كيف اوثق شهادة الليسانس ضروري

[gad7777]

من يعرف كيف اوثق شهادة الليسانس من الخارجية علما باني من طنطا وهل تحتاج للتوثيق من ادارة الجامعة بالقاهرة ( معي ليسانس القراءات وعلوم القران )2010 وجزاكم الله خيرا

[نسمات هادئة]

اولا الشهادة تتوثق من الجامعه الي حضرتك متخرج منها يعني لو خريج ازهر هتروح جامعة الازهر في مدينة نصر توثق منها
بعدها من الخارجية وده موجود عند حضرتك في مبني محافظة الغربية من الخلف

[محمود الحماحمى]

من الجامعة فى مدينة نصر وبعدين من اى مكتب خارجية فى واحد فى المهندسين وفيه واحد جنب محطة مترو عرابى انزل واسأل على على مول الترجمان المكتب داخل المول وهو قريب من المحطة حوالى عشر دقائق مشى وممكن تركب وبالتوفيق روح الجامعة بدرى وانت تخلص التوثيق فى يوم واحد

[gad7777]

شكرا جزاكم الله خيرا

[الاستاذ اسلمان]

طيب وبالنسبة لشهادة الخبرة
هل توثق ايضا
وكيف توثق

[محمود الحماحمى]

نعم شهادة الخبرة توثق مباشرة من الخارجية تاخذها من الادارة العامة من الحسين وتوثقها مباشرة

[الأستاذ عصام]

لو أنا خريج جامعة الأزهر بأسيوط
أيضا أذهب للقاهرة أم لأسيوط

[منار على]

حضرتك اقلب الشهاده بتاعه الكليه بتاعتك من ورا وشوف ان كان عليها 3 اختام من ورا بجانب الدمغات ومنهم ختم مستطيل يبقى مالهاش لزمه تروح الجامعه لكن لو لقيت الدمغات بس يبقى لازم تروح الجامعه وتوثقهم انا مطلعه شهاده من 2010 ومحتجتش اروح الجامعه ولا حاجه لانى لقيتها مختومه من ورا وموثقه لكن الشهادات الاقدم من كدا ومعلهاش اختام بتضطر تروح وبعدها تطلع على اى مكتب خارجيه قريب منك هياخدوا منك 11 جنيه على الشهاده انا وثقتهم فى الخارجيه اللى فى شارع عرابى ولو كنت بتقدم فى مسابقه زى عمان مثلا يبقى لازم توثق شهاده الخبره كمان وبعدها تروح بالاتنين للسفاره وهياخدوا منك 100 جنيه لكل شهاده وعلى فكره مكتب الخارجيه اللى فى شارع احمد عرابى قريب او من سفاره عمان

[الأستاذ عصام]

أستاذة منار
انا خريج كلية لغة عربية جامعة الأزهر بأسيوط
وأخذت دبلومة عامة من كلية التربية جامعة الأزهر بالقاهرة
ينفع الاثنين اختمهم من الأمين العام بجامعة الازهر باسيوط

[منار على]

المشاركة الأصلية كتبت بواسطة الأستاذ عصام

أستاذة منار
انا خريج كلية لغة عربية جامعة الأزهر بأسيوط
وأخذت دبلومة عامة من كلية التربية جامعة الأزهر بالقاهرة
ينفع الاثنين اختمهم من الأمين العام بجامعة الازهر باسيوط

معرفش والله الموضوع دا بس وحضرتك فى الجامعه فى اسيوط اسأل لانك فى كل الاحوال رايح عشان شهاده الكليه كمان لو بتسال عشان المسابقه انا معايا دبلومه خاصه وقبلها واخده دبلومه مهنى وموثقتش غير شهاده الدبلومه الخاصه عشان التانيه مكانتش موثقه من الجامعه ومكانش عندى وقت اوثقها ولاحظت ان اللى يهمهم فى المسابقه بس هما حاجتين شهاده الخبره وشهاده الكليه

[الأستاذ عصام]

يعني شهادة الدبلومة مش مهم توثيقها في مسابقة عمان

[منار على]

المشاركة الأصلية كتبت بواسطة الأستاذ عصام

يعني شهادة الدبلومة مش مهم توثيقها في مسابقة عمان

هى مش من شروط المسابقه ولو كانوا بيدققوا عليها مكانوش خدوا ورقى هو كان اللى بيسال عنه اهم شىء شهاده الكليه وشهاده الخبره ومن مدارس حكومى لان الخاص قلل الراتب والدرجه بتاعته ولو فى امكان حضرتك وعندك وقت وثقها الله اعلم يمكن تديك اولويه فى حاجه بعدين

[خوخه33]

لو سمحت يا استاده منار هل المرتب بيتحسب حسب الخبره

[Mr. Musa]

طيب لو معاية اافاده بعدد سنوات الخبرة
ينفع تتوثق من الخارية بدلا من شهادة الخبرة
مع العلم انى تربية وتعليم مش ازهر

[الأستاذ عصام]

ممكن عنوان توثيق الجامعة بمدينة نصر بالضبط