا ذاكرت امتى .. او نجحت ازاى ..

اولا انا كنت داخل السنة شادد حيلى ع الاخر بذاكر كل حاجة زى معظم الناس ..

جيت بعد اول شهرين زهقت من الدروس ومن كل حاجة .. ممكن اغيب اطنش ,,

كنت بنام 13 ساعة فى اليوم وممكن اكتر من كدة .. عاوز اقولكم انى لحد شهر واحد كنت مخلص 3 مسلسلات .. كل مسلسل تقريبا 75 حلقة .. مش ممكن اوصفلكم انا كنت عامل ازاى .. كان اكتر حاجة اعرفها انى مش هنفع وكنت بقول فى نفسى انى مش هلحق يعنى لو بدأت اذاكر مش هجيب مجموع لان ربنا بيقول .. "{ إِنَّ الَّذِينَ آمَنُوا وَعَمِلُوا الصَّالِحَات إِنَّا لَا نُضِيع أَجْر مَنْ أَحْسَنَ عَمَلًا } صدق الله العظيم .

كان جوايا حاجة بتقولى انى مش عاوز اكمل انا مش هنفع اصلا .. لية اذاكر وانا مش هتقدم خطوة قدام .. ونسيت انى مش انا اللى احدد العمل الكويس من الوحش مش انا ربنا اللى بيقيم الاعمال .. مش انا اللى هقول ان عملى كويس ولا لا ..

بدأ الموضوع يتدهور بدل ماكنت انا اول الدرس بقيت متوسط يعنى مقفلش امتحانات كتيير .. وكان اكتر ناس بيشجعونى ع اللى انا فية للاسف هما صحابى ,, لانهم كانو بيقولوى انا ذيك .. مكنتش لاقى حد ينصحنى يوجهنى يقولى اتصرف ازاى فاضل 5 شهور ع الامتحانات وانا خلاص هضيع حلم اهلى وتعبهم .. مكنتش بفوت ماتش كورة بروح العب ع طول اى ساعة ,,, كانت المشاكل للركب .. اهلى مش عاجبهم الوضع ,, حد يقولى ذاكر بتنرفز واقولهم انتو هتعرفو مصلحتى اكتر منى انا عارف بذاكر اية وازاى .. وكمان بعد لما والدى يقولى انت مش نافع كنت طيب بدال انا مش نافع لية مروحش اشرب سجاير وانحرف منا مش نافع .. للاسف المدرسين اللى فى الدروس فقدو الامل منى خالص .. خلاص عبدالله الريان كان حلم وراح كان حلم كل مدرس انى ادخل بترول لانى زى ابنهم وكلهم حبايبى .. بسى خلاص ,, وكلهم اخدو عليا بقوا بيقللوا من قمتى .. لعند ما فى يوم الاستاذ بتاع العربى كانت اجازة نص السنة و قال لكل المجموعة استريحوا شوية انتو تعبتوا .. ورااح باصصلى كدة وقالى بالنسبة ليك يا عبدالله ملكش دعوة بالكلام دة انا معملش حاجة خالص ..

كل المجموعة ضحكت مش عاوز اقولكم انا قدام نفسى كنت عامل ازاى .. قررت لا مش هسيب نفسى هكمل وهوصل .. افتكرت شوية كلام من الاساتذة بيقولوة فى اول السنة .. فى استاذ قال لما تفيد حد بعملومة ربنا بيديك معلومة تانية يعنى صفقة .. بسى خارج الامتحانات ,, هاااااا

