بدل نقدى عن سنوات التعاقد

[سنويريتا]

لو سمحتوا موضع تحرير البدل النقدى لشهور التعاقد انا سالت فى ادارة اخميم والادارية قالت محدش عمل الموضوع ده دلوقتى فياريت لو فيه منشور رسمى للقرار او لو حد فى ادارته عمل الموضوع ده وقبض البدل النقدى عن شهور التعاقد يقول فترته كانت امتى وادارة ايه

[ياسر11111]

جاء الرد من التنظيم والادارة بتطبيق الكتاب الدورى الذى ينص على حق المتعاقدين فى البدل النقدى
وذلك بعد عده استفسارات من الاداره
ولكن ماهيات الاداره قالت انهم لن يصرفوا باثر رجعى
ولكن لو وقفنا جميع المعلمين الجدد وذهبنا الى وكيله الوزارة سيكون هناك رد اخر على هذه التفاهات
والتفسير للقرارات على اهوائهم الشخصيه
لو مستعدون للذهاب ارجو ممن عنده القدره للذهاب بجديه ان يكتب لنا الرد هنا

[معلم ولكن]

المشاركة الأصلية كتبت بواسطة ياسر11111

جاء الرد من التنظيم والادارة بتطبيق الكتاب الدورى الذى ينص على حق المتعاقدين فى البدل النقدى
وذلك بعد عده استفسارات من الاداره
ولكن ماهيات الاداره قالت انهم لن يصرفوا باثر رجعى
ولكن لو وقفنا جميع المعلمين الجدد وذهبنا الى وكيله الوزارة سيكون هناك رد اخر على هذه التفاهات
والتفسير للقرارات على اهوائهم الشخصيه
لو مستعدون للذهاب ارجو ممن عنده القدره للذهاب بجديه ان يكتب لنا الرد هنا

انا رحت انهارده مديرية التربية والتعليم بسوهاج وسكرتير وكيلة الوزارة قالى هى مشغولة دلوقتى وقالى اروح لرئيس الشئون المالية والادارية الاستاذ بدران وقابلته وشرحتله الموضوع اننا متعاقدين من 2008 و2009 وان لينا بدل نقدى عن تلك السنوات اسوة بباقى المحافظات فحسيت من كلامه انه ارتبك وقالى ان مفيش تعاقد مميز قبل 2010 قولتله اننا كنا متعاقدين من 2009 وفى ناس من 2008 تعاقد مميز ومعانا نسخ من هذه العقود فقالى هل يعقل ان اصرفلكم من تاريخ التعاقد وفى ناس متعاقده من 2007 اصرفلها من 2007 الى التعيين انت عارف ده يكلفنى كام ملايين ومفيش فلوس فقلتله يعنى من حقنا بدل النقدى ولا لا قال مقدرش انكر الاستحقاق بس مفيش فلوس الكلام ده لو فى فلوس وسبته ومشيت وقدمنا شكوى فى التنظيم والادارة بسوهاج وان شاء الله هنقلب الدنيا على دماغهم ومش هنسيب حقنا

[المستكشف]

حسبى الله ونعم الوكيل فى مديرية سوهاج يعنى عند تجريد العلاوات الخاصة حذفوا وخفضوا بسرعة البرق وقالوا حسب الكتاب الدورى رقم 5 لسنة 2007 و عند مايكون لنا حق يماطلوا و يقولوا مفيش فلوس ولو فيه وكيل وزارة او مدير طالع على المعاش ما تعرفش الفلوس تتطلع من أين و تتعمل حفلة و هدايا تساوى فروق بدل النقدى من سنة 2006
أستاذ ياسر / ممكن ترفع لنا صورة الكتاب الدورى أو تقول لنا رقم الكتاب وشكرا

[ياسر11111]

استاذى العزيز باذن الله ساحضر لك رد التنظيم والادارة بالظبط وهكتبه لانى معنديش اسكنر
بس ان شاء الله هصوره من الاداره واكتبلكم التفاصيل
على فكره انا مقدم شكوى فى التنظيم والادارة من 9/3/2014ولم يردوا حتى الان
لو فعلا عايزين رد يبقى لازم نروح مجموعه كبيره الى وكيله الوزاره

[nice time]

اتفضلوا رد التنظيم والادارة باحقية الصرف

[وليد زكير]

مشكووووووووووووووووووووور بارك الله فيك

[نورالإيمان]

جهد مشكووووووووور لحضراتكم جميعا بس للأسف عندنا إدارة قنا لا حياة لمن تنادي