عاوز استفسر عن حاجه

[M..Elawady]

هل هلاقى حد يرد عليا

ولا اكتب الموضوع وملاقيش اى حد يرد عليا

[Dina hamed ali]

انا من القاهرة علمي علوم جايبة 90.6 كنت عايزة اعرف ممكن الحق علوم عين شمس عادية مش بنات او علوم حلوان و ايه كليات العلوم الاخري المتاحة
و ايه الفرق بين علوم عين شمس وكلية البنات علوم عين شمس من حيث الاقسام و لغة الدراسة ومستوي الدراسة
وشكرا لسؤال حضرتك
واسفة لو كنت بعت لحضرتك الرسالة اكتر من مرة لان كل مابكتبها وبضغط علي اعتمد الرسالة مش بتظهر اي حاجة تدل علي ان انا بعتها علشان كدة بعتها ردسريع علي الموضوع ده لاني عضو جديد ومش عارفة اوي في نظام المنتدي

[aliwika]

ما الفرق بين تجاره حلوان قسم نظم و معلومات و حاسبات و معلومات ؟

و هل تجاره حلوان قسم نظم و معلومات لها فرص عمل كويسه ام لا

[shahira tarek]

اولا حاسبات ومعلومات دى كليه ...و دى اكيد الافضل....لكن قسم حاسبات ومعلومات دا عبارة عن قسم وكويس بردو لكن اعتقد ان المفروض تجيب تقدير ف مواد معينه عشان تقدر تدخله....لكن لو مجموعك يجيب ((كليه)) حاسبات ومعلومات ف ادخلها طبعااا لو انت حاببها ...وعموما فرض الشغل والكلام دا ..تتتكلم فيه بعدين ..لان انت اللى بتثبت نفسك بكورساتك!!....وبالتوووفيييق ان شاء الله

[M..Elawady]

كلية حاسبات ومعلومات فعلا دى كلية مستقلة بذاتها وليها تنسيق لوحده ومن علمى رياضه

انما ادبى تقدر تدخلها من علمى او من ادبى عادى

وبالنسبة تجارة حلوان قسم نظم ومعلومات ليها شغلها اكيد سواء ف مصر او بره مصر

والقسم ده كويس
بس الافضل كلية حاسبات ومعلومات بس ده لعلمى رياضه

مش بقلل من قيمة تجارة ع فكرة
تجارة ف نظرى من اقوى الكليات ف مجال الشغل والعمل والله

ودى حقيقة

[aliwika]

طب هو فى تجارة حلوان قسم نظم المعلومات فى انتساب و ﻻ انتظام بس ؟

و علشان اتخصص في القسم ده من سنه اولى و ﻻ تانية ؟

و هل القسم ده احلى و ﻻ قسم علوم سياسية ؟

[M..Elawady]

اكيد الاقسام بتنطبق ع انتساب وانتظام طبعا

لان انت حضرتك ممكن تكون انتساب وتجيب تقدير عالى وتحول انتظام عادى

والتخصص بيكون من سنة 3 ده بالنسبة ل جامعة المنصورة واكيد معظم الجامعات كده

وقسم علوم سياسية جميل برده

بس مش هقدر افيدك فيه كتير عشان مش بحب اتكلم عن حاجه انا مش عارف فيها بصراحة

[shahira tarek]

بص بما انى ف جامعه حلوان...ف فعلا زى ما M.Elawady قال ان الاقسام بتكون من 3 يعنى من نهايه سنه تانيه هيعدى عليك ناس من شئون الطلبه ف الامتحانات يقولولك اكتب القسم اللى انت عايزه جنب اسمك...بالنسبه للاقسام دى بتكون ف انتظام وانتساب وبردو زى ما الاستاذ قالك قبل كده...انت تقدر تجيب جيد وتحول انتظام ..وطبعا انك تحول انتظام دى حاجه كويسسسه جدااا وف صالحك...وجيد مش صعب تجيبها ابدا.....بالنسبه لقسم علوم سياسيه ف دا فكك منه لان مالوش اى شغل هوا وقسم تجاره خاريجيه..ألناس بتدخلهم عشان بريق الاسم مش اكتر ...لكن ك شغل لا مفيييش ...اللى فعلا له شغل هوا محاسبه وادارة اعمال وطبعا لما تاخد كورسات كويسه...وقسم نظم ومعلومات كويس لكن معرفش الفرص بتاعته ف الشغل ايه...بس اكيد مادام حاجه خاصه بالكمبيوتر ف هوا وش فرصه كويسه بس خلى بالك لازم تجيب تقدير كويس ف الرياضه تقريبا ف اولى وتانيه عشان تقدر تدخله ع حسب علمى...لكن اسأل بردو ف الموضوع دا لما تدخل ان شاء الله