بس بدأت اعمل جدول لنفسى عاوز اقولكم انى الاجازة دى اصلا مش كان بجيلى قلب انى اضيع وقتى .. لو عاوز حاجة عندى المدرسين ممكن اروح لمدرس على بيتة .. مفقدتش الامل كنت بسمع كلام من الناس انى استحالة اوصل للى انا عاوزة انا مكنتش بذاكر بسى كنت بتحدى نفسى يعنى استاذ الكميا قال فى مراجعة ع الفصل السابع الحصة الجاية .. انا قولتلة كدة فى وسط المجموعة هات اخرك .. واعلى حاجة عندك ,, كان موقف صعب بسى لقيت نفسى بذاكر علشان اكسب التحدى .. وفى اليوم دة الحمد لله عمل امتحان انا كنت بحل لة المعادلة والمسائل باكتر من طريقة علشان اعرفة انى عارف كلة ,, وجت على مسئلة محدش عرف يحلها انا الحمد لله حليتها ,, بسهولة جداً طلعت عمال اشكر ربنا وازاى انا كدة وفى ناس بتذاكر من اول السنة ومعرفوش يعملوا حاجة بجد ربنا كان صحبى وحبيبى وكل دنيتى .. ومن هنا عرفت الحقيقة مش انا اللى بحدد الاعمال ,, سيدنا سعد بن معاز اللى قعد فى الاسلام قليل جدا ومع ذالك اهتز لموتة عرش الرحمن ياالله ماذا فعل لقد كان من الصحابة من هم اكثر منه وقتا ساعتها.. عرفت انى اعمل وبس وربنا اللى بيقدر .. من هنا اتعلمت حاجت كتييير اتعلمت ازاى اعيش اصم علشان الناس بتسرق احلامى مليش دعوة بحد بخلص درسى اروح ع بيتى افطر واذاكر مش عارف جبت القوة دى منين انا اصلا مكنتش بحب اذاكر اصلا لكن ارجع وافكر واقول طب بعد عشر سنين انا هكون فين هكون بدور على شغل ومش لاقى وصحابى كلهم مهندسين ودكاترة و مش حد هيقبل يقف معايا لانى مثل سىء وكل حاجة هتضيع .. لا انا لازم ابدأ من دلوقتى لازم موصلش للنقطة دى .. اقوم اصلى قيام ليل واقول يارب ساعدنى يارب اقف جمبى ... كان دايما بيسمع دعايا ,, وكان دايما بيقف جمبى انا تقريبا نجحت بسبب قيام الليل وان نيتى كانت خالصة لله .. الحمد لله ذاكرت وعملت اللى بحلم بية وانا رايح الامتحان تخيلوا انى كنت ناسى كل حااااااجة انا مش عارف حاجة بفكر مرحش .. لكن كنت بقول يارب انت وقفت جمبى كتير مش هتيجى تسيبنى انهاردة .. فعلا كنت بروح اطلع من الامتحان اسهل امتحان قابلتة فى حياتى .. كنت واخد قرارى انى مش هغش حتى لو هيكلفنى مستقبل كامل .. بس عديت الامتحانات وجت يوم النتيجة .. كنت فى الشغل امال مش لازم اعدل حياتى ولا هفضل تافه .. كنت شغال فى القاهرة فى شركة سياحة مش عاوز اقولكم الصدمة اول لما شوفت النتيجة ,, مكنتش مصدق انا دة كنت جايب اعلى من صحابى كلهم .. الحمد لله .. مش عاوز اقولك فرحة الناس بيا لدرجة انا صاحب الشركة كل لما حد يجيلة يقولة عبدالله جايب 98% وهيبقى وهيبقى .. ارجع واحمد ربنا واقول لو كنت جبت 70 % كانوا هيعاملونى ازاى .. فترة كنت بعتبرها من الذ فترات حياتى ’’

من المواقف الطريفة كان فى واحدة قصادنا على طول كانت قدى جابت 69% كانت بتقول لوالدى ان كل اللى جابوا فوق 95% بالغش انا طبعا كنت هستريا الضحك بتتفجر منى ... الحمد لله اللى مش نزلنى لطبقتها .. الح

