طلاب الثانوية العامة والكبت

[نهي نوير خميس]

أشفق كثيرا علي طلاب الثانوية العامة
فكلما إقترب موعد الإمتحانات كلما نجد أولياء أمورهم يحولون المنزل إلي ثكنات عسكرية
ممنوع تليفزيون
ممنوع زيارة الأقارب
ممنوع الخروج إلا للدروس الخصوصية
ممنوع النوم الكتير
ممنوع
ممنوع
للدرجة التي جعلت من هؤلاء الطلاب مرضي بالكبت والكراهية
كراهية للثانوية العمياء التي لاتفعل فيها إلا المذاكرة من قبل العام الدراسي وطوال العام الدراسي
يشعر الطالب أنه في عنق الزجاجة
ولايتمني أن يخرج منها
بل أن يكسرها ويمحو هذه الفترة الكئيبة من حياته
ليس ذلك فقط
بل أيضا إعلامنا ساهم في هذا أيضا
فقبل إقتراب ميعاد الإمتحان
نجد الصحف والتليفزيون ملئ بأخبار عنها
الرحمة
والذي يثير شفقتي أكثر طلاب الدبلومات الفنية لا أحد في بلدنا يهتم بهم
حتي أخبار إمتحاناتهم تنشر علي هامش الأخبار
تعليمنا ياسادة لايحتاج التعديل
لابل يحتاج النسف
وهذا رأيي الشخصي
فمارأيكم؟؟؟؟؟

[Only Forward]

لا حضرتك متقلقيش
انا هخرج من الثانوية شكلها كده هتكون علي مستشفي المجانين
هههه
[/b]

[نهي نوير خميس]

المشاركة الأصلية كتبت بواسطة نسيم الشتاء

لا حضرتك متقلقيش
انا هخرج من الثانوية شكلها كده هتكون علي مستشفي المجانين
هههه
[/b]

ههههههههههههههه بعد الشر عليكي إن شاء الله تخرجي منها علي أحسن كلية

[Only Forward]

المشاركة الأصلية كتبت بواسطة نهي نوير خميس

ههههههههههههههه بعد الشر عليكي إن شاء الله تخرجي منها علي أحسن كلية

بجد متشكرة جدا لكلام حضرتك
بس ده ميمنعنيش من الخوف برضه

[callayax]

انا شخصيا مررت بمثل هذه الظروف فأبنتى الوحيدة تتميز بذكاء عالى جدا وكانت الاولى دائما على مدارس القرية فى المرحلة الابتدائية والاعدادية وعند وصلت الى المرحلة المشئومة قمت ووالتدتها باصدار الفرمانات
الفرمان الاول . ممنوع كذا وكذا وكذا وكذا
الفرمان الثانى ... وهكذا حتى وضعناها تحت ضغط نفسي كبير جدا ورغم اننا تربويين ولكن على رأى المثل "باب النجار مخلع" والنتيجة 90% مرحلة أول ولم نتعلم من خطأنا ولكننا اصررنا عليه بل تمادينا اكثر واكثر والنتيجة كلية تجارة لتلميذة متفوقة بمعنى الكلمة والسبب انا ووالدتها سامحنا الله

[دى برولى]

الضغط النفسي ده هو اقرب عدو للطالب فى الثانوية العامة
وعادة ما بيأثر فى شخصية الواحد جدا بعد ما يخلص بيخرج بره مش بيلائي مراقبة ولا ضغط او كده فا بينفلت زي الثور الهائج ويضيع لقدر الله الا من رحم ربي

هو الطالب بيبقا مذاكر بس الضغط بيحرقله الوصلات العصبية الى فى الذاكره

وبيعيش الطالب دايما فى حالة غير الواقع مثلا يقول امتى اخلص بقا وتبدأ احلام اليظة الخيالية انه فى الكلية وحياته تسير بشكل طبيعة لكن سرعان ما يفاجئ بواقعه مره اخري

