دى مش دعوه للاحباط و اليأس دى دعوه للتفكير و التصحيح

[any name]

دى مش دعوه للاحباط و اليأس دى دعوه للتفكير و التصحيح
مصر ام الدنيا .... طب ازاى !!!!!
علمياً لم تقدم مصر الى العالم اى اختراع و اليابان صاحبة المركز الاول
اقتصادياً مصر وضعها الاقتصادى متدهور من الخمسينات ديون دوليه عجز فى الموازنه
عسكرياً مصر تستورد سلاحها و تقوم بصيانته فى بلد المنشأ
فنياً مصر لم تحصل على جائزة اوسكار على مر التاريخ
رياضيا مصر لم تتأهل الى كأس العالم الا مرتين و البرازيل الاولى عالميا
سياحياً مصر تملك ثلث اثار العالم و لكن الاولى عالميا فى السياحه ماليزيا
زراعياً مصر تملك الارض الخصبه و نهر النيل و لكنها تستورد القمح من روسيا
صحياً مصر صاحبة المركز الاول عالميا فى امراض السرطان و السكر و الضغط و فيروس سى
نووياً مصر لا تمتلك مفاعل نووى و لا تستخدم التكنولوجيا النوويه فى توليد الطاقه
النقل و المواصلات مصر صاحبة المركز الاول عالميا فى الحوادث
طرق و كبارى كل يوم كوبرى يقع و طريق يتكسر يعنى فساد بالجمله

[any name]

الاعلام مارس الخداع و التضليل و التغييب على الشعب لمدة عقود متى يستفيق الشعب من غفلته ......

[منار على]

]الاعلام مارس الخداع و التضليل و التغييب على الشعب لمدة عقود متى يستفيق الشعب من غفلته ....تمام كدا وللأسف كمان قليل اوى اللى بيحاول يفكر أو يشغل عقله بالنسبه لصحه أو خطا الكلام اللى بيتقاله وكتير مننا بيقاوم انه يفوق من غيبوبته مهما كانت المحاولات

[أ/رضا عطيه]

اللى أنا واثق فيه أن صاحبة الموضوع من المؤكد من الشباب

وأن أغلبية من يعمل بالإعلام من العواجيز

وكما خرج العواجيز للانتخابات لتثبيت الوطن مع أنهم على رحيل وسخر منهم بعض الشباب

هاهم الشباب قدموا لنا المرض ولم يكلفوا أنفسهم بالبحث عن حلول أو علاج

مع أنهم الأحق بالقادم

هيقولوا هو احنا لاقيين مكانا بين العواجيز

هرد عليهم وأقولهم

هما العواجيز شافوا منكم غير السخرية وحفظ السلبيات وترديدها صباحا ومساءا دون حلول

ذهب أربعة من نجباء مصر لمسابقة دولية عالمية

فاز ثلاثة من االفتيات الجميلات وخسر الرابع

ولأن الرابع له اتجاه سياسى وفعل مافعل

تركنا الفائزات المبهرات واللائى تحولن لمسكينات بسبب إهمال الكل لتكريمهن

ومسكنا فى حدوتة الخاسر

ياترى من سرق فرحتنا بهؤلاء الفتايات

الإعلام أم شباب الفيس بوك ؟الإعلام يرصد ولايختلق الأحداث

لولم تكن بداخلك إيمان بالله ويقين أنك تستطيع أن تكون

فلن تكون

م الأخر

ماصنع التوبيخ وإهانة الذات بطلا مهما امتلك من مبررات النجاح

وسط كل هذا السحاب من التشاؤم ستجدى مليارات من الانجازات المشرقة

فعلينا أن نأخذ من الله ومن هذا الإشراق مانبنى علي الايجابيات ونستمد منه العزيمة والإرادة لنصلح الفاسد ونقتص من الفاسدين

يحمل معظم الشعب الأمل فى الله وفى إرادته للتصحيح

ولايحمل التشاؤم إلا قلة متكاسلة لاتريد إلا استمرار مانحن فيه لتبرير السبوبة أو تشويه طموح شعب

