:=:=:=:( تعبت قلبى ):=:=:=:

سيلفانو · #1 29-09-2014, 08:57 PM

والله تعبت قلبى
وشغلت فكرى وبالى

ازاى مش حاسس حبى
ولا دارى بوجعى وحالى

ده انت بكل حبايبى
وعليك بس انت سؤالى

ده عيونى عليك بتدور
وعقلى مشغول بيفكر
انت لحبى مقدر
ولا مش دارى بنارى

بعيونك حالى اتغير
وبقول مكتوب ومقدر
انى اعشق يوم واتحير
واحلم انك جارى

بجد حبيبى عشقتك
رغم انى لا يوم كلمتك
ولا حتى بشيء حسستك
بس والله انا شارى

بخبى همومى فضحكى
لانى مش عارف احكى
ومنك ليك انا بشكى
ويشتد عليا مرارى

والله تعبت قلبى
وشغلت فكرى وبالى

ازاى مش حاسس حبى
ولا دارى بوجعى وحالى

ده انت بكل حبايبى
وعليك بس انت سؤالى

Mr:NoOoR