كمان ممكن يأثر ع الطالب مش بمرض نفسي بس لا دا كمان بمرض عضوى لقدر الله - ودا للأسف اصابنى بسيبب الضغط عندما كنت فى المرحلة الثانوية وسبحان الله بمجرد الانتهاء من الامتحانات باسبوع اختفى المرض

للذلك هى مهمة ولى الأمر والعبء الكبير يقع عليه
يجب ان يعيدو التفكير مرة اخرى من أجل ابنائهم

[اتعلمت ولسه بتعلم]

انا السنادي عدة عليا اوقات كنت لا عارف اذاكر ولا اخد راحة ولا حتي اخرج واخرج اروح فين ولا حتي انام وتلاقينى كدة رايح جاي في الاوضة اقعد 20ثانية واقوم واقعد واتنطنط في الاوضة كنت بقعد بالاسبوع مباخرجش كنت عايز اروح لدكتور نفسي بس مقدرتش وفي النهاية
عدت السنه كلها ومدخلتتش ولا مادة من السبعة اللي عليهم مجموع اتمني ان ده ميحصلش تاننيالسنه الجاية

[نهي نوير خميس]

المشاركة الأصلية كتبت بواسطة اتعلمت ولسه بتعلم

انا السنادي عدة عليا اوقات كنت لا عارف اذاكر ولا اخد راحة ولا حتي اخرج واخرج اروح فين ولا حتي انام وتلاقينى كدة رايح جاي في الاوضة اقعد 20ثانية واقوم واقعد واتنطنط في الاوضة كنت بقعد بالاسبوع مباخرجش كنت عايز اروح لدكتور نفسي بس مقدرتش وفي النهاية
عدت السنه كلها ومدخلتتش ولا مادة من السبعة اللي عليهم مجموع اتمني ان ده ميحصلش تاننيالسنه الجاية

لاحول ولاقوة إلا بالله
وده مثال من الأمثلة الكتيرة للتأثير السلبي للثانوية العامة علي طلابها
أتمني لك التوفيق في العام الدراسي القادم ولاتضغط علي نفسك مرة أخري وحاول تقسيم وقتك بين المذاكرة والترفيه عن نفسك وأرجو أن تكون السنة القادمة سنة مثمرة لك

[نهي نوير خميس]

المشاركة الأصلية كتبت بواسطة دى برولى

الضغط النفسي ده هو اقرب عدو للطالب فى الثانوية العامة
وعادة ما بيأثر فى شخصية الواحد جدا بعد ما يخلص بيخرج بره مش بيلائي مراقبة ولا ضغط او كده فا بينفلت زي الثور الهائج ويضيع لقدر الله الا من رحم ربي

هو الطالب بيبقا مذاكر بس الضغط بيحرقله الوصلات العصبية الى فى الذاكره

وبيعيش الطالب دايما فى حالة غير الواقع مثلا يقول امتى اخلص بقا وتبدأ احلام اليظة الخيالية انه فى الكلية وحياته تسير بشكل طبيعة لكن سرعان ما يفاجئ بواقعه مره اخري

كمان ممكن يأثر ع الطالب مش بمرض نفسي بس لا دا كمان بمرض عضوى لقدر الله - ودا للأسف اصابنى بسيبب الضغط عندما كنت فى المرحلة الثانوية وسبحان الله بمجرد الانتهاء من الامتحانات باسبوع اختفى المرض

للذلك هى مهمة ولى الأمر والعبء الكبير يقع عليه
يجب ان يعيدو التفكير مرة اخرى من أجل ابنائهم

أتفق مع حضرتك في الرأي لأولياء الأمور دور كبير في التخفيف علي الطلبة من حدة التوتر الناتج عن الثانوية العاة
شكرا لرأي حضرتك
تقبل تحياتي

[شروق احمد محمد]

انا برده السنه الجاية هبقي في تالته ربنا معاكم ومعايا

[نهي نوير خميس]