أرجو أن تتقبلى الرد بقلب مصرى طيب يتمنى لمصر أن تكون أم الدنيا كما كانت وأكثر


وشكرا

[mohammed8511]

تقدم أى مجتمع - و ليس وطن - فالبشر يحكمون بالمجتمعات و ليس التقسيمات

يكمن فى العقيدة

حتى و ان كانت العقيدة هى الالحاد

عندك عقيدة تعمل علشانها و تسهر و تتعب هتلاقى تقدم ازدهار

مشكلتنا فى مصر

معندناش عقيدة

و اللى بياولوا يدلونا عليها - ارهابيون و ***ة و مش عارف ايه

انس اللعب على الحبال الذى يجيده المصريون و برعوا فيه من قديم الازل

عايز تتقدم

شوف عقيدتك ايه و انت تعرف طريقك و مواردك و اساليبك

[منار على]

المشاركة الأصلية كتبت بواسطة جدو عبده

اللى أنا واثق فيه أن صاحبة الموضوع من المؤكد من الشباب

وأن أغلبية من يعمل بالإعلام من العواجيز

وكما خرج العواجيز للانتخابات لتثبيت الوطن مع أنهم على رحيل وسخر منهم بعض الشباب

هاهم الشباب قدموا لنا المرض ولم يكلفوا أنفسهم بالبحث عن حلول أو علاج

مع أنهم الأحق بالقادم

هيقولوا هو احنا لاقيين مكانا بين العواجيز

هرد عليهم وأقولهم

هما العواجيز شافوا منكم غير السخرية وحفظ السلبيات وترديدها صباحا ومساءا دون حلول

ذهب أربعة من نجباء مصر لمسابقة دولية عالمية

فاز ثلاثة من االفتيات الجميلات وخسر الرابع

ولأن الرابع له اتجاه سياسى وفعل مافعل

تركنا الفائزات المبهرات واللائى تحولن لمسكينات بسبب إهمال الكل لتكريمهن

ومسكنا فى حدوتة الخاسر

ياترى من سرق فرحتنا بهؤلاء الفتايات

الإعلام أم شباب الفيس بوك ؟الإعلام يرصد ولايختلق الأحداث

لولم تكن بداخلك إيمان بالله ويقين أنك تستطيع أن تكون

فلن تكون

م الأخر

ماصنع التوبيخ وإهانة الذات بطلا مهما امتلك من مبررات النجاح

وسط كل هذا السحاب من التشاؤم ستجدى مليارات من الانجازات المشرقة

فعلينا أن نأخذ من الله ومن هذا الإشراق مانبنى علي الايجابيات ونستمد منه العزيمة والإرادة لنصلح الفاسد ونقتص من الفاسدين

يحمل معظم الشعب الأمل فى الله وفى إرادته للتصحيح

ولايحمل التشاؤم إلا قلة متكاسلة لاتريد إلا استمرار مانحن فيه لتبرير السبوبة أو تشويه طموح شعب

