كيف نستعد لاستقبال رمضان؟؟

[دّقْـــةُ قْـــلِـــبّـ]

السلام عليكم ورحمة الله وبركاته ..

أوشك ‫شعبان‬ على الانتصاف ،

و ها هو الوقت يمضي و لم يبق غير أيام قلائل على شهر ‫‏رمضان‬ .

نشعر و كأنّ الايام مرت بسرعة فائقة و إذ بنا نفاجأ أننا في رمضان .. ولكن مهلا هل سنلدغ كل مرة من نفس الجحر ؟!

في كل مرة يداهمنا الشهر ونحن بقلوب مهترئة ونفوس خربة و همم لا تملك إلا حطام الأماني إلا من رحم ربي .

فماذا بعد كل عام .. نخرج من رمضان و لم نتذوق إلا ثمار العجلة وعصارة التخاذل ، و نلملم فتات الثواب من على موائد الرحمات في هذا الشهر ، و نخرج و لم نفز بما فيه من خيرات و كنوز .

لذلك يجب أن نستعد من الآن لاستقبال شهر الرحمة و الغفران

هذي مقدمة بسيطه عن اللي راح اتكلم عنه في هالموضوع
اللي هو ..
((كيـف نستعـد لأستقبـال شهر رمضـان؟))..

في احد فكر كيف يستعد لرمضان ؟
ممم البعض يستعد لرمضان بتزيين البيت بالمصابيح والزخارف الرمضانيه على المفارش وتجهيز اغراض رمضان ونفكر في طبخات جديده لرمضان ووو الخ

احنا هالمره نبي نستعد لرمضان بطريقه غير
طريقة تعيننا على ان احنا نستغل ساعات ودقايق،وثواني رمضان بالطاعات ان شاء الله

اغلبنا وانا وحده منكم مانستغل شعبان يعني يمر مثله مثل اي شهر نعد الايام والساعات علشان يجي رمضان بدون مانسوي شي لأستقباله صح؟

طيب الحين راح اقولكم اشلون نستعد في شعبان لأستقبال شهر الخير رمضان واتمنى الكل يتفق معاي ونساعد بعض باستعداداتنا وبافكارنا ..

اولا شي نبي نستعد لرمضان بالتوووووبه الصادقه وكثرة الاستغفار مو تجي وحده تقول بأتوب بدايه رمضان او من بداية رمضان راح اتوب من ذنوب كانت تسويها مثل الاغاني المسلسلات وغيرها
لا نبي نبدا من الحين نستعد ونجاهد انفسنا على ترك الذنوب اللي احنا ممكن نشوفها صغيره مثل الاغاني المسلسلات الغيبه اللي اغلبنا نشوفها ونسويها لان الذنوب تقيد الشخص عن فعل الطاعات علشان كذا تبي نتوب من ذنوبنا علشان ماتقيدنا في رمضان

ثاني شي النيه الصادقه ..
ننوي قبل بداية شهر رمضان نستغل كل ساعه من ساعاته وكل لحظه من لحظاته وربي سبحانه يعلم بنوايانا
محد منا يدري يصوم هالشهر ولا لا فلو نويتي تستغلين كل ثانيه فيه ربي راح يكتب لك اجرها سبحان الله

ثالث شي العزيمه القويه الصادقه
كثير منا يقول بسوي وبسوي في رمضان واذا جا رمضان تحمس شوي وتكاسل ليه؟ علشان ماستعدينا قبل رمضان بالفعل استعدينا بالكلام وبس
نبي نعزم ان احنا نصلي الصلوات باوقاتها ونصلي النوافل ونقوم الليل ونقول الاذكار ونختم القران ونبدا من الحين زي ماقلت لكم

كثير منا اذا خلص رمضان يحس،بالندم انه تابع مسلسل او نزل السوق او راح مطعم او سافر
وتمنى انه استغل رمضان بشي يفيده وبصراحه انا وحده منهم