الخلاصة : الوقت مفتش انت اللى بتلوم نفسك .. شجع نفسك بطل احباط #ابتسم
مش انت اللى بتحدد اذاكنت اشتغلت حلوا ولا لا .. انت اشتغل وبس ..
قرب من ربنا وحبة لانك كل ما تحبة كل ما يديك اكتر .. اعملة كل حاجة صلى قبام ليل .. متفوتش فرض على فكرة المدرسين هيحترموك لما يلاقوك بتحترم ربنا بتتأخر علشان تصلى ,,, محدش هيقلل منك لو حد قالك حاجة .. اتعلم دى

عيش اصم .. الناس بتسرق الاحلام ودة كنت اتكلمت عنة فى البوست اللى فات ..

انتوا المشوار لسة قدامك حلمك يعنى انت لو اتنازلت عنة يبقى انت ميت ..

#مشوار_حياة
#elrayan ..

انا بحييك يا عبد الله

اولا علي النصيحة الغالية الللي كل طلبتنا محتاجاها دلوقتي
ثانيا علي اعتزازك بنفسك
ثالثا علي صراحتك المطلقة وبكل التفاصيل
رابعا : يا بخت الزقازيق بيك

زلطه 20 · #7 10-01-2015, 04:26 PM

انا بحييك يا عبد الله
وشكرا ليك على النصائح الجميلة ديه
وبارك الله فيك

AbdallaElrayan · #8 10-01-2015, 10:06 PM

اقتباس:

المشاركة الأصلية كتبت بواسطة mr abn

انا بحييك يا عبد الله

اولا علي النصيحة الغالية الللي كل طلبتنا محتاجاها دلوقتي
ثانيا علي اعتزازك بنفسك
ثالثا علي صراحتك المطلقة وبكل التفاصيل
رابعا : يا بخت الزقازيق بيك

شكرا جداُ والله انا اعتز بهذا الكلام .. شكرا يا استاذنا ..

AbdallaElrayan · #9 10-01-2015, 10:08 PM

اقتباس:

المشاركة الأصلية كتبت بواسطة hazemon

مردتش يعني يا ريان خصوصا انا رياضة زيك

معلش اسف مقدرتش ارد عليك علشان الموضوع كبير شوية ..

ودة البوست اللى كتبتة بخوص الموضوع دة .. اسف على التأخير

هااااااااااااى ... ايه هاى دى .. اسمها السلام عليكم

احم.. احم .. سورى نسيت .. السلام عليكم ورحمة الله وبركاتة . :3

مين هنا قال انا مش عارف ازاكر .. مش عارف ارتب وقتى .. مش عارف انظم وقتى ..

دلوقتى بقا انت عندك طاقة وعاوز تذاكر .. عاوز تبقى فاشل .. مش مرة واحدة لا كتير .. لانك كل ما بتفشل يعنى تغلط كل ما بتتعلم من غلطك =D

تنظيم الوقت .. كلمة بنضحك فيها ع نفسنا .. علميا مفيش حاجة اسمها تنظيم الوقت .. او ادارة الوقت ...

لكن فى حاجة اسمها ادارة الذات .. انت اللى بتدير نفسك ..

من اول خطوات ادراة وقتك ... او ادارة نفسك انك تعرف انت عاوز تعمل اية واية اللى وراك ...

كتير ننا لما يجى يعمل جدول مذاكرة .. بيبوظ.. وغالبا مش بيمشى علية الا يوم واحد ..

تلاقية عامل الجدول مظبوط تمام ... تلاقية كاتب بقى مذاكرة من الساعة 3.16 لحد 5.17 .. فجأة اتاخر فى المواصلات ربع ساعة وصل البيت الساعة 4 بيروح عامل حاجة كويسة ..انا اصلا فاشل .. ويروح مقطع الجدول وهكذا ...

فكل واحد عندة وقتة هو اللى بيحدد يستغلة ازاى .

يعنى مش هنجبلك وقت زيادة .. بتنظيم الوقت .. كل واحد فينا عندة 24 ساعة فى اليوم ..