أرجو أن تتقبلى الرد بقلب مصرى طيب يتمنى لمصر أن تكون أم الدنيا كما كانت وأكثر


وشكرا

مع كامل احترامى لرأى حضرتك الا انى اتعلمت ان عشان احكم على الامور صح لازم ابصلها بنظره عامه واشوف السلبيات والايجابيات ولما نواجه نفسنا بسلبياتنا مش عيب ابدا بالعكس دى اول خطوه للاصلاح لكن لما نتغاضى عن سلبياتنا ونغض البصر عنها فهى دى اول خطوه فى طريق المزيد والمزيد من السلبيات وهو دا اللى وصلنا للى احنا فيه دلوقت, تغاضينا عن السلبيات اننا نشوفها ونغض البصر وهو دا اللى ادى القوه للفاسدين انهم يفسدوا فى بلدنا أكتر وأكتر يعنى العواجيز اللى بتتكلم عنهم حضرتك هما اللى ادوا الفرصه للفاسدين وهما اللى وصلونا للى احنا فيه بسكوتهم وقوله انا مالى ومشيهم جمب الحيط وياريت حضرتك تسأل نفسك على مدى حياتك شفت كام حاجه غلط وتغاضيت عنها ؟ سمعت كام حاجه غلط وحاولت تتناساها وقريت كام حاجه غلط وكبرت دماغك واحب اقول لحضرتك ان الكبار اللى اطلقت عليهم عواجيز خرجوا وانتخبوا لاستقرار الوطن لان هى دى الحياه اللى اتعودوها اتعودوا انهم يعيشوا وخلاص ومدام فى امان هما واولادهم وعايشين تمام
اما الشباب اللى حضرتك بتقول عنهم انهم مش بيبصوا بس غيرللسلبيات ومش بيلاقوا حلول فلو كانوا فعلا كدا مكانوش قاموا بثوره ضد الفساد وكانوا فضلوا باصين للايجابيات القليله وسايبين غيرهم ينهب خيرها وعايشين وخلاص زى غيرهم ورضيوا بالظلم والقمع زى مالكبار راضيين وموافقين وساكتين من سنين وسنين لحد مالفساد فى بلدنا انتشر فى كل حاجه ومبقيناش عارفين لانغير ولا نصلح لانه بقى اكبر من الجميع لا عاد نافع تغيير رئيس ولا تغيير حكومه لاننا عاوزين تغيير من الموظفين اللى قاعدين على المكاتب اللى اتربوا فى حضن الفساد والفاسدين , فى مدراسنا كنا بنربى ولادنا على الغش ومازلنا وماتبعه من انعدام ضماير وغيره وغيره و وطبعا انا ضد تريقه الشباب على الكبار لانهم برضوا الكبار بس بالنسبه لمقوله حضرتك للشباب

