هل ما زال العمل في السعودية مجزي؟ موضوع للنقاش

[attic]

رواتب المدارس الخاصة في السعودية تدور حول 2500 لـ 3 الاف ريال
وفي الغالب شاملة السكن والاقامة والتذاكر بتكون على المعلم
وقبل ما يستلم اول مرتب من المدرسة بيكون دفع التالي قبل ما يطلع من مصر:
حوالي 6 الاف تامينات ومعاشات
2 الاف كشوف وتحاليل طبية وتوثيق اوراق ومشاوير وغيره
6 الاف متوسط عمولة المكتب
ده غير تذكرة السفر واي مصاريف تانية مستخبية
يعني في الميت قوي بيصرف حوالي 15 الف جنيه قبل ما يركب الطيارة
طيب نيجي للمقابل والسؤال الاهم
المدرس بعد كل المصاريف دي
وبعد خصم الاكل والشرب والسكن والاتصالات والمواصلات هناك
وبعد خصم الهدايا والمصاريف مع مراعاة ان الراتب 11 شهر فقط
ياترى هيعمل كام الف جنيه صافي في السنة؟؟
انا حاسس ان الواحد ممكن يطلع مديون في الاخر
انتو رايكم ايه وخصوصا الناس اللي سافرت وعندها خبرة
مدرس طالع بطوله على 3 الاف ريال يوفر كام في السنة بعد خصم كل اللي فات؟؟
ياريت اللي عنده راي او خبرة او اي نصيحة لا يتردد في المشاركة ...

[gamalgamal1]

كثير من زملائنا اللى سافروا للسعودية عادوا بعد قضاء تيرم واحد فقط ومنهم من أكمل عام واحد على مضض
وبالتحديد 3 مدرسين لغة انجليزية رجع اثنين بعد تيرم واحد والثالث كمل لمدة سنة ثم عاد ليستقر فى مصر
ومدرس واحد علوم من 3 سنين سافر لمدة سنة ورجع مصر بيحمد ربنا على قيامه بالحج ولم يعد إلى السعودية
والسنة اللى فاتت سافر مدرس لغة عربية لمدة سنة ثم عاد إلى مصر وأقام بالعمل فى المدرسة وقرر عدم الرجوع إلى السعودية
وكمان أعرف مدرس ابتدائى راح السعودية سنة واحدة ورجع قعد فى مصر سنة وبعدين جاب عفد تانى وراح السعودية ومستمر فى السعودية منذ 4 سنين

باختصار واضح ان السعودية لم تعد المكان الذى يعوض المدرس عن غربته
فأغلب المدرسين أصبحوا كبار فى العمر
ولم يعودوا يتحملون المعاملة السيئة التى كان يمكن أن يتحملوها وهو شباب يسعى إلى أن يبدأ حياته
كما أن المرتبات المصرية أصبحت أفضل كثيرا من الماضى
والفارق بين مرتب المدرس فى مصر والسعودية لا يستحق بهدلة الغربة

[ابوعمارر]

خليك في مصر احسن انا هنا في السعوديه وراتب 2500 وتعب وحرقه اعصاب. بقالي 3 سنين وومش قادر انزل عشان اقدر اوفر اي حاجه

[mido_199841]

مجموعة درس خصوصى من خمس طلاب فقط فى مصر تعطى ضعف مرتب معلم فى النمسا وسويسرا

[attic]

المشاركة الأصلية كتبت بواسطة gamalgamal1

كثير من زملائنا اللى سافروا للسعودية عادوا بعد قضاء تيرم واحد فقط ومنهم من أكمل عام واحد على مضض
وبالتحديد 3 مدرسين لغة انجليزية رجع اثنين بعد تيرم واحد والثالث كمل لمدة سنة ثم عاد ليستقر فى مصر
ومدرس واحد علوم من 3 سنين سافر لمدة سنة ورجع مصر بيحمد ربنا على قيامه بالحج ولم يعد إلى السعودية
والسنة اللى فاتت سافر مدرس لغة عربية لمدة سنة ثم عاد إلى مصر وأقام بالعمل فى المدرسة وقرر عدم الرجوع إلى السعودية
وكمان أعرف مدرس ابتدائى راح السعودية سنة واحدة ورجع قعد فى مصر سنة وبعدين جاب عفد تانى وراح السعودية ومستمر فى السعودية منذ 4 سنين

باختصار واضح ان السعودية لم تعد المكان الذى يعوض المدرس عن غربته
فأغلب المدرسين أصبحوا كبار فى العمر
ولم يعودوا يتحملون المعاملة السيئة التى كان يمكن أن يتحملوها وهو شباب يسعى إلى أن يبدأ حياته
كما أن المرتبات المصرية أصبحت أفضل كثيرا من الماضى
والفارق بين مرتب المدرس فى مصر والسعودية لا يستحق بهدلة الغربة

