تفتيش الطالبات بدون داعى داخل اللجان

[ساراوان]

هل من المعقول ان يتم تفتيش كل طالبات المدرسة كل يوم داخل لجنة الامتحان بالجهاز الألكترونى و لامانع ان تحسس الموظفة على جسم الطالبة وضهرها وجيوبها و تمسك ودنها بمعنى آخر تفتيشا ذاتىا .. ارجوكم حد يفهمنى .. مش المفروض ان يتم التفتيش قبل دخولهم اللجنة لأ ده داخل اللجنة ومش مهم ان ده بيعمل توتر للطالبات و يخرجهم من تركيزهم ويضيع وقتهم ده كفاية زنة الحهاز اللى كل شوية تيت تيت ده لوحده يتعب الاعصاب لما تسمعه كل شوية .. أرجوكم ارحموا ولادنا وارحمونا كفاية علينا الامتحانات مش بنقول بلاش تفتيش لأ بس يتم قبل دخولهم اللجنة وقبل وقت الامتحان ومراقبة التحركات داخل اللجنة مش دى وظيفة المراقبين برضه ولا ايه .

هذا ما يحدث فى مدرسة اسكندرية الثانوية التجريبية لغات بمحطة الرمل اسكندرية مع العلم ان هناك طالبات ثلاث مدارس يمتحن فى المدرسة .. نفسى أى مسئول يجاوبنى.

[رفعت توفيق 2]

اقدر ياسيدي كل ما تقوله واتفق معك ان ذلك يسبب توترا للطالبات ولكن لو سيادتك داخل نطاق التعليم وتسمع عن مدى حيل وسبل بعض الطلبة ولا نقول كلهم في ابتكار طرق الغش لالتمست ولو بعض العذر
ومع ذلك ألست معي ان الظلم كل الظلم ان تدفع دم قلبك لنجلتك طوال العام غير تعبها المضني والأرق والتوتر الذي يصاب به كل من في المنزل ثم بعد كل ذلك تتسرب الإجابات النموذجية لبعض الطلبة أهذا عدل ؟؟؟؟؟؟؟؟؟؟؟؟؟؟؟ ثم ما شعورك اذا كان لك دور في ان تقلل ذلك ولم تقم به ؟؟؟؟؟؟ وفق الله الجميع