هما العواجيز شافوا منكم غير السخرية وحفظ السلبيات وترديدها صباحا ومساءا دون حلول
فاحب ارد على حضرتك رد بسيط جدا ظهر من خلال كلامى وهو وكنتوا فين انتوا ياكبار لما وصلنا للكم دا من السلبيات كانت فين حلولكوا ووقفاتكوا كانت فين احتجاجتكم كان فين مراعتكوا لمستقبل ولادكوا اللى اتصرف عليهم ألوفات واتخرجوا لا عارفين يلاقوا فرصه شغل ولا عارفين يبنوا اسره ولا مستقبل وكتير منهم مكانش قدامهم غير انه يسيب البلد كنتوا فين وحتى لو اشتغل كان بياخد كام اللى افتكره ان اول شغل ليا كنت باخد 240 جنيه وبشتغل فى مكان بركبله 3 مواصلات رايح و3 مواصلات جاى ومازلت منتدبه فيه على الرغم من ان بقالى 7 سنين لما كنت اتعب كان والدتى هى اللى تودينى للدكتور وانا بنت مابالنا بقى بشاب عنده اسره حضرتك بتتهم الشباب انهم متشائمين ماهم عندهم حق من اللى شافوه دا حتى المتفائلين فيهم هيتفائلوا ازاى مع واقع اصلا مثير للتشاؤم
وبالنسبه للاعلام المصرى فاحب اقول لحضرتك انه اعلام النفاق والكدب والتضليل وللاسف ملايين مصدقينه لانهم بيدمجوا الصدق بالكدب عشان كدا الكدب والنفاق مش بيظهروا وعلى سبيل المثال أنا بنفسى كنت متابعه الاعلام أول يوم انتخابات وشفت ازاى كان الاعلاميين مرعوبين من ان الناس منزلتش لدرجه ان حياه الدرديرى قالت للاعلاميين اتوكسوا هما فين الناس دى اللجان فاضيه على الرغم من ان كان فيه اعلاميين تانيين بيقولوا ان الاقبال زياده وكله تمام وبرضه شفتهم تانى يوم وكل مراسل لامم كل اللى فى اللجان وراه عشان يظهروا انهم كتير وبيقولوا كلام مغاير تماما عن اول يوم وشفتهم وهما بيغضوا النظر عن اى حد يقولهم ان اللجان فاضيه وبرضوا شفتهم وهما بيضغطوا على اللجنه العليا للانتخابات عشان تمد كمان يوم لدرجه انى اقسم بالله توقعت انهم يمدوا يوم كمان قبل مايمدوافعلا بساعات كتير وكل دا من خلال الاعلام وشفت قله ادبهم وسفالتهم وهما بيشتموا وبيتعاملوا بقله احترام بلاش اقول مع مواطنين عاديين لا دا مع لواءات وشفت كمان عدم حياديتهم فى عرض الحقايق وبالنسبه للقله المتكاسله المتشائمه اللى حضرتك بتتكلم عنها فاحب اقولك انها تخطت ال30 مليون مواطن مصرى دا على اعتبار ان الانتخابات طبعا كانت نزيهه , للأسف احنا اللى واقعنا مثير للتشاؤم مش احنا اللى متشائمين ولا لاننا عاوزين البلد تفضل زى ماهى زى ماقولت حضرتك بالعكس اى حد بيحب البلد دى وعنده انتماء ليها لازم يتمنى ليها كل الخير والتقدم لانها فى الاول والاخر بلدنا على الرغم من سلبياتها الا اننا اتربينا فيها وأى حد فيها هيستمر فى انه ميشوفش الا الايجابيات بس واللى بختلف مع حضرتك طبعا انها كتيره جدا و بيغض النظر عن سلبياتها معنى كدا ان عمرنا ماهنتغير وهنقدم بلدنا للفاسدين فيها على طبق من فضه زى مابيقولوا ويبقى الكبار قضوا على ثوره الشباب وقضوا معاها على املهم فى مستقبل افضل سواء بقى عن تعمد او لا بعد مااتسببوا بسكوتهم وصمتهم عن الفساد سنين طويله اوى فى اللى وصلناله دلوقت لا وكمان جايين يلوموا ال شباب على ان كان ليهم رأى و اتكلموا وعبروا عن اللى جواهم ودا اللى للاسف لو كان عمله الكبار من سنين طويله مكانش بقى دا حالنا دلوقت , انا نفسى افهم انتوا كنتوا منتظرين ايه من الاف بلا مستقبل ابسط حقوقهم فى بلدهم ضايعه و كل يوم بيشوفوا القهر والظلم والغلط والفساد ومطلوب منهم يسكتوا او يسيبوا بلدهم عشان ميهددوش امن الكبار قبل حضرتك متهاجم الشباب وتقول مش بيبصوا غير للسلبيات جرب تحط نفسك مكانهم , اقعد مع نفسك واتخيل نفسك واحد فيهم لا لاقى شغل ولا عارف يكون اسره ولا لاقى اى حاجه خالص بص للى اقل منك ازاى عايش وحط نفسك مكانه متقولش انا عايش انا واولادى كويس وخلاص حس بغيرك لانى واثقه اننا لو كنا عملنا دا من زمان مكناش وصلنا للى حصل دلوقت تخيل حضرتك نفسك مكان واحد فقير مش لاقى الجنيه ومش لاقى قدامه غير زباله الاغنيا ياكل منها وجرب تحس احساسه قبل ماتهاجم الشباب

[Mr. Ali 1]