انت عند 24 ساعة .. وبيل جيتس عندة 24 ساعة .. شوف كل واحد بيدير نفسة ازاى ...

طويب انا عاوز اعرف بقا ازاى ادبر نفسى ازاى استغل وقتى ...

طويب هنلعب لعبة حلوة كدة .. كل واحد يجيب ورقة وقلم ..

يلا.. انا مستنيك بقالى كتير ... خلاص جبتهم تمام .. يلا نبدا بقا ..

ملحوظة مهمة لو انت قريت البوست من غير ما هتنفذ اللى بقولك علية متقرهوش احسن لانك مش هتستفااد حاجة ...

يلا نبدا .. تعرف تكتب كل اللى وراك وعاوز تعملة ... يلا ابدا اكتبة كلة فى الورقة ..
.
.
.
.
ها خلصت ... طويب تمام ...
طبعا كلنا عملنا غلطة .. كبيرة جدا ..

كلنا كتبنا اللى علينا من غير ترتيب من غير تنظيم .. مش عارف اية اللى مهم واية اللى ممكن تاجلة .. تبدا باية وتاجل اية ..

تعالى بقى فى الصفحة اللى قصدها .. اقسمها 4 مربعات كبيييييييييييييييييرة

اكتب فى اول مربع .. مهم وعاجل ..
التانى .. مهم وغير عاجل ..
الثالث .. غير مهم وعاجل ..
الرابع .. غير مهم وغير عاجل ..

يلا بقا صنف كل اللى انت كتبتة .. فى المربعات دى ...

هتلاقى عندك فى حاجات كتير فى غير مهم وغير جاعل انت بتحبط بيها نفسك ...

زى الفيس بالظبط .. وزى حاجات تانية كتير جداً ...

انت كدة عرفت اولوياتك ..اية اللى انت المفروض تعملة ...

فاضل بقا انك تبدأ.. انت عرفت انت عليك اية ...

فى حاجات مهمة وعاجلة .. مينفعش فيها تاجيل ... زى مثلا الامتحان .. مهم وعاجل مش هتعرف تاجل الامتحان وفى نفس الوقت مهم فى تحديد مستقبلك ..

فى حجات تانية عاجلة وغير مهمة .. زى مثلا واحد صحبك فى مطعم وبيتصل بيك وبيقولك احنا هناك ... تعالى .. دةعاجل لانة فى وقتة مش ينفع تاجلة ..

لكنة غير مهم...

خلاص عرفت اية اولوياتك ...

بعد ما رتبت اولوياتك تعالى بق اعمل مربع صغير كدة فى اخر الصفحة ...

اكتب فية..

مكافأة ..

عقاب ...

كافأ نفسك لو انجزت اللى عليك .. هات لنفسك شيكولاتة .. كانز .. فرح نفسك ..

وحط لنفسك عقاب لو معملتش اللى عليك انهادرة .. عاقب نقسك بحاجة ..

وبعدين فى اخر اليوم تعالى اعمل جدول Risk Plane عبارة عن مربع بسيط ...

بتكتب فية ..

لية : ................................... لية معملتش الحاجة دى .. اية العقبات اللى واجهتنى
ازاى : .................................ازاى هتغلب ع العقبات دى ...
هنفذها ازاى :........................... هنفذها ازاى فى الجدول بتاع اليوم التانى ...

حاول تضيف كل يوم لنفسك حاجة جديدة فى الجدول .. حاول تستفاد من الحياة ..

صدقنى كل ما هتعمل حاجة من دول وتيجى تمسحها .. هتحس براحة جميلة ...

حاول تستغل راس مالك فى الحياة هو وقتك .. وقتك بيضيع منك من غير ما تحس ..

حلو تستغل كل ثاينة فى حياتك .. لو فى الموصلات ومبتعرفش تذاكر .. هات كتاب واقراة .. مبتعرفش حمل ع الموبيل دروس واسمعها .. صدقنى هتبقى حاجة بدة كلة ..

