منح الجامعة الألمانية و الأمريكية

[Mohammad Emad]

السلام عليكم ،

ممكن لو حد عنده اي معلومات عن منح للجامعة الألمانية guc أو الأمريكية auc

بحيث يبقي مطلوب مني كورسات او شهادات اي حاجة بس معفي من المصاريف

ياريت لو حد عنده اي معلومة عن المنح او حتي مين احسن بين الجامعتين يقولي هنا

[hebabasmala]

الجامعه الالمانيه اللى أقدر أفيدك بيها هى السنه دى المنحه الكامله لأوائل المحافظات ( أعلى 2 منهم يقدموا ) غير كده بيكون خصم جزئى خصم 50% و 40% من المصاريف و كده وبيكون من أول اللى جايب 100% و 99% يكون ليهم خصم اقل ولغاية 96% بيكون ليهم خصم 10% بس و المصاريف السنه دى كانت 55000 معرفش السنه الجايه كام

[hebabasmala]

و أى استفسار عن الجامعه الالمانيه اتفضل - أنا ف الجامعه الالمانيه صيدله -

[moda96]

ممكن أعرف category c فى هندسة الجامعة الالمانية من كانت فى حدود كام فى ال100% و سعرها 37 ألف زى ما مكتوب على موقع الجامعة؟

[ABDSSH80]

منحة الجامعة الالمانية 2 من ال 10 الاوائل علي المحافظة
هل يجوز لل13 علي المحافظة انه يقدم
علشان لو محدش من اللي قبله قدم ينفع ياخد هو المنحة

[hebabasmala]

المشاركة الأصلية كتبت بواسطة moda96

ممكن أعرف category c فى هندسة الجامعة الالمانية من كانت فى حدود كام فى ال100% و سعرها 37 ألف زى ما مكتوب على موقع الجامعة؟

37000/semester يعنى الترم الواحد و ده السنه اللى فاتت أعتقد زاد
و معرفش بيوصلو ل category C أصلا ولا لأ بس هو المجموع كام ؟

[hebabasmala]

المشاركة الأصلية كتبت بواسطة abdssh80

منحة الجامعة الالمانية 2 من ال 10 الاوائل علي المحافظة
هل يجوز لل13 علي المحافظة انه يقدم
علشان لو محدش من اللي قبله قدم ينفع ياخد هو المنحة

مش هقدر أفيدك أووى أنا اللى أعرفه انها لل 10 الأوائل بس - اعلى 2 منهم يقدمو حتى لو التاسع والعاشر يخدوها - و غالبا معظمهم أصلا بيقدم فهيستفيد من المنحه لكن مستحيل ال 10 ما يجيش منهم 2 الجامعه
بس ال 13 ده أكيد مجموعك عالى فهتاخد برضه خصم كويس ممكن يبقى 40% مثلاً

[OsamaGmail]

ياجماعة لو سمحتوا عايز حد يرد عليا ضروري
انا جايب 96.5% ومصاريف القسم a ستين الف في السنة ممكن اي حد في الجامعة الالمانية يقولي لو في خصم يبقى قد ايه
ولو عملت اعادة تصحيح وبقيت 97% مثلا ممكن تفرق في الخصم ؟
ارجو الرد بسرعة لو سمحتوا

[OsamaGmail]

المشاركة الأصلية كتبت بواسطة hebabasmala

مش هقدر أفيدك أووى أنا اللى أعرفه انها لل 10 الأوائل بس - اعلى 2 منهم يقدمو حتى لو التاسع والعاشر يخدوها - و غالبا معظمهم أصلا بيقدم فهيستفيد من المنحه لكن مستحيل ال 10 ما يجيش منهم 2 الجامعه
بس ال 13 ده أكيد مجموعك عالى فهتاخد برضه خصم كويس ممكن يبقى 40% مثلاً

انا جايب 96.5% ومصاريف القسم a ستين الف في السنة ممكن اي حد في الجامعة الالمانية يقولي لو في خصم يبقى قد ايه
ولو عملت اعادة تصحيح وبقيت 97% مثلا ممكن تفرق في الخصم ؟
ارجو الرد بسرعة لو سمحت

[hebabasmala]

المشاركة الأصلية كتبت بواسطة osamagmail

انا جايب 96.5% ومصاريف القسم a ستين الف في السنة ممكن اي حد في الجامعة الالمانية يقولي لو في خصم يبقى قد ايه
ولو عملت اعادة تصحيح وبقيت 97% مثلا ممكن تفرق في الخصم ؟
ارجو الرد بسرعة لو سمحت

بتفرق كل سنه بس ممكن الخصم يكون 10% أو 20% ما أعتقدش أكتر لأن السنه اللى فاتت اللى فوق 90% كان ليه خصم 40% و بيعلنو عن نسبة الخصم اخر الشهر ده و لو قدمت بعده مش هيكون ليك خالص حتى لو مجموعك عالى فلو ناوى قدم بسرعه و شوووف بعدها هتعمل ايه

[OsamaGmail]

المشاركة الأصلية كتبت بواسطة hebabasmala

بتفرق كل سنه بس ممكن الخصم يكون 10% أو 20% ما أعتقدش أكتر لأن السنه اللى فاتت اللى فوق 90% كان ليه خصم 40% و بيعلنو عن نسبة الخصم اخر الشهر ده و لو قدمت بعده مش هيكون ليك خالص حتى لو مجموعك عالى فلو ناوى قدم بسرعه و شوووف بعدها هتعمل ايه

انا روحتت وخدت خصم 20% بس قدمت في financial aid واتمنى لو زودو الخصم
وبالنسبة لسكن الجامعة عايز اعرف تمنه من فضلك

[hebabasmala]

طيب مبروووووووووووووك
سكن الجامعه ب 24000 تقريباً بس ف الرحاب فبيكون ده بباص الجامعه علشان المسافه - ومن غير أكل -
ف الأغلب كله بيأجر شقه قدام الجامعه هو وحد معاه و الشقه بيكون ايجارها من 1500 ل 2000 ف الشهر مفروشه

[hebabasmala]

هو سكن الجامعه من 20 ل 24 ألف مش عارفه تحديداً بس هو ف كل الأحوال غالى عليه و مرهق علشان بتكون مرتبط بمواعيد باص و كده

[OsamaGmail]

المشاركة الأصلية كتبت بواسطة hebabasmala

هو سكن الجامعه من 20 ل 24 ألف مش عارفه تحديداً بس هو ف كل الأحوال غالى عليه و مرهق علشان بتكون مرتبط بمواعيد باص و كده

يعني من 20 لــ 24 بالباص ولا من غير ؟؟

[OsamaGmail]

المشاركة الأصلية كتبت بواسطة hebabasmala

هو سكن الجامعه من 20 ل 24 ألف مش عارفه تحديداً بس هو ف كل الأحوال غالى عليه و مرهق علشان بتكون مرتبط بمواعيد باص و كده

عايز اعرف حضرتك من القاهرة ولا مغتربة زيي ؟؟
يعني حضرتك قاعدة في عمارة من اللي جنب الجامعة ؟؟