المشاركة الأصلية كتبت بواسطة منار على

مع كامل احترامى لرأى حضرتك الا انى اتعلمت ان عشان احكم على الامور صح لازم ابصلها بنظره عامه واشوف السلبيات والايجابيات ولما نواجه نفسنا بسلبياتنا مش عيب ابدا بالعكس دى اول خطوه للاصلاح لكن لما نتغاضى عن سلبياتنا ونغض البصر عنها فهى دى اول خطوه فى طريق المزيد والمزيد من السلبيات وهو دا اللى وصلنا للى احنا فيه دلوقت, تغاضينا عن السلبيات اننا نشوفها ونغض البصر وهو دا اللى ادى القوه للفاسدين انهم يفسدوا فى بلدنا أكتر وأكتر يعنى العواجيز اللى بتتكلم عنهم حضرتك هما اللى ادوا الفرصه للفاسدين وهما اللى وصلونا للى احنا فيه بسكوتهم وقوله انا مالى ومشيهم جمب الحيط وياريت حضرتك تسأل نفسك على مدى حياتك شفت كام حاجه غلط وتغاضيت عنها ؟ سمعت كام حاجه غلط وحاولت تتناساها وقريت كام حاجه غلط وكبرت دماغك واحب اقول لحضرتك ان الكبار اللى اطلقت عليهم عواجيز خرجوا وانتخبوا لاستقرار الوطن لان هى دى الحياه اللى اتعودوها اتعودوا انهم يعيشوا وخلاص ومدام فى امان هما واولادهم وعايشين تمام
اما الشباب اللى حضرتك بتقول عنهم انهم مش بيبصوا بس غيرللسلبيات ومش بيلاقوا حلول فلو كانوا فعلا كدا مكانوش قاموا بثوره ضد الفساد وكانوا فضلوا باصين للايجابيات القليله وسايبين غيرهم ينهب خيرها وعايشين وخلاص زى غيرهم ورضيوا بالظلم والقمع زى مالكبار راضيين وموافقين وساكتين من سنين وسنين لحد مالفساد فى بلدنا انتشر فى كل حاجه ومبقيناش عارفين لانغير ولا نصلح لانه بقى اكبر من الجميع لا عاد نافع تغيير رئيس ولا تغيير حكومه لاننا عاوزين تغيير من الموظفين اللى قاعدين على المكاتب اللى اتربوا فى حضن الفساد والفاسدين , فى مدراسنا كنا بنربى ولادنا على الغش ومازلنا وماتبعه من انعدام ضماير وغيره وغيره و وطبعا انا ضد تريقه الشباب على الكبار لانهم برضوا الكبار بس بالنسبه لمقوله حضرتك للشباب