وفى جملة حلوة خليها قاعدة ..

الوقت كدة كدة هيعدى .. فاما تستفيد منة او تسيبة يروح وتندم علية ...

Time waits no One >>>

ودة جدول كدة املاة هتستفاد منة ... https://app.box.com/s/5ozysmran35ckjdb4v90

معلش بقا ع اسلوب الكتابة بسى هدفى ان الكلام كل الناس تفهمة ..

يا رب اكون فيدتكم بحاجة ...

#نظم_وقتك_حدد_هدفك
#لله_نسعى

هانى حسن فليس · #10 10-01-2015, 10:20 PM

اقتباس:

المشاركة الأصلية كتبت بواسطة abdallaelrayan

السلام عليكم ورحمة الله وبركاتة ..
===============================

البوست دة مهم جداً جداً جداً ...

كل الناس بتتكلم دلوقتى عن الاحباط الشديد اللى عندها .. وانها مش هتوصل للى هى بتحلم بية ..

لحظة .. هقولكم حاجة صغيرة كدة ,.

انا عبدالله الريان من الزقازيق كنت جايب 98 % كنت مقفل كل المواد معادا عربى وانجليزى دول هما اللى حرمونى من ترتيب الجمهورية ..

انتو عارفين انا ذاكرت امتى .. او نجحت ازاى ..

اولا انا كنت داخل السنة شادد حيلى ع الاخر بذاكر كل حاجة زى معظم الناس ..

جيت بعد اول شهرين زهقت من الدروس ومن كل حاجة .. ممكن اغيب اطنش ,,

كنت بنام 13 ساعة فى اليوم وممكن اكتر من كدة .. عاوز اقولكم انى لحد شهر واحد كنت مخلص 3 مسلسلات .. كل مسلسل تقريبا 75 حلقة .. مش ممكن اوصفلكم انا كنت عامل ازاى .. كان اكتر حاجة اعرفها انى مش هنفع وكنت بقول فى نفسى انى مش هلحق يعنى لو بدأت اذاكر مش هجيب مجموع لان ربنا بيقول .. "{ إِنَّ الَّذِينَ آمَنُوا وَعَمِلُوا الصَّالِحَات إِنَّا لَا نُضِيع أَجْر مَنْ أَحْسَنَ عَمَلًا } صدق الله العظيم .

كان جوايا حاجة بتقولى انى مش عاوز اكمل انا مش هنفع اصلا .. لية اذاكر وانا مش هتقدم خطوة قدام .. ونسيت انى مش انا اللى احدد العمل الكويس من الوحش مش انا ربنا اللى بيقيم الاعمال .. مش انا اللى هقول ان عملى كويس ولا لا ..

بدأ الموضوع يتدهور بدل ماكنت انا اول الدرس بقيت متوسط يعنى مقفلش امتحانات كتيير .. وكان اكتر ناس بيشجعونى ع اللى انا فية للاسف هما صحابى ,, لانهم كانو بيقولوى انا ذيك .. مكنتش لاقى حد ينصحنى يوجهنى يقولى اتصرف ازاى فاضل 5 شهور ع الامتحانات وانا خلاص هضيع حلم اهلى وتعبهم .. مكنتش بفوت ماتش كورة بروح العب ع طول اى ساعة ,,, كانت المشاكل للركب .. اهلى مش عاجبهم الوضع ,, حد يقولى ذاكر بتنرفز واقولهم انتو هتعرفو مصلحتى اكتر منى انا عارف بذاكر اية وازاى .. وكمان بعد لما والدى يقولى انت مش نافع كنت طيب بدال انا مش نافع لية مروحش اشرب سجاير وانحرف منا مش نافع .. للاسف المدرسين اللى فى الدروس فقدو الامل منى خالص .. خلاص عبدالله الريان كان حلم وراح كان حلم كل مدرس انى ادخل بترول لانى زى ابنهم وكلهم حبايبى .. بسى خلاص ,, وكلهم اخدو عليا بقوا بيقللوا من قمتى .. لعند ما فى يوم الاستاذ بتاع العربى كانت اجازة نص السنة و قال لكل المجموعة استريحوا شوية انتو تعبتوا .. ورااح باصصلى كدة وقالى بالنسبة ليك يا عبدالله ملكش دعوة بالكلام دة انا معملش حاجة خالص ..

