يا جماعة انا عندى موضوع شخصى وعيزا ردودكم بليز

[دودو دلوعة اليكس]

هاى يا جماعة انا دودو عضو جديد وعندى مشكلة وبليز لو حد عنده حل يبعت هولى انا عندى صحبتى بتغير عليا بطريقة فظيعة لما بكون مع اصحابى وعيزانى اقطع علاقتى بكل اصحابى ومش عيزانى اصاحب حد غيرها وما بتحبنيش اكون احسن منها و بتصاحب البنات اللى ما بيحبونيش واخر حاجة عملتها انها راحت قدمت رغباتها مع واحدة ما بتحبنيش وعلى طول البنت دى كانت بتوقع بيينا ومع ذلك مشيا معاها ولما حد من زمايلنا الشباب فى الدروس يعجب بيا بتقول لى اشمعنا انتى ! ولما كنت حأجل السنة دى عشان الامتحانات صعبة فرحت وحتى ما قالتليش لأ حرام تضيعى سنة من عمرك بالعكس دى فرحت بس الحمد لله انا اتراجعت وكملت السنة دى وانا دلوقتى ملرحلة ثانية علمى رياضة ..بليز يا جماعة انا عيزا رد للمشكلة اللى انا فيها دى واتصرف مع واحدة زى دى ازااى؟!!!!!!!!!!

[ananoo]

الرجل على دين خليله فلينظر أحدكم من يخالل

من كلامك طبعا باين انها انسانة مش كويسة خالص

وبصراحة انا مش عرفة انت بتفكري في ايه بضبط يعني انت بتحولي ترجعيها كويسة ؟؟؟؟؟؟؟
ولا مش عرفة تسبيها ازاي؟

ياريت تردي عليا ممكن اقدر اسعدك باذن الله

[دودو دلوعة اليكس]

هاى يا انانو المشكلة مش فى انى اخليها كويسة انا حاولت كتير وفشلت ولا القضية فى انى عيزا ابعد عنها المشكلة فى انها بتمشى مع ناس بيكرهونى وهى عرفة كدة وياما عملت معايا مواقف زبالة لدرجة انها وقعت بينى وبين المستر بتاعى بتاع الرياضة انا مش عرفة اسبها ولا اعمل ايه يا ريت تردى بسرعة لانى اتخنقت لانى ياما عملت خير واتقلب عليا شر

[ananoo]

برده انا مش فهمة


من كلامك انا حسة انها بقت عدوتك مش صحبتك يعني يمكن بتكرهيها اكتر من الناس اللي بتمشي معاهم

يعني انت لو بعدتي عنها ده هيريحك لان مبقاش بينك و بنها اي علاقة يعني تمشي مع اللي عيزاه بقى

انا مش فهمة المشكلة في بالضبط؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!

[i am]

انا رأي انك تتخلصي من هذه الصديقه او اصلا هي مش صديقه

[Dr.diamond]

الحل واضح جدا انك تسيبيها ولا أكنك تعرفيها
وتصاحبى انتى ناس تانيه يحبوكى وتحبيهم
وبعدين عادى يعنى انها تمشى مع ناس بيكرهوكى لان هى كمان بتكهرك
فابعدى عنها احسن

[السمراء]

كان عندى نفس المشكلة برده مع واحدة عمرى ماحبيت حد ادها ولا هى بس كانت مشكلة الغيرة وتزعل اكلم حد غيرها وتكلم هى براحتها واناكمان بعند بالذوق .........حصل مشكلة فوق التصور.............بصى اول سنة لفراقنا كنت متالمة بس بعد كده لانى مينفعش نرجع اصحاب اتعودت لكن اهم حاجة عرفتها قدام نفسها اللى غلطت فيه علشان اللى بيكونوا بالطبع ده بيفتكروا ان انتى اللى غلطانة.......................معلش طولت يبقى كده تعرفيها حتى لو هى عارفة.................ولازم تبعدى عنها وكل ما تحسى بالزعل لفراقها افتكرى اللى بتعمله(ده لو انتى بتحيها وصعب تسيبيها)

أهم شئ اختيار الصديق ولكن يظهر أن كل البنات هنا زعلانين من بعض ربنا يهديهم ويبارك في صديقاتي الخلصات

[dr_shosho_2009]

من رأيى سبيها فورا دى مش تستحق لقب صديقة

[SmSm Basha]

ربنا يهديها انا عارف الناس دي قابلت منهم كتييير ... الحل الوحيد ليهم هو اجتنابهم

[mero_mrmr]

فعلا يا smsm الحل الوحيد هو اجتنابهم لان دول بيكونوا اعداء متنكرين فى زى الاصدقاء

[دودو دلوعة اليكس]

ميرسى يا جماعة ليكم ولردودكم وانا بجد بقى ليا اصحاب جداد وهم انتوا وربنا يسهل وانساها وابعد عنها وربنا يقدم اللى فيه الخير

[biob]

عمليها بطريقتها يا دودو
مش هى عاوزاكى ما تصاحبيش حد غيرها
خليها ما تصاحبش حد غيرك
هى مش هترضى
قوليلها خلاص وانتى مش احسن منى فى حاجه

[دودو دلوعة اليكس]

لا يا بيبو الموضوع مش بالبساطة دى هى مش كويسة معايا فى حاجات كتير وخلاص انا مش عيزاها تانى وبعدين انا ليا اصحاب كتير بس هى كانت انتيمى ربنا يسهل والاقى واحدة تانية وكويسة وميرسى على ردك يا مان ههههههههههههههه من غير زعل اوك

[biob]

يا ستى حرام عليكى
والله بتنرفزنى ماعنتيش تقوليها
وعلى فكره اسمى بيوب مش بيبو
اتهجى كويس
طيبمادام الموضوع كده من الاول
يبقى انتى مش محتاجه مشوره
نفضيلها بكل بساطه