طلب هام - اجازة بدون مرتب

[tahataha40]

السلام عليكم

برجاء بالله عليكم - ماهو المطلوب لاستخراج اجازة دون مرتب ( للسفر بعقد عمل فى مدرسه خاصه فى السعوديه )
اخوكم من اسوان فارجوا الافاده

[أ/ مجدى رشاد سلامة]

اللى أنا فاكره هو ما يلى :
( 1 ) تجيب استمارة طلب أجازة من منطقتك وممكن تكون فى معهدك
تملاها بالبيانات الخاصه بك وتعتمدها من شيخ المعهد ( خلى بالك ممكن يكون ختمين من شيخ المعهد )
( 2 ) تطلع بالإستمارة على منطقتك وفيه خانات فى الإستمارة بتخلى كل مختص بكل خانه يوقع لك وتختمها من المنطقة وتطلع بعد كده على قطاع المعاهد بالقاهرة وبعده المشيخة ثم الإدارة بالحسين
*******************
لو ملقيتش استمارة فى معهدك ممكن أبعتلك استمارة بس ممكن تكون مختلفه عن اللى فى منطقتك إلى حد ما
لأن كل منطقة شغاله بمزاجها زى ما انت عارف طبعا ً
***************

[tahataha40]

الف شكر - طب معلش هيا ممكن تاخد قد ايه وقت

[أ/ هشام العيسوى]

الاستمارة هتلاقيها هنا فى المنتدى

الخطوات اطبعها ثم تبدا بالمعهد ثم المنطقة وهتلف على اماكن كتيرة وفى الاخر تختم من وكيل الوزارة

ثم تذهب الى القاهرة تبدا بمدينة نصر قطاع المعاهد
ثم مشيخة الازهر الدراسة
واخر خطوة الادارة بالحسين

[هشام السيد 2]

أنا لسة مخلصها من يومين :
1- : ختم النموذج الخاص ختمين من شيخ المعهد .
2- : ملأ النموذج من شئون العاملين بالمنطقة ثم رحلة الموافقات من الاقسام المختلفة داخل المنطقة .
3-: خطاب صندوق التكافل + خطاب التأمينات والمعاشات + بيان حالة ( الجميع من المنطقة ).
4- : الذهاب للقطاع للحصول على الموافقة مع أصل العقد + صورة منه . والأمر لا يستغرق 5 دقائق .
5-: الذهاب للمشيخة للشئون القانونية ثم المجلة لدفع تبرع ( اجباري ) حوالي 250 جنيه ، ثم موافقة الأمين العام ( والله يعينك على الانتظار لمدة حوالي 3 أو 4 ساعات .
6-: الذهاب لشئون العاملين بادارة الأزهر بالحسين ، ومعك اقرار ذمة مالية فاضي ، والأمور تسير بسرعة وبدون تعقيد .
وبالتوفيق إن شاء الله

[tahataha40]

الف شكر معلش اخر سؤال يعنى تكاليفها بالكامل فى حدود كام

[هشام السيد 2]

بالنسة للتكاليف :
داخلي ( حوالي 250 صندوق تكافل + 40 تبرع للمجلة )
خارجي : ( حوالي 250 تكافل + 250 للمجلة + تأمينات ومعاشات للتجديد فقط وهي محددة من المنطقة)