حـد ينـصحـنى

[هبــة أحمـد]

انـا خايـفة اووووووووووى مـن تـالـة ياريـت اللى خلـص الثـانويـة العـامة علـى خيـر
ينصـحنى كيـف نسـتغل وقـتنا ......
انـا خايـة علشـان المـواد كتيـرة اووووى واحـنا نظـام جـديـد وانـا هـاخد المواد كلـها ان شاء الله ياريـت حد ينصـحنـى اعـمل ايـه فى تـالـته علشان نحـصـل على المجـموع اللى عاوزيـنه

[theprincemoh]

عايزة اهم نصيحة ؟
متبدأيش مذاكرة قبل شهر تسعة
وانا فاضلي امتحان الديناميكا اهو
وبقولك النصيحة دي لو ممشيتيش عليها هتندمي بعدين زي مانا عملت كده واستهزئت بالنصيحة

[لحظة سعادة]

اكتر نصيحة تفيدك متعتبريهاش حاجة جديدة ذاكرى وانتظمى فى المذاكرة ذاكرى فى الاول عادى على قد اللى بتخدية فى الدرس اهم حاجة متاجليش درس متذاكرهوش ذاكرى كلة ولو انتى علمى وقبلتك مسائل صعبة فى الفيزيا مطحبتيش عادى مع المذاكرة هتحسى بثقة اكتر ولو انتى عند مدرس واصحابك قلولك وحش مثلا وانتى شيفاة شاطر متتاثريش بحدمن الاخر حاولى انتى واصحابك متتكلموش فى المذاكرة اوى عشان فى اصحا كتير مش بيشجعوا بعض بس وسبيها على ربنا ومتخافيش من حاجة

[هبــة أحمـد]

المشاركة الأصلية كتبت بواسطة theprincemoh

عايزة اهم نصيحة ؟
متبدأيش مذاكرة قبل شهر تسعة
وانا فاضلي امتحان الديناميكا اهو
وبقولك النصيحة دي لو ممشيتيش عليها هتندمي بعدين زي مانا عملت كده واستهزئت بالنصيحة

انـا بـدأت مزاكـرة من دلوقتـى
بس هعمل ايه المدرسين همـا اللى عاوزين كـدا
وربنـا معـاك

[هبــة أحمـد]

المشاركة الأصلية كتبت بواسطة لحظة سعادة

اكتر نصيحة تفيدك متعتبريهاش حاجة جديدة ذاكرى وانتظمى فى المذاكرة ذاكرى فى الاول عادى على قد اللى بتخدية فى الدرس اهم حاجة متاجليش درس متذاكرهوش ذاكرى كلة ولو انتى علمى وقبلتك مسائل صعبة فى الفيزيا مطحبتيش عادى مع المذاكرة هتحسى بثقة اكتر ولو انتى عند مدرس واصحابك قلولك وحش مثلا وانتى شيفاة شاطر متتاثريش بحدمن الاخر حاولى انتى واصحابك متتكلموش فى المذاكرة اوى عشان فى اصحا كتير مش بيشجعوا بعض بس وسبيها على ربنا ومتخافيش من حاجة

ميـرسى اوووى علـى المعلـومـة دى ربـنا يخلـيكى يااااارب

[ابانوب ايليا]

لالالاالالالا اوعى تذاكرى من دلوقتى ...........اوعى حتيجى فى نص السنة وحتملى صدقينى

ده انا اللى ابتديت مذاكرة من اول السنة بحماس شديييييييييييد جيت فى اخر الشهور اتهديت تماما معنديش اى استعداد انى اذاكر بعد كده فتخيلى ايه حيحصل لو الواحد بدأ من الاجازة

متحرميش نفسك من الاجازة

ثانيا بقى عندى نصيحتين مهمين دول عن تجربة علشان دول ضيعونى غالبا

1- متبصيش لغيرك ابدا ومتسأليش حد ايه ذاكرت انهاردة وايه خلصت والكلام والحوار ده علشان يجى حد يقولك انا انهاردة ذاكرت سبع فصول قصة ونصين وباب كيمياء وفصلين فيزياء وحليت 15 ىامتحان وذاكرت 3 وحدات انجليش وفى الاخر تقوللى : كل ده؟؟؟؟؟؟؟؟؟؟؟ وياجيلك احباط ....... فأحسن حاجة منقولش فلان خلص وحل حتى لو الواحد فينا ميكونش ذاكر غير 7 ورقات فى اليوم .....المهم عمل اللى عليه

2- لا للخوف ولا للخوف واخير برضه لا للخوف لأنه اخطر حاجة ..... ولازم يكون فيه ثقة جامدة ان عمر ماربنا حيضيع تعب حد

فعن تجربة فعلا دول اكتر حاجتين ضرونى السنة دى وللعلم.........الامتحانات بتيجى مش محتاجة طالب ذكى ولاطالب حالل 10 كتب

محتاجة طالب حتى لو مكنش حالل اى كتاب بس اهم حاجة يكون مركز فى الاسئلة وميتوهش

[مهاب احمد محمد]