هما العواجيز شافوا منكم غير السخرية وحفظ السلبيات وترديدها صباحا ومساءا دون حلول
فاحب ارد على حضرتك رد بسيط جدا ظهر من خلال كلامى وهو وكنتوا فين انتوا ياكبار لما وصلنا للكم دا من السلبيات كانت فين حلولكوا ووقفاتكوا كانت فين احتجاجتكم كان فين مراعتكوا لمستقبل ولادكوا اللى اتصرف عليهم ألوفات واتخرجوا لا عارفين يلاقوا فرصه شغل ولا عارفين يبنوا اسره ولا مستقبل وكتير منهم مكانش قدامهم غير انه يسيب البلد كنتوا فين وحتى لو اشتغل كان بياخد كام اللى افتكره ان اول شغل ليا كنت باخد 240 جنيه وبشتغل فى مكان بركبله 3 مواصلات رايح و3 مواصلات جاى ومازلت منتدبه فيه على الرغم من ان بقالى 7 سنين لما كنت اتعب كان والدتى هى اللى تودينى للدكتور وانا بنت مابالنا بقى بشاب عنده اسره حضرتك بتتهم الشباب انهم متشائمين ماهم عندهم حق من اللى شافوه دا حتى المتفائلين فيهم هيتفائلوا ازاى مع واقع اصلا مثير للتشاؤم
وبالنسبه للاعلام المصرى فاحب اقول لحضرتك انه اعلام النفاق والكدب والتضليل وللاسف ملايين مصدقينه لانهم بيدمجوا الصدق بالكدب عشان كدا الكدب والنفاق مش بيظهروا وعلى سبيل المثال أنا بنفسى كنت متابعه الاعلام أول يوم انتخابات وشفت ازاى كان الاعلاميين مرعوبين من ان الناس منزلتش لدرجه ان حياه الدرديرى قالت للاعلاميين اتوكسوا هما فين الناس دى اللجان فاضيه على الرغم من ان كان فيه اعلاميين تانيين بيقولوا ان الاقبال زياده وكله تمام وبرضه شفتهم تانى يوم وكل مراسل لامم كل اللى فى اللجان وراه عشان يظهروا انهم كتير وبيقولوا كلام مغاير تماما عن اول يوم وشفتهم وهما بيغضوا النظر عن اى حد يقولهم ان اللجان فاضيه وبرضوا شفتهم وهما بيضغطوا على اللجنه العليا للانتخابات عشان تمد كمان يوم لدرجه انى اقسم بالله توقعت انهم يمدوا يوم كمان قبل مايمدوافعلا بساعات كتير وكل دا من خلال الاعلام وشفت قله ادبهم وسفالتهم وهما بيشتموا وبيتعاملوا بقله احترام بلاش اقول مع مواطنين عاديين لا دا مع لواءات وشفت كمان عدم حياديتهم فى عرض الحقايق وبالنسبه للقله المتكاسله المتشائمه اللى حضرتك بتتكلم عنها فاحب اقولك انها تخطت ال30 مليون مواطن مصرى دا على اعتبار ان الانتخابات طبعا كانت نزيهه , للأسف احنا اللى واقعنا مثير للتشاؤم مش احنا اللى متشائمين ولا لاننا عاوزين البلد تفضل زى ماهى زى ماقولت حضرتك بالعكس اى حد بيحب البلد دى وعنده انتماء ليها لازم يتمنى ليها كل الخير والتقدم لانها فى الاول والاخر بلدنا على الرغم من سلبياتها الا اننا اتربينا فيها وأى حد فيها هيستمر فى انه ميشوفش الا الايجابيات بس واللى بختلف مع حضرتك طبعا انها كتيره جدا و بيغض النظر عن سلبياتها معنى كدا ان عمرنا ماهنتغير وهنقدم بلدنا للفاسدين فيها على طبق من فضه زى مابيقولوا ويبقى الكبار قضوا على ثوره الشباب وقضوا معاها على املهم فى مستقبل افضل سواء بقى عن تعمد او لا بعد مااتسببوا بسكوتهم وصمتهم عن الفساد سنين طويله اوى فى اللى وصلناله دلوقت لا وكمان جايين يلوموا ال شباب على ان كان ليهم رأى و اتكلموا وعبروا عن اللى جواهم ودا اللى للاسف لو كان عمله الكبار من سنين طويله مكانش بقى دا حالنا دلوقت , انا نفسى افهم انتوا كنتوا منتظرين ايه من الاف بلا مستقبل ابسط حقوقهم فى بلدهم ضايعه و كل يوم بيشوفوا القهر والظلم والغلط والفساد ومطلوب منهم يسكتوا او يسيبوا بلدهم عشان ميهددوش امن الكبار قبل حضرتك متهاجم الشباب وتقول مش بيبصوا غير للسلبيات جرب تحط نفسك مكانهم , اقعد مع نفسك واتخيل نفسك واحد فيهم لا لاقى شغل ولا عارف يكون اسره ولا لاقى اى حاجه خالص بص للى اقل منك ازاى عايش وحط نفسك مكانه متقولش انا عايش انا واولادى كويس وخلاص حس بغيرك لانى واثقه اننا لو كنا عملنا دا من زمان مكناش وصلنا للى حصل دلوقت تخيل حضرتك نفسك مكان واحد فقير مش لاقى الجنيه ومش لاقى قدامه غير زباله الاغنيا ياكل منها وجرب تحس احساسه قبل ماتهاجم الشباب

أعجبني هذا الرد كثيراً وأتفق مع كل ما جاء به ( عدا ما هو باللون الأحمر ) .

جزيل الشكر لكاتبة هذا الرد الرائع .

خالص تحياتي

[jasika747]

كلام كبييييييييييييييييير أوى
وله دلائل عظيمة

[محمد المسلم ابوعبده]

انتو زعلانين ليه البلد حلوة وجميلة واصبروا كمان اربع شهور