سؤال عن الاقسام الخاصة فى هندسة اسكندرية

[lamar]

انا كنت عايزة اسأل عن الاقسام الخاصة فى هندسة جامعة اسكندرية
اللى هما ميكاترونيك وقسمين تانيين مش فاكراهم
المهم هى بتاخد مجموع هندسة اسكندرية عادى
ولا اقل
(يعنى لانها خاصة بفلوس سمعت انها بتاخد بتنسيق اقل 1% بالكتير )

[هشام محمد هاشم]

مش عارف مقدرش افيدك في حاجة بس ممكن اسئل ليك وهبلغك ان شاء الله

[lamar]

متشكرة لحضرتك اوى

[abokhattab_auto]

اولا الف مبروك انك جاتلك هندسة الاسكندريه وان شاء الله تعجبك الكلية وتتوقفى فيها
الاقسام:
ميكاالكترونيك وده عباره عن قسمين مع بعض ميكانيكا باور وكهرباء الكترونيات
وغاز وبتروكيمياويات
وهندسة مواد وده يعتبر قسم خاص من قسم الانتاج
والاقسام ديه لازم تبقى جايبه مجموع هندسة الاسكندريه عشان تقدرى تدخليهم وهى بمصاريف وعلى ايامنا كانت بعشره الاف مش عارف دلوقتى بكام
محمود تانيه ميكانيكا قوى اسكندريه

[MGMAS]

طيب لو سمحت ..

ممكن يا يا أستاذ محمود تفاصيل أكتر عن الأقسام دى ؟ ..

بيقولوا أنها أفضل أقسام فى الكلية .. و شغلها بيبقى مضمون و مش عارف ايه ..

و بيقولوا ان قسم البترول الجديد ده مش موجود فى اى جامعة تانية .. و يعتبر أفضل قسم فى الهندسة ..

حضرتك رأيك بخصوص الأقسام دى ؟ .. هل هى فعلا قيمة كده و تستحق الواحد يدفع عشانها ؟ ..

و هل شغلها مضمون برضه زى ما بيقولوا ؟ ..

و بالنسبة للمناهج .. هل موادها أصعب من الأقسام العادية التانية ؟؟ ...

و آخر سؤال معلش .. هل ليها معدل محدد لازم الطالب يجيبه فى السنة الاعدادية و إلا مش هيدخلها ولا لأ ؟؟؟


و ألف شكر ليك ..

بس يا ريت حضرتك متتأخرش فى الرد عليا ضرورى ..

و أى حد من الأعضاء عنده فكرة عن الحكاية دى يا ريت يفيدنا ..

جزاكم الله كل خير ..

اخوكم ..

محمد جمال ..

[MGMAS]

يا ريت حد يجاوب سؤالى ...

[abokhattab_auto]

المشاركة الأصلية كتبت بواسطة MGMAS

طيب لو سمحت ..
اسف جداا على التأخير

ممكن يا يا أستاذ محمود تفاصيل أكتر عن الأقسام دى ؟ ..
اولا بلاش استاذ ديه انا مش كبير اووى ياريت تقولى يا محمود عادى:D
والله انا معرفش عن الاقسام ديه اووى بس هسألك ان شاء الله
بيقولوا أنها أفضل أقسام فى الكلية .. و شغلها بيبقى مضمون و مش عارف ايه ..
اه فعلا شغلها بيبقى حلو بس على فكره كل اقسام هندسة ليها شغل

و بيقولوا ان قسم البترول الجديد ده مش موجود فى اى جامعة تانية .. و يعتبر أفضل قسم فى الهندسة ..

اه هو قسم حلو بس بيشتغلوا فى حاجه واحده فى مصانع البترول بس انما مثلا بقيت الاقسام التانيه زى ميكانيكا وكهربا وانتاج وكيمياء وكمبيوتربيشتغلوا فى فروع يامه وبيبلاقوا شغل ومدنى طبعاحضرتك رأيك بخصوص الأقسام دى ؟ .. هل هى فعلا قيمة كده و تستحق الواحد يدفع عشانها ؟ ..

انا من رأى ان الاقسام التانيه احسن منها وانا كنت بفكر ادخلها بس لاقيتها مش مطمنه وشايف ان اى قسم من اقسام الكليات التانيه احسن منها وكمان لو لاحظت هتلاقى انها اقسام مشتقه من اقسام تانيه
يعنى قسم البترول من كيمياء الى بيخدوا نفس المواد
وقسم هندسة المواد هو من قسم انتاج
وقسم ميكا الكترونيك والى فى راى انه افضل قسم فيهم لانك بتدرس ميكانيكا وكهربا مع بعض
و هل شغلها مضمون برضه زى ما بيقولوا ؟ ..