المشاركة الأصلية كتبت بواسطة شروق احمد محمد

انا برده السنه الجاية هبقي في تالته ربنا معاكم ومعايا

ربنا معاكي ياحبيبتي وبلاش توتر كتير خدي الأمور ببساطة

[Mr.Optimistic]

المشاركة الأصلية كتبت بواسطة نهي نوير خميس

أشفق كثيرا علي طلاب الثانوية العامة
فكلما إقترب موعد الإمتحانات كلما نجد أولياء أمورهم يحولون المنزل إلي ثكنات عسكرية
ممنوع تليفزيون
ممنوع زيارة الأقارب
ممنوع الخروج إلا للدروس الخصوصية
ممنوع النوم الكتير
ممنوع
ممنوع

الحمد لله ، عندنا كان الموضوع عادي خالص ، وفت ما أحب أفتح التليفزيون كنت أفتحه قبل الامتحانات بأسبوع وعادي وأحياناً كنت بقعد أدامه الساعة 2 بليل ، والكومبيوتر كان متاح والنت كان متاح بس مكنتش بروح دروس خصوصية ، الحمد لله رب العالمين أبويا وأمي متفهمين و واعين بس دا مينكرش إن أنا كنت مضغوط بس ضغط داخلي ، وكبت داخلي لدرجة ......

للدرجة التي جعلت من هؤلاء الطلاب مرضي بالكبت والكراهية
كراهية للثانوية العمياء التي لاتفعل فيها إلا المذاكرة من قبل العام الدراسي وطوال العام الدراسي
يشعر الطالب أنه في عنق الزجاجة
ولايتمني أن يخرج منها
بل أن يكسرها ويمحو هذه الفترة الكئيبة من حياته
أنا أري إن لفظ ثانوية عامة في حد ذاته عبء ثقيل علي الطالب من جهة وشعوره بالالتزام الداخلي من جهة ( ومن جهة والديه إن وُجد )
فجأة تلاقي نفسك مسئول عن شيء مهم ، مهم لدرجة ايه مثلا ، مهم لدرجة إن مستقبلك ، بس لا وأبوك وأمك وأهلك وأصدقائك وأقارب أصدقائك والكل مترقب نتيجتك ورهبة مابعدها رهبه ، أنا كنت بخاف من إني في أهم سنة وأبوظ ، بمعني إن أنا الحمد لله كنت بجيب مجاميع عالية طول حياتي بس السنة دي خفت مش أعرف أجيب حاجة ( مش بسبب ضغط خارجي لكن ضغط داخلي ) وبدأ الوهم يصيبني وتعبت فتراااات كتيرة جدا لدرجة إني مش كرهت الثانوية العامة بس ، أنا كرهت حياتي كلها و أبويا كان هو اللي بيخفف عني ( ربنا يديله الصحة ) ومكنتش بعرف أنام وتعبت جسديا ( الحمد لله انها عدت علي خير )

ليس ذلك فقط
بل أيضا إعلامنا ساهم في هذا أيضا
فقبل إقتراب ميعاد الإمتحان
نجد الصحف والتليفزيون ملئ بأخبار عنها
الرحمة

الحمد لله مش كنت بتابع جرايد ولا تليفزيون عن الثانوية العامة بطلت دروس في الآخر

والذي يثير شفقتي أكثر طلاب الدبلومات الفنية لا أحد في بلدنا يهتم بهم
حتي أخبار إمتحاناتهم تنشر علي هامش الأخبار
تعليمنا ياسادة لايحتاج التعديل
لابل يحتاج النسف
وهذا رأيي الشخصي
فمارأيكم؟؟؟؟؟