ماتزكريش في الاجازه متذاكريش في الجازه متذاكريش في الاجازه دي اول نصيحه نصيحه كمان متصدقيش حد مش عايزه تكدبي حد من صحابك متتكلموش عن الدراسه متصدقيش حد بقولك اهو اخر نصيحه شوفي مدرسين كويسين بيحلوا علي طول وبينبهوا علي الواجب وتعملي الواجبات علي طول

[هبــة أحمـد]

والله يا جماعة انا مش عارفة اقولكوا ايه ربنا يخليكوا يااااااااارب شكرااااااا ع النصائح الحلوة دى

[omarhassan2009]

الكلام دة مقتبس عن واحد اسمو work_station
---------------------------------------

معظم الناس اللى بتشتكيلى بيشتكى من حاجة واحدة بس انا خايف وقلقان مش عارف لا ازاكر ولا انظم وقتى ومش ليا نفس ازاكر.







اسمع الكلام دا وبروزه عندك بخط عريض فى غرفتك






انا لما كنت فى بداية الثانوية العامة كنت تحت لا افقه شئ فى اى شئ كنت ببص للثانوية من برة خوف قلق تنظيم وقت يعنى ايه ويخيل ليا انى علشان اجيب المجموع العالى دا حلم بالنسبة ليا ومش هقدر لانى الثانوية دى كتله صعوبات********* فى نفس الوقت لما كنت بحكى واشوف تصرفات الناس اللى معروف عنها انها ممتازة من الطفولة كنت بلاقيهم فعلا ريلاكس وهاديين وخطواتهم ثابتة ومش عندهم القلق.







ولما ربنا رزقنى باللى بدا ينصحى زى ما بعمل معاكم كنت بقف معاه فى الشارع يوميا 3 ساعات يقولى يعنى اية المزاكرة الصحيحة والمجموع بيجى ازاى.
.
.
.
وفعلا بمرور الزمن وبعد شهور كنت الحمد لله لحقت نفسى وجبت كل الكتب اللى نصحنى بيها ورتبت غرفتى زى ما كان بيقولى وزاكرت فى المواعيد اللى رشحهالى .
.
.
.
والله زى ما بقولكم انا حسيت من جوه نفسى ان طلعت لمستوى الناس المعروف عنها بالتفوق ولاقيت نفسى تقلت وهديت واسلوبى اصبح متزن بفضل الله عرفت وقتها السر.


******************************

وهو ان المزاكرة كلام فارغ سهل جدا وصعوبة الثانوية ما هى الا اكذوبة بترعب الناس وتنفرهم من الهجوم عليها وبتشتت تفكيرهم وبتدمرهم ......وفقط فقط اللى عارف الكلام دا هما الناس المتفوقة والله هما بس اللى عارفين الكلام دا وبيستعجبوا من الطالب المسكين.

**********************************


وعلشان كدا لو طلبت النصيحة من طالب اصلا متفوق بكل بساطة مش هتلاقى عنده اجابة الا


-------------------------------------------
ذاكر اللى عليك هتنجح
-------------------------------------------

وروح جرب والله ما هيعرف يقولك ذاكر ازاى ولا ايه ولا امتى ولا مشاكلك ايه لانه ممرش بيها ....لكنى كنت تحت وشوفت الناس اللى تحت شكلهم ايه ومشاكلهم ايه لانى كنت منهم وبسرعة تدرجت لغاية ما اصبحت بفضل الله فوق مع الناس المتفوقة.




اذا لازم تزاكر بخطوات منتظمة تعرف انتا هتذاكر ايه وامتى ولو حصلك مشكلة مش تهدمك لا العكس تخليك تتدرب على حلها ذاكر بانتظام هتلاقى المزاكرة بسيطة ........هتسيب الدنيا تتراكم عليك مش هتقدر تلمها تانى الحق نفسك.



فى حاجة تانية مهمه جرب تهجم على المادة بدل ما خوفها مسيطر عليك وراعبك هتدنك كدا لامتى خايف من المادة دى والمادة دى مش عارف انزل لصحبة قولى اشرحلى الحتة دى مرة واتنين مكسوف من المدرس روح لصاحبك تانى وتالت ورابع اللى عاوز شئ بيسعى زى الديب وراه بالزوق وبالعافية هسعى وباذن الله هدمر الخوف منه لكن هتسلم نفسك من اولها انتا لسة عمرة 17 سنة مكنتش تتغلب على مشكلاتك من النهاردة هتكمل عمرك فاشل عمرك ما هتعرف تتغلب على مشكلاتك وللعلم حياتك كلها هتكون عقبات ومشاكل اسهل من الثانوية العامة والشاطر شاطر ومتفوق فى كل شئ والفاشل فاشل فى كل شئ .


حاجة تانية الثانوية فرصة واحدة هتحدد مسار حياتك كلها هتعب سنة وشوية فى الكلية وبعد كدا هتلاقى نفسك تقدر تتغلب على مشكلاتك بمعاونة الله ثم نفسك.