كل المجموعة ضحكت مش عاوز اقولكم انا قدام نفسى كنت عامل ازاى .. قررت لا مش هسيب نفسى هكمل وهوصل .. افتكرت شوية كلام من الاساتذة بيقولوة فى اول السنة .. فى استاذ قال لما تفيد حد بعملومة ربنا بيديك معلومة تانية يعنى صفقة .. بسى خارج الامتحانات ,, هاااااا

بس بدأت اعمل جدول لنفسى عاوز اقولكم انى الاجازة دى اصلا مش كان بجيلى قلب انى اضيع وقتى .. لو عاوز حاجة عندى المدرسين ممكن اروح لمدرس على بيتة .. مفقدتش الامل كنت بسمع كلام من الناس انى استحالة اوصل للى انا عاوزة انا مكنتش بذاكر بسى كنت بتحدى نفسى يعنى استاذ الكميا قال فى مراجعة ع الفصل السابع الحصة الجاية .. انا قولتلة كدة فى وسط المجموعة هات اخرك .. واعلى حاجة عندك ,, كان موقف صعب بسى لقيت نفسى بذاكر علشان اكسب التحدى .. وفى اليوم دة الحمد لله عمل امتحان انا كنت بحل لة المعادلة والمسائل باكتر من طريقة علشان اعرفة انى عارف كلة ,, وجت على مسئلة محدش عرف يحلها انا الحمد لله حليتها ,, بسهولة جداً طلعت عمال اشكر ربنا وازاى انا كدة وفى ناس بتذاكر من اول السنة ومعرفوش يعملوا حاجة بجد ربنا كان صحبى وحبيبى وكل دنيتى .. ومن هنا عرفت الحقيقة مش انا اللى بحدد الاعمال ,, سيدنا سعد بن معاز اللى قعد فى الاسلام قليل جدا ومع ذالك اهتز لموتة عرش الرحمن ياالله ماذا فعل لقد كان من الصحابة من هم اكثر منه وقتا ساعتها.. عرفت انى اعمل وبس وربنا اللى بيقدر .. من هنا اتعلمت حاجت كتييير اتعلمت ازاى اعيش اصم علشان الناس بتسرق احلامى مليش دعوة بحد بخلص درسى اروح ع بيتى افطر واذاكر مش عارف جبت القوة دى منين انا اصلا مكنتش بحب اذاكر اصلا لكن ارجع وافكر واقول طب بعد عشر سنين انا هكون فين هكون بدور على شغل ومش لاقى وصحابى كلهم مهندسين ودكاترة و مش حد هيقبل يقف معايا لانى مثل سىء وكل حاجة هتضيع .. لا انا لازم ابدأ من دلوقتى لازم موصلش للنقطة دى .. اقوم اصلى قيام ليل واقول يارب ساعدنى يارب اقف جمبى ... كان دايما بيسمع دعايا ,, وكان دايما بيقف جمبى انا تقريبا نجحت بسبب قيام الليل وان نيتى كانت خالصة لله .. الحمد لله ذاكرت وعملت اللى بحلم بية وانا رايح الامتحان تخيلوا انى كنت ناسى كل حااااااجة انا مش عارف حاجة بفكر مرحش .. لكن كنت بقول يارب انت وقفت جمبى كتير مش هتيجى تسيبنى انهاردة .. فعلا كنت بروح اطلع من الامتحان اسهل امتحان قابلتة فى حياتى .. كنت واخد قرارى انى مش هغش حتى لو هيكلفنى مستقبل كامل .. بس عديت الامتحانات وجت يوم النتيجة .. كنت فى الشغل امال مش لازم اعدل حياتى ولا هفضل تافه .. كنت شغال فى القاهرة فى شركة سياحة مش عاوز اقولكم الصدمة اول لما شوفت النتيجة ,, مكنتش مصدق انا دة كنت جايب اعلى من صحابى كلهم .. الحمد لله .. مش عاوز اقولك فرحة الناس بيا لدرجة انا صاحب الشركة كل لما حد يجيلة يقولة عبدالله جايب 98% وهيبقى وهيبقى .. ارجع واحمد ربنا واقول لو كنت جبت 70 % كانوا هيعاملونى ازاى .. فترة كنت بعتبرها من الذ فترات حياتى ’’

