المستقبل

[Mostafa A.Soliman]

إيه الفرق بين العلمى علوم والرياضه
ولو طالب ممتاز فى الرياضه وناقصو تركيز ويعرف يحفظ آحياء
يختار إيه
وتوقعات التنسيق فى المستقبل إيه للطب والهندسه

[على عب]

الفرق بين علوم ورياضة ان فى مواد مختلفة وانك لو دخلت علوم لازم تجيب مجموع عالى والا مش هتلحقلك مكان فى كليات الكويسة اما بالنسبة للرياضة فتبقى مجاميعها اقل وممكن تلحقلك مكان اما بالنسبة ان حضرتك عايز تدخلى انى فدى انت اللى تحددها مش حد تانى صلى صلاة استخارة وادعى ربنا ومتخافش ومتخليش كل حاجة على اعصابك

[omarhassan2009]

تقريبا عندى نفس مشكلتك انا بفضل الله كويس ف الرياضه بس ينقصنى حكايه التركيز دى .. وبعرف احفظ احياء كويس وزى ما قلك الاستاذ الى قبلى الحكايه حكايه تنسيف .. بس ف كل الحالات انتا لازم تشتغل كويس وتبذل مجهود

[yoyo caty]

ببساطة جدا و من غير ما تكون محتار ...فكر مع نفسك انتى عاوز تبقى ايه؟؟؟؟ ...عايز تبقى حياتك بانهى شكل؟؟؟؟ و الحمد لله انك كويس فالاتجاهين اذا كان رياضة او علوم ...نصيحة من واحده لسة طالعة من تالته ثانوى و كنت زيك كده فالوقت ده السنة اللى فاتت و مامتى و ناس كتيييير فاهلى قالولى ادخلى رياضة لانى كنت الحمد لله شاطرة فيها و برده الحمد لله كنت باخد عند دكتور فالاحياء خلانى احبها و جبت فتانية نفس الدرجة فلاحياء والرياضة فكان كتيير من اهلى قالولى ادخلى رياضة لان تنسيقها اقل بس اللى اكتشفته ان الموضوع مش بالمجاميع والحمد لله ربنا خلانى ادخل علووووم و شايفة ان ده كان القرار الصح حتى و لو كان حلمى ضاع على نص درجة بالرغم من الظلم اللى اتظلمته فالتصحيح بس بحمد ربنا لان ربنا هو اللى بيبقى شايف الخير فين و ليا صاحبتى عشان هى عايزة من جواها تدخل هندسة و بتعشق حاجة اسمها رياضة و ماشاء الله تفكيرها نضيف و فدخلت و ربنا كرمها جدا و جابت 98.5 و طالعة الاولى على المدرسة عندنا فقسم الرياضة فالعبرة مش بالتنسيق العبرة بتحديدك لمستقبلك و بانك عايز تبقى ايه اعرف واحدة تانية كانت علوم و جابت 98.7% و دخلت اسنان لانها مش شايفة نفسها فبشرى و غيرها جايب اقل منها و دخل بشرى ملكش دعوة بالتنسيق خااااااالص و حدد هدفك كده و اجتهد اوى اوى اوى لان من غير اجتهاد مش هينفع توصل لهدفك و حاول تاخد قرارك بسرعة عشان تصفى ذهنك كده و تشوف المواد اللى عليك و متسنهونش لانهم 7 مواد مش بخوفك ولكن دى نصيحة ...و الاهم بقى من كل ده انك تعمل استخارة و اللى فى خير ليك ربنا يجبهولك .. واسفة على الاطالة

[ابانوب ايليا]

ببساطة الطالب يشوف هو عاوز يدخل كلية ايه ومنها يحدد علوم ولارياضة

[Pythagoras]

علوم تنسيقها عالي بس بسيطة للي بيحفظ وبيفهم والعكس في رياضة للي بيحل مسائل كتير

[Sara Abdelfatah]

علوم كلياتها كتير يعنى ملحقتش طب لاقدر الله تدخل صيدلة ملحقتش صيدلة هتدخل بيطرى او علاج طبيعى ملحقتهومش هتدخل علوم و كمان التركيز فى الرياضة مهم جدا لانه ممكن يوقع درجات كتير أما هندسة فكليات القمة فيها محدودة جدا