كيف اقطع اجازتى وارجع مدرستى

[شحاتة الفقى]

اخذت اجازة بدون مرتب سنة وامضيت منها 5شهور فقط من1/11/2014 وحتى الأن وحاولت اقطع الاجازة ما عرفتش بحجة انة فية قرار نزل بمنع اى مدرس من عودتة الى العمل الا بحلول العام الدراسى الجديد بالذمة دة مش ظلم وما كانش معمول كدة من قبل افيدونى اين اتوجة

[Azhar Aly]

ع حد علمى لا يوجد قرار يمنع اى شخص م العودة لعمله ف اى وقت يشاء

[وليد زكير]

تكتب طلب لمدير الادارة لعودتك العمل عادى جدا فى اى وقت ليس شرط اول العام الدراسى

[هبة الامين]

فعلااااا الكلام ده حقيقي السنة دى منازلين قرار غريب ان قطع الاجازات ع اول تسعة وده قال علشان المدرسين بياخدوا اجازاتهم وقت الدراسة والعمل بيكون محتاجهم ويجوا يقطعوها وقت الاجازة والعمل مش فى حاجة ليهم

بس انا كنت بسال ف الادارة و***وا المدرسين عاملين اعتصام واحتمال يغيروا القرار

محدش يعرف ازا كان فيه جديد ولا لا
انا محافظة بنى سويف كنت فاكرة انه الكلام ده عندنا بس

[Azhar Aly]

طب لو ممكن صورة م القرار دا؟؟

[أ/محمد على عاشور]

لا ياسادة لدينا المدرسات يأخذن الاجازة ايام الدراسو والعودة ايام الاجازة
بلا اى مشكلة

[هبة الامين]

المشاركة الأصلية كتبت بواسطة أ/محمد على عاشور

لا ياسادة لدينا المدرسات يأخذن الاجازة ايام الدراسو والعودة ايام الاجازة
بلا اى مشكلة

يمكن محافظات محافظات بقى الله اعلم
بس القرار ده يا دوب نازل السنة دى
الاول كان عادى نقطه في الاجازة

ياريت الى من بنى سويف او اى محافظة فيها القرار ده يفيدنا هيعدلوه ولا ايه

[Azhar Aly]

انا بصراحة اول مرة اسمع بالقرار دا ويا ريت لو حد معاه نسخة م القرار او حتى رقمه ونبحث عنه ع النت يبقى جزاكم الله خيرا