طيب ليه نندم ؟
لاننا طبعا ما ستعدينا لرمضان

رابع شي نتفرغ من بعض الاشغال اللي تلهينا في رمضان مثل نزلة السوق لاغراض العيد اشتروها الحين رمضان كله حاولو ماتنزلون السوق استغلوه بالعباده والتقرب لله وبس كلها ايام تمر بسرعه نبي نستغلها بشي يفيدنا باخرتنا

اخر شي الدعاء ..
ندعي من الحين ان الله يبارك لنا في شعبان ويبلغنا رمضان لافاقدين ولامفقودين
ويوفقنا لأغتنام شهر رمضان وغيره من الشهور بالطاعات

نبي نبدا من الحين نفكر ان شاء الله اذا ربي كتب لنا عمر وبلغنا رمضان
شنسوي؟
1/نصوم وتصوم كل جوارحنا معانا مو بس الفم الاذن والعيون واللسان وكل الجوارح تصوم عن الحرام

2/نصلي الصلوات بأواقاتها ونصلي النوافل

3/نقرا اذكار الصباح والمساء واذكار النوم واذكار بعد الصلاه

4/نقرا قران ونحاول نقرا بتدبر مو بس نقرا علشان نختم

5/شغله مهممممممه ياصبايا ياحلوين واحنا نطبخ ننوي ان هذا راح يكون افطار صائم وانتم عارفين اجر افطار الصائم مو نطبخ واحنا طفشانين ونتأفف

6 / نستغل ساعات من بعد الفجر للمغرب بالتسبيح مو بالكلام واحنا نطبخ واحنا نسوي نسبح
الصحابيات كانو اذا جو يقدمون الاكل يقولون والله مانضج هذا الطعام اللى على التسبيح
استغلو كل ساعه في رمضان
حاولو يكون بعد المغرب وقت تقولين فيه جميع الاذكار
سبحان الله وبحمده سبحان الله العظيم
سبحان الله وبحمده
سبحان الله
سبحان الله والحمد لله ولا اله الا الله والله اكبر
لا حول ولا قوة الا بالله
لا اله الا الله وحده لاشريك له له الملك وله الحمد وهو على كل شي،قدير
استغفر الله
الحمد لله
الله اكبر
اللهم صلي وسلم على نبي الله محمد وعلى اله وصحبه اجمعين
نذكرها 100 مره كل ذكر وان شاء الله ربي يعيننا

بعد صلاة العشا والتراويح للفجر وقت الاستغفار وقراة القران
هذا جدول انا حاطته لنفسي وان شاء الله قد ماقدر اطبقه واللي عاجبه يطبقه وكل واحد وطريقته اهم شي يكون يومنا شامل لكل الاذكار


طولت عليكم اسفه
بصراحه حبيتكم تستفيدون مثل ماستفدت لاني بصراحه بحياتي ماستعديت لرمضان علشان كذا برمضان احيانا اتكاسل عن صلاة الليل واحيانا عن النوافل واحيانا يشدني مسلسل واشوفه واحيانا ماقدر اقاوم نزلة السوق مع اني اندم اذا سويتها
بس الحمد لله ربي نورني بعد مافتحت موضوع عن الاستعداد لرمضان بالصدددفه سبحان الله
وربي نبهني لهالشي بعد ماكنت غافله الله يغفر لنا اجمعين



واخيـــرا ..
اتمنى يعجبكم موضوعي وتستفيدون منه وتطبقون لو شي،بسيط من اللي كتبته وانا اولكم طبعا
نبي نجاهد انفسنا على الطاعات لاننا ماندري نعيش،بعد،ساعه ولا لا
احنا غافليييييييين جدا ..

م_ن

[جمانة2]

جزاك الله خيرا

[دّقْـــةُ قْـــلِـــبّـ]

جزانا واياكم

اسعدني مرورك جدا