النظام القديم اتظلم

[aliengs]

حرااااااااااااااااااااااااام والله حررررررررررررررررررام انا جايب 396 وملحقتش لا صيدلة ولا علاج طبيعى ليه الظلم ده انا معاكوا ان تنسيق النظام القديم مينفعش يتساوى مع الحديث علشان المستوى الرفيع لكن على الاقل يبقى زى تنسيق السنة اللى فاتت حسبى الله ونعم الوكيل فى الظلمة

[دكتور إن شاء الله]

حضرتك ما اتظلمتش و لا حاجة لأن ما ينفعشي يتساوى اللي خد 3 ثانوي في سنتين مع اللي خدها في سنة واحدة ، و كمان طلبة النظام القديم امتحنوا مستوى رفيع و ده لوحده كفيل انه يزود درجات اي طالب 1% او اكتر كمان و ده كفاية ، و بعدين برده ما ينفعشي تتعامل بنفس تنسيق السنة اللي فاتت ، لأن في الحقيقة تنسيق السنة اللي فاتت خد أقل من السنة دي ..... أكيد هتقوللي ازاي ؟؟؟؟؟؟ ناخد الطب البشري مثال نتكلم عليه ، السنة اللي فاتت الطب خد 98% حد أدنى و ما تنساش ان النسبة دي بالمستوى الرفيع يعني بدونه كانت هتبقى على أدنى أدنى تقدير حوالي 97.5% أو أقل كمان .... السنة دي البشري خد من 97.65% كحد أدنى و طبعا ما فيش مستوى رفيع ، كدة يبقى تنسيق السنة دي في الحقيقة أكبر من السنة اللي فاتت ، كمان عدد طلبة العلمي علوم السنة دي 168 ألف طالب أو أكتر و العدد ده 3 أو 4 أضعاف العدد السنة اللي فاتت و أكيد الطلبة دي كلها لازما يكون ليها مقاعد في الجامعات المصرية و بالتالي لازما يكون ليهم الأولوية عن طلبة النظام القديم ..... و كمان انا خدت الطب كمثال و هو اعلى كلية بيدخلها طلبة جايبين مجاميع عالية في الغالب و كل ما ننزل عنه يزيد عدد الطلبة اللي جايبين مجاميع الكليات اللي تحت الطب .......... بعد ده كله يبقى حضرتك اتظلمت إزاي !!!!!!!؟؟؟؟؟؟؟؟

[222ahmed222]

بص انا هكلمك بحياديه شديده و انا عارف ان كل طالب ممكن يرد عليك هيحاول يطلع بشكل يظهر فيه ان النظام الجديد اجتهدوا اكتر وخلاص
بصراحه شديده فعلاً النظام الجديد مختلف
و طبيعي يكون تنسيقهم اقل
مش عشان المستوى الرفيع لأ عشان عدد المواد و ان دي اول تجربه للنظام الجديد فالوضع كله مختلف تماماً كانوا هم فأر التجارب
ثانياً مينفعش بردو تتساوى بالسنة ال فاتت لأسباب
أولها ان الفكره مش ف ان طب هتاخد من كام و صيدلة من كام لأ على الإطلاق غلط
الفكره انهم هيشوفوا كل سنة مثلاً الثانويه بيكون فيها 500 الف طالب مثلاً بيدخل منهم 50 الف كليات قمه
يعني نسبة 10%
فلو السنادي في 100 الف بس ف النظام القديم
هيبقوا عاوزين 10 الاف منهم يدخلوا كليات قمه بنفس النسبة عشان متتظلمش
هم مش هيهمهم بقى الكليه هتبقى من كام
هم هيشوفوا بس اعلى 10 الاف جابوا كام و يتحط على اساس درجتهم الحد الأدنى للقبول في الكليات العليا
و هكذا
ثانياً عشان كان يزود العدد المقبول من النظام القديم كان لازم يظلم النظام الجديد و هم مش مستحملين اساساً يكفي انهم كان بيتجرب فيهم نظام مختلف
لأنّ الكليات لها حد اقصى تقدر تتحمله و على اساسه كان لازم يحافظ على العدل بين النظامين
خصوصاً إنّك انت وانت بتاخد قرار انك تقسم السنه
كنت عارف ان السنه ال هتخلص فيها تالته ثانوي هتكون سنة استثنائيه لأنّ هيكون في نظام جديد
و بالتالي دا قرارك انت تتحمله انما هم النظام اتوضع رغماً عن انفهم و لازم يلتزموا بيه
فلازم بردو يرأف بحالهم شوية
و عموماً
ثق ف ان ربنا اختارلك الأفضل
ربنا يوفقك بإذن الله ف أي طريق تختاره من حياتك