من المواقف الطريفة كان فى واحدة قصادنا على طول كانت قدى جابت 69% كانت بتقول لوالدى ان كل اللى جابوا فوق 95% بالغش انا طبعا كنت هستريا الضحك بتتفجر منى ... الحمد لله اللى مش نزلنى لطبقتها .. الح

الخلاصة : الوقت مفتش انت اللى بتلوم نفسك .. شجع نفسك بطل احباط #ابتسم
مش انت اللى بتحدد اذاكنت اشتغلت حلوا ولا لا .. انت اشتغل وبس ..
قرب من ربنا وحبة لانك كل ما تحبة كل ما يديك اكتر .. اعملة كل حاجة صلى قبام ليل .. متفوتش فرض على فكرة المدرسين هيحترموك لما يلاقوك بتحترم ربنا بتتأخر علشان تصلى ,,, محدش هيقلل منك لو حد قالك حاجة .. اتعلم دى

عيش اصم .. الناس بتسرق الاحلام ودة كنت اتكلمت عنة فى البوست اللى فات ..

انتوا المشوار لسة قدامك حلمك يعنى انت لو اتنازلت عنة يبقى انت ميت ..

#مشوار_حياة
#elrayan ..

أقوى شكر ليك يا استاذى العزيز

هانى حسن فليس · #11 10-01-2015, 10:22 PM

احسن الله اليك اخى الحبيب

واثقه · #12 11-01-2015, 05:26 PM

اقتباس:

المشاركة الأصلية كتبت بواسطة abdallaelrayan

تقدرى تدخلى على صفحة " حقق حلمك achive ur dream " على الفيس بوك هتلاقى هناك اللى يفيد حضرتك بأن الله ,, ولو حضرك قابلتك اى مشكلة ابعتى على رسايل الصفحة وبأذن الله هنفيدك .. اكتر بأذن الله

شكرا ليك بس انا بمل قوي من المذاكرة وانا حاسه نفسي حافظه المنهج وكدا وانا عندي مواد شرعيه وعربيه وثقافيه بس الصفحه بتاعت حضرتك جميل قوي بس انا بردوا مطنشه المذاكرة قوي الا ساعات بذاكر

مروة محمد فراج · #13 13-01-2015, 09:14 PM

ماشاء الله عليك ربنا يكرمك ويكرمنا زيك ان شاء الله

عبدالله ليتو · #14 19-01-2015, 11:14 AM

بسم الله ماشاء الله عليك وربنا يوفقك ومن نجاح لنجاح
انا نفسي ويشرفني اوي اني ابقى ذيك
والله انا حبيتك من غير مااشوفك انت محترم جداً
هتقولي عرفت ازاي هقولك ياجدع انت مالك انت محترم
وربنا يوفقني يارب وياربت تديني صفحتك على الفيس اتعلم من حضرتك

Lamees ツ · #15 27-05-2015, 09:39 PM

ما شاء الله ,, زادك الله علماً
ربنا يوفقنا زيك كده ياارب