من وجهة نظر شخصية / التعليم في مصر يتقسم تحت 4 بنود .
البند الأول : المناهج وكتب المدرسة ، ودا مش فيه عيب ، يمكن أنا كنت بعيب عليه في الأول بس في آخر شهر لقيت المناهج حلوة وعلمية وكتب المدرسة تدرس الموضوع بطريقة موضوعية جميلة جداااااااااااااا يعني بتستخدم اصطلاحات معينة تثير لدي الطالب الرغبة يعني مثلا يقولك ( ولعلك الآن تتسائل ، وكان أكثر ما أثار الجدل حوله ، ولم يهتم أحد بآرائه ) يحسس الطالب انه عايش جوه قصه علمية وهذا ما ليس موجود في الملخصات الخارجية التي درس الموضوع ماهو فيه حفظ فقط كأنها ثورة من الاسلحة الخارجية لاسقاط التعليم
البند الثاني : الدروس الخصوصية ودا شعبت كلام فيها السنة دي لدرجة اني قعدت منها كلها فترة مش بسبب المصاريف لكن لأني أكره أن أُستَغَل عندنا مدرس ماشاء الله اللي بنروح عنده درس طول السنة ( قال ) حصة المراجعة بتاعة الأحياء اللي قبل الامتحان ب 60 جنيه ، وطلبة كتير جدا راحوا أنا رفضت
( دي عاوزة النسف )
البند الثالث : الامتحانات ، أغلبها بيركز ع الحفظ ويقولك ف امتحان العربي اختار الأدق ف المعني مضاد يفيض : ( ينقص - يقل - يجف ) والمصيبة انها ينقص مش يقل وجت ثانوية عامة سنة 98 ومن دا كتير ويقولك من بين السطور ، ومش بيسأل عن فهمك للموضوع
( دي عاوزة التعديل )
البند الرابع : المدارس ، مفيش مدرس في المدارس بيقول زي اللي بيقوله في الدرس ( إلا من رحم ربي ) وقلة ضمير ومفيش شرح بل مفيش مدرسة لأن مفيش مدرسين في المدرسة ، أنا أقسم بالله أني ما دخلت المدرسة بتاعتي السنة دي إلا مرتين عشان الاستمارات و حفلة تأبين فقط ..... دا غير إن المدارس مش مزودة بالخدمات اللي تغطي فضول بعض الطلاب ...
( دي عاوزة التعديل جداااااااا )

آسف ع الإطالة

[شروق احمد محمد]

المشاركة الأصلية كتبت بواسطة نهي نوير خميس

ربنا معاكي ياحبيبتي وبلاش توتر كتير خدي الأمور ببساطة

شكرا اوي علي رد حضرتك
وان شاء الله هعمل بيه
ادعيلي بالله عليكي

[مهاب احمد محمد]

بعض البيوت تحول حياه بعض الطلاب الي جحيم وممنوع تلفيزيون وموبيلات و الخ وسعات بتوصل ان حتي انه ينزل من البيت يصور ورق او حاجه يبقي مينفعش انا كنت في ثانوي السنه اللي فاتت واللي قبلها النظام القديم وكنت بتفرج عادي ووقت الامتحانات عادي يعني والحمد لله دخلت اللي عايزه الموضوع مش ناقص توتر انا تقريبا في الدرسه بتفرج علي التلفيزيون بتيجي الاجازه مش بلاقي حاجه اعملها

[شروق احمد محمد]

المشاركة الأصلية كتبت بواسطة مهاب احمد محمد

بعض البيوت تحول حياه بعض الطلاب الي جحيم وممنوع تلفيزيون وموبيلات و الخ وسعات بتوصل ان حتي انه ينزل من البيت يصور ورق او حاجه يبقي مينفعش انا كنت في ثانوي السنه اللي فاتت واللي قبلها النظام القديم وكنت بتفرج عادي ووقت الامتحانات عادي يعني والحمد لله دخلت اللي عايزه الموضوع مش ناقص توتر انا تقريبا في الدرسه بتفرج علي التلفيزيون بتيجي الاجازه مش بلاقي حاجه اعملها

هو كلامك مضبوط بس لازم نخدها جد شوية
مش شوية جد بمعني الكلمة