والله كلامك عين العقل استاذ جمال ومشكور على التوضيح والتفصيل والفكرة في السفر والغربة هو ادخار بعض من المال مع اكتساب الخبرة لكن مع القصص المنتشرة عن قلة الرواتب والخداع في الوعود بين راتب العقد والراتب الحقيقي خلت مجرد التفكير في السفر فكرة غير مجدية .. ده غير قلة ادب طلاب الخليج بصفة عامة والسعودية بصفة خاصة (ما عدا سلطنة عمان على حد علمي). وبرضه رواتب السعودية في المدارس الخاصة كما هي لم تزد منذ حوالي عشر سنوات لكن اللي بيحج او بيعمل عمرة بيبقي عمل شئ وطلع كسبان في اسوء الظروف

[attic]

المشاركة الأصلية كتبت بواسطة ابوعمارر

خليك في مصر احسن انا هنا في السعوديه وراتب 2500 وتعب وحرقه اعصاب. بقالي 3 سنين وومش قادر انزل عشان اقدر اوفر اي حاجه

ربنا يعينك اخ ابو عمار ويحقق احلامك ان شاء الله

[attic]

المشاركة الأصلية كتبت بواسطة mido_199841

مجموعة درس خصوصى من خمس طلاب فقط فى مصر تعطى ضعف مرتب معلم فى النمسا وسويسرا

اكيد حضرتك بتهزر

[attic]

انهاردة شفت اعلان لمدارس خاصة في السعودية
تخيلوا الراتب كام ؟؟
..

..

..

..

..

..

..

..

..

..

الفين ريال !!!

[attic]

فضح شركات إلحاق العمالة بالخارج النصابة

[seeen]

انا سالت شركة ليه الاجور متدنية كدا قالوا المدرسة بتسمح لك تدى دروس طبعا دا اسمه استعباط لان فيه مواد مفيهاش دروس واصلا الدروس دى انت وبختك يا ابو بخيت ...الفلوس اللى حتوفرها لمجرد خروجك من مصر استثمرها مع كام درس لو اتيح لك مع مرتبك وبارك الله فيما رزق

[A7waly]

للأسف أرى أن الخطأ الأول و الأخير من المعلمين أنفسهم الذين يرتضون بهذه الرواتب المتدنية
لو نظرنا للأطباء مثلا ستجد أن راتب المعلم في مصر يكاد يكون ضعف راتب الطبيب و لكن حين السفر تجد أن راتب الطبيب في حدود 20 ألف ريال
النصيحة "اعمل لنفسك سعر"

[attic]

المشاركة الأصلية كتبت بواسطة seeen

انا سالت شركة ليه الاجور متدنية كدا قالوا المدرسة بتسمح لك تدى دروس طبعا دا اسمه استعباط لان فيه مواد مفيهاش دروس واصلا الدروس دى انت وبختك يا ابو بخيت ...الفلوس اللى حتوفرها لمجرد خروجك من مصر استثمرها مع كام درس لو اتيح لك مع مرتبك وبارك الله فيما رزق

ده كلام الناس العاقلين
جزاك الله خير

[attic]

المشاركة الأصلية كتبت بواسطة a7waly

للأسف أرى أن الخطأ الأول و الأخير من المعلمين أنفسهم الذين يرتضون بهذه الرواتب المتدنية
لو نظرنا للأطباء مثلا ستجد أن راتب المعلم في مصر يكاد يكون ضعف راتب الطبيب و لكن حين السفر تجد أن راتب الطبيب في حدود 20 ألف ريال
النصيحة "اعمل لنفسك سعر"

اتفق مع حضرتك لكن المفروض ان الدولة هي اللي تحدد قيمة وكرامة المعلم عن طريق وضع حد ادنى للتعاقد مع دول الخليج وغيرها لا يقل مثلا عن الفين دولار مثلا وده اقل من اقل شيء لكن احنا كمدرسين عمرنا ما هنعمل سعر لنفسنا لان حضرتك لو رفضت عرض معين فيه غيرك هيرضى بنص قيمته وده اللي مضيعنا للاسف

[gogo1550]

جزاكم الله خيرا

[mahmoud gabra]

يضع كثير من المدرسين تكاليف الحج والعمرات من مصاريف السفر ، ولذا نجد دائما اقل رواتب للمعلمين فى المدينه ومكه
رزقنا الله واياكم زيارة بيته الحرام