لك الله يا أزهرنا الشريف ولا عزاء للشرفاء

[مستر أيمن كركيت]

اجتمع بنا اليوم شيخ المعهد لوضع الخطوط العريضة لضمان سير العملية التعليمية بنجاح كعادتنا كل عام فإذا بشيخنا الجليل يفاجئنا بقرار أن تقرير كل معلم مرتبط بنتيجة طلابه او فصوله التي يقوم بالتدريس لها وقمت يعني من الاخر نتيجتك حلوة تاخد حوافظ نتيجتك مش ولابد مش هتاخد حوافز ويمكن كمان تاخد اعدام بالله عليكم دا منطق كلنا عارف مستوي طلاب الازهر وان معظمهم اصلا لا يحضر الدراسة ويعتمدون علي الغش ولله الحمد بمعني اخر انت تغشش الطلاب عشان تاخد تقرير كويس ولا اعرف من اين اتي شيخ المعهد بهذا الكلام هل من الادارة فوق ولا منين بالظبط لا اعلم وطبعا جادلناه كثيرا ولكن لا حياة لمن تنادي وقلنا له وفر لنا كل الامكانيات ونعدك بنتيجة طيبة وعليك أن تتباع المدرسين اولا بأول وسيتضح من يعمل ومن لا يعمل ولكن ودن من ... وودن من ..... أخبروني هل سيتقدم الازهر بهذه الطريقة ومن المحتمل أن يكون شيخ المعهد علي حق ونحن المخطئون أفيدوني بالله عليكم

[لبيد لبيد]

ياأخي الفاضل هو على حق لوعايزينا نترك لهم البلد كلها نتركها هم المفروض يجمعوا المعلمين في مكان واحد ويولعوا فيهم علشان الكل يرتاح حسبنا الله ونعم الوكيل. من يستطيع أن يضع ماء في إناء مكسور ؟ هؤلاء عار على الأزهر ويجب بترهم .انتقم الله من الظالمين.

[abdeladeltec]

أكيد شيخ معهد إبتدائى

[eslam6zakry]

هددوة مش هاينفع معاه غير كدة

[الحلواني5]

لا يوجد قرار بهذا المعنى والدليل ان التقرير يوضع بدرجات على جوانب متعددة ومستوى الطلاب ليس منها في الاساس لكن درجة تمكنك من مادتك وتعاونك مع ادارة المعهد الخخخخخخخخخخخخخخخ

[الأستاذ أحمد راشد]

لك الله يا أزهر

[الفيلسوف]

هيعتمد على كلمة (مستوى أو درجة إجادة المادة) وبالتالى يستطيع أن يضر المدرس
يجب أن يكون هناك وقفة من جميع مدرسى المعهد

[scout]

اكيد تعليمات جايه له كدة
شيوخ معاهدنا اقل من انهم ياخدوا قرار زي دة
ايام ما يعلم بيها الا ربنا

[mohokka]

التقارير لا تقل عن كفء الافى حالات معينه اقراها فهى مكتوبه خلف التقرير بتاع كل سنه وفى حاله عدم انطباق اى من هذه الحالات على المعلم يحصل على درجه كفء واذا خالف شيخ المعهد ذلك توجه بمذكره ترفع للسيد رئيس شئون العاملين بالازهر فيعدل التقرير واذا اتضح لك ان هناك تعمد من جهه شيخ المعهد او تعنت توجهه بمذكره فى شيخ المعهد الى النيابه الاداريه مباشره وابعد عن اى حد فى الازهر لا منطقه ولا مشيخه انا عن نفسى عملت كده مرتين فى اتنين من شيوخ المعاهد التى عملت بها وفى كل مره باخد حقى لانى بكون على حق وبتكون النتيجه ان النيابه بتدى لشيخ المعهد جزاء يستحقه

[الأثري المالكي]

اشمعنا الحاجات الحلوة دي مبنشفهاش غير في الأزهر
مدرسي الأزهر أكثر من يقع عليه الظلم كل عام

[حسين طه ابوطه]

يعني الكلام ده من اجتهاده ولا فيه منشور بالكلام ده

[teacher120]

لا يوجد قرارت بهذأ ابعتوا فيه شكاوى

[mohamed011152]

بصراحة احنا كان عندنا اجتماع لكن ما كانش فيه الكلام ده لكن انا مع الاستاذ اللي بيقول نلم المدرسين وبصفيحة جاز ونولع فيهم علشان بصراحة احنا عبء علي البلد دي باسلوبهم دا مع المعلم

[مستر أيمن كركيت]

الشيخ قال بالحرف الواحد في الاجتماع ان دي تعليمات وكيل الازهر يعني تعليمات شفوي ومفيش قرار رسمي بكده لان قبل اجتماعنا بيوم واحد كان في اجتماع مع شيوخ المعاهد علي مستوي الجمهورية والله اعلم

[مدحت صال]

الشغل بقا بالمزاج وكل شيخ بقى بيحط قوانين براحته