مفيش حاجه اسمها شغلها مضمون انت متعرفش كمان خمس سنين مين الى هيشتغل ومين الى مش هيشتغلو بالنسبة للمناهج .. هل موادها أصعب من الأقسام العادية التانية ؟؟ ...
النظام فيها نظام امريكانى يعنى بتدرس عن طريق فصول السنه وفيه تدريب مدة معينه كل سنه

و آخر سؤال معلش .. هل ليها معدل محدد لازم الطالب يجيبه فى السنة الاعدادية و إلا مش هيدخلها ولا لأ ؟؟؟

لا هى مش محتاجه اعدادى
و ألف شكر ليك ..

بس يا ريت حضرتك متتأخرش فى الرد عليا ضرورى ..

و أى حد من الأعضاء عنده فكرة عن الحكاية دى يا ريت يفيدنا ..

جزاكم الله كل خير ..

اخوكم ..

محمد جمال ..

وياريت تتأكد برضه من كلامى وانا ومعلش ان كنت معرفتش اديك معلومات كفايه بس انا هحاول اجيبلك معلومات اكتر ان شاء الله

[abokhattab_auto]

انا لقيت الرابط ده على موقع الكلية الرسمى وفيه معلمات عن الاقسام التلاته
http://www.alexeng.edu.eg/eng/dept/general/wiki/spcprog

[MGMAS]

ألف شكر على المعلومات دى يا محمود ..

أنا فعلا محتار .. أهلى و أساتذتى بينصحونى أنى ادخل قسم من الأقسام دى و هو البترول ..

و أنا بقى مش عارف هل أدخل قسم منهم ولا أدخل قسم من الأقسام العادية ..

طب معلش هتقل عليك شوية ..

قسم الحاسب الآلى محتاج تقدير كام فى الاعدادى ؟ ..

و فى رأيك هل هو أفضل ولا الأقسام الخاصة أفضل ؟ ..

معلش تقلت عليك أنا آسف بجد .

بس انت عارف .. ده قرار مصيرى ..

سلام ..

[abokhattab_auto]

لا عادى ولا يهمك واسال زى ما انت عايز انا تحت امركم
واسف على تأخير الرد
الحاسب الالى بياخد فى حدود 79% وما فوق
متتستنهش بالرقم ده لان مش اى حد بيعرف يجيوا فى اعدادى مش زى الثانويه العامه
وهو طبعا قسم اكتر من ممتاز وبتشتغل بعد ما تتخرج لان العدد بيبقى صغير جداا ومطلوب فى الشغل
وده ترتيب الاقسام من حيث المجموع بتاع سالسنه الى قبل الى فاتت وهحاول اديك نبذه عنها

الحاسبات وده بتدرس فيه الالكترونيات والهارد وير والسوفت وير
كهرباء وده قسمين
بور ده بتاخد فيه ازاى تنقل الطاقل الكهربيه من مكان لمكان تانى يعنى زى رفع جهد او تنزيله وبتشتغل فى المصانع
واتصالات وده باين من اسمه بتشتغل فى شركات الاتصالات الى هما اربع شركات بس برضه بيطلبوا فى المصانع فى اقسام معينه
نيجى بقى لاحلى قسم واصعب قسم من وجهة نظرى هو ميكانيكا وده بتدرس فيه كيفيه تحول اى طاقه لطاقه حركية والعكس
ميكانيكا بجد انا شايف انه قسم كويس جداا ومفهوش اقسام بس فى نفس الوقت بتشتغل فى اماكن يامه وده امثله من الى ممكن تشتغل فيه
التصميم وده عباره تصميم الميكانيات وصيانتها وكيفيه اصلاحها وده طبعا فى اى مصنع مطلوب
التبريد والتكييف وده بقى شغل المكيفات والتلاجات فى المصانع
الطيران والبحريه ممكن بعد ما تخلص تاخد دبلومع فى الطيران او البحريه وده الى ان شاء الله ناوى اعملوا
السيارات طبعا اى مهندس ميكانيكا بيشتغل فى السيارات
الغلايات فى مصانع البترول وده شغلها كويس كفاية انك تشتغل فى اى شركه بترول لان مرتباتها ممتازة
وفى حاجات تانيه بس مش فاكرها
يعنى من الاخر ميكانيكا بور من وجهة نظرى هو الى قايم عليه الصناعه

[MGMAS]

يعنى اتوكل على الله و ادخل قسم البتروكيماويات الهندسية فى هندسة الاسكندرية ؟ .. القسم الخاص ده ؟؟

[EnG.BeLaL]

المشاركة الأصلية كتبت بواسطة thelord1001

hi tweety ana ma3aky fe handaset alex

we me7tar ad5ol 9esm 5as walla la2

bas 3ndy ma3lomat keter 3anno

wdah emaily law 3ayza ay estefsar

thelord1001@yahoo.com

انا شايف بدل الحيرة دي انك تدخل اول سنة و تعرف كل حاجة الاول و تجيب تقدير كويس و بعدين تبقى تشوف موضوع االقسم دي بدل ما تدوش دماغك