يارب الناس تفهم وتقدر واللى مش حاسس يروح يكلم واحد ضاعت منه فرصة الثانوية ويسمع رايه علشان يتقى الله ويقدر النعمة اللى فى ايدة ولسة مش طارت



والله الموفق والمستعان






معظم الناس اللى بتشتكيلى بيشتكى من حاجة واحدة بس انا خايف وقلقان مش عارف لا ازاكر ولا انظم وقتى ومش ليا نفس ازاكر.







اسمع الكلام دا وبروزه عندك بخط عريض فى غرفتك






انا لما كنت فى بداية الثانوية العامة كنت تحت لا افقه شئ فى اى شئ كنت ببص للثانوية من برة خوف قلق تنظيم وقت يعنى ايه ويخيل ليا انى علشان اجيب المجموع العالى دا حلم بالنسبة ليا ومش هقدر لانى الثانوية دى كتله صعوبات********* فى نفس الوقت لما كنت بحكى واشوف تصرفات الناس اللى معروف عنها انها ممتازة من الطفولة كنت بلاقيهم فعلا ريلاكس وهاديين وخطواتهم ثابتة ومش عندهم القلق.







ولما ربنا رزقنى باللى بدا ينصحى زى ما بعمل معاكم كنت بقف معاه فى الشارع يوميا 3 ساعات يقولى يعنى اية المزاكرة الصحيحة والمجموع بيجى ازاى.
.
.
.
وفعلا بمرور الزمن وبعد شهور كنت الحمد لله لحقت نفسى وجبت كل الكتب اللى نصحنى بيها ورتبت غرفتى زى ما كان بيقولى وزاكرت فى المواعيد اللى رشحهالى .
.
.
.
والله زى ما بقولكم انا حسيت من جوه نفسى ان طلعت لمستوى الناس المعروف عنها بالتفوق ولاقيت نفسى تقلت وهديت واسلوبى اصبح متزن بفضل الله عرفت وقتها السر.


******************************

وهو ان المزاكرة كلام فارغ سهل جدا وصعوبة الثانوية ما هى الا اكذوبة بترعب الناس وتنفرهم من الهجوم عليها وبتشتت تفكيرهم وبتدمرهم ......وفقط فقط اللى عارف الكلام دا هما الناس المتفوقة والله هما بس اللى عارفين الكلام دا وبيستعجبوا من الطالب المسكين.

**********************************


وعلشان كدا لو طلبت النصيحة من طالب اصلا متفوق بكل بساطة مش هتلاقى عنده اجابة الا


-------------------------------------------
ذاكر اللى عليك هتنجح
-------------------------------------------

وروح جرب والله ما هيعرف يقولك ذاكر ازاى ولا ايه ولا امتى ولا مشاكلك ايه لانه ممرش بيها ....لكنى كنت تحت وشوفت الناس اللى تحت شكلهم ايه ومشاكلهم ايه لانى كنت منهم وبسرعة تدرجت لغاية ما اصبحت بفضل الله فوق مع الناس المتفوقة.




اذا لازم تزاكر بخطوات منتظمة تعرف انتا هتذاكر ايه وامتى ولو حصلك مشكلة مش تهدمك لا العكس تخليك تتدرب على حلها ذاكر بانتظام هتلاقى المزاكرة بسيطة ........هتسيب الدنيا تتراكم عليك مش هتقدر تلمها تانى الحق نفسك.



فى حاجة تانية مهمه جرب تهجم على المادة بدل ما خوفها مسيطر عليك وراعبك هتدنك كدا لامتى خايف من المادة دى والمادة دى مش عارف انزل لصحبة قولى اشرحلى الحتة دى مرة واتنين مكسوف من المدرس روح لصاحبك تانى وتالت ورابع اللى عاوز شئ بيسعى زى الديب وراه بالزوق وبالعافية هسعى وباذن الله هدمر الخوف منه لكن هتسلم نفسك من اولها انتا لسة عمرة 17 سنة مكنتش تتغلب على مشكلاتك من النهاردة هتكمل عمرك فاشل عمرك ما هتعرف تتغلب على مشكلاتك وللعلم حياتك كلها هتكون عقبات ومشاكل اسهل من الثانوية العامة والشاطر شاطر ومتفوق فى كل شئ والفاشل فاشل فى كل شئ .


حاجة تانية الثانوية فرصة واحدة هتحدد مسار حياتك كلها هتعب سنة وشوية فى الكلية وبعد كدا هتلاقى نفسك تقدر تتغلب على مشكلاتك بمعاونة الله ثم نفسك.


يارب الناس تفهم وتقدر واللى مش حاسس يروح يكلم واحد ضاعت منه فرصة الثانوية ويسمع رايه علشان يتقى الله ويقدر النعمة اللى فى ايدة ولسة مش طارت



والله الموفق والمستعان

[هبــة أحمـد]

جزاك الله خيـرا