ألسن دفعة 2015

[Ra2fat Jego]

بسم الله الرحمان الرحيم

السلام عليكم ورحمة الله وبركاته

انا وناس كتير زيي عايزين يدخلوا ان شاء الله كلية السن

وانا خريجة ثانوية عامة 2014/2015
ونفسي اعرف معلومات اكتر عن الكلية دي

وفي مواضيع في المنتدى عنها بس للأسف الأعضاء اللي كانوا بيردوا على اسئلتنا بقلهم فترة طويلة مبيردوش

وانا لقيت كم موضوع بيسأل برضه زيي عن الكلية وأقسامها بس محدش بيرد على اسئلة اصحاب المواضيع دي

فيا ريت يا أعضاء المنتدى الكرام اللي في الكلية دي تردوا على اسئلتنا أرجوكوا

انا دخلت على اتحاد الكلية عالفيس بوك ومستفدتش حاجة

انا نفسي اعرف معلومات اكتر عن قسم ياباني عشان نفسي ادخله جدا بس نفسي اعرف عن الوظائف المرتبطة بالقسم ده ولا انا هدرس واقعد في البيت بيه؟؟؟؟

لو سمحتوا ردوا علي

ويا ريت كل الطلبة اللي زيياللي عندهم اسئلة عن الكلية دي يدخلوا عالموضوع ده ويحطوا اسئلتهم بحيث ان احنا نجمعها في زاوية واحدة ونلاقي حد يرد علينا

[عاشق الريال]

انا زيك كدا الدفعة الجديدة وكنت زيك تايه وردا ع سؤالك فى اقسام كتير والصينى واليابانى اعلى قسمين شرط تتخلهم تكون ناقص درجة ف الانجليزى دا كلام السنة اللى فاتت ونظامه بتختار لغتين بالاضافة الى الاجبارى العربى واى حاجة تعوز تعرفها انا موجود

[shahd.]

بالنسبه للكليه فيها اقسام كتير واعلى قسمين كورى ويابانى وتنسيق الاقسام بيختلف من سنه للتانيه وبالنسبه لصعوبه الاقسام وكده فكل الاقسام عاوزه شغل وتعب ومزاكره اما قسم يابانى بقى فهو قسم كويس اوى كمان اللغه بتاعته نادره بس لازم تكونى مقفله الانجلش او على الاقل جايبه 49 وهم بيبقو 25 طالب تقريبا فى القسم ودول شغلهم مضمون جداااا جداااا فى كل المجالات ترجمه /سياحه/شركات وغيره بردوا فى الاخر اقولك كل اللغات مطلوبه بس اللى يتقن اللغه صح ويعرف ينطق صح ده اللى فرصته فى الشغل بتبقى احلى وف الاخر الارزاق بتاعت ربنا ,
يارب اكون افدتك ولو فى استفسار تانى انا موجوده بالتوفيق ان شاء الله

[Ra2fat Jego]

شكرا لمساعدة حضراتكوا بس انا عندي اسنفسار تاني
دلوقتي اهلي حاسين ان الياباني مش مضمون من ناحية الشغل وان انا هدرسه و في الاخر اقعد بيه في البيت وييقولولي ان الانجلش احسن بس انا حاسه ان انا في الانجلش مش هبقى شاطرة
لاني من صغري في مدارس حكومة والنطق عندي وحش جدا في حين ان ناس تانية دارسينه من صغرهم واكيد هيبقوا سبقني بمراحل حتى لو بذلت فيه مجهودة مش هيكون
فيه بيني وبينهم اي وجه مقارنة وفيه كمان حاجة تانية قلقاني ان انا سالت قبل كده حد خريج السن ياباني وقاللي)الياباني من غير انجلش ملهوش لازمة وبصراحة الكلمة دي خضتني لان انا في الانجلش فااااشلة وحاسة اني عمري مهعرف اتكلمه كويس يا ترى موضوع الانجلش ده مهم يعني لازم ابقى عارفة ياباني وانجلش عشان اعرف اشتغل يعني لو ياباني بس اقعد في البيت؟
هو انا اه الحمد لله جبت فيه 49 بس مش عارفة ليه حاسة ان التنسيق الداخلي للالسن هيزيد واني مش هدخلها
وبعدين سؤال هل بجد الدفعة بيبقى عددها قليل اوي كده ولا ده كلام وخلاصص ارجوكوا سسسسسسساعدوووووني:frown:

[طارق أمين]

هو بالنسبة للعدد فهو قليل صحيح ع حسب مااعرف وكمان الانجلش مهم جدا جدا جدا