الرجاء المساعدة ضرورى

السلفى الصغير · #1 13-04-2014, 11:12 AM

بسم الله الرحمن الرحيم

أنا طالب 3 ثانوى ، قسمت 2 ثانوى وجتلى فرصة إنى أحول للنظام الجديد فحولت

أنا الحمد لله كنت بذاكر الفيزياء والرياضة 2 مش بفوت حصة ، وكنت بمتحن عليهم

وأنا براجع دلوقتى فيهم تمام جدا

المشكلة فى اللغات العربى والانجليزى والفرنساوى

والكيميا كنت مذاكر الباب السادس والسابع وسبت الكهربية والعضوية

بس الكيمياء ممكن ألمها وسهلة

أنا عملت نظام مراجعة كله بيقول إنه نظام جميل جدا

بس فى التطبيق مش ماشى عليه بالظبط

والمفروض إنى مضيعش يوم فى نظام المراجعة ده ولا دقيقة ولا ثانية

اللغات مذاكرتهاش من أول السنة

الانجليزى حفظت كلمات الوحدات بس ومرة واحدة مراجعتش عليهم

أنا بفكر أقسم السنة تانى وأمتحن السنة دى فيزياء ورياضة وكيمياء

أنا خايف لما قسمت سنة تانية ومجبش مجموع

وأنا خايف إن الخوف ده يأثر عليا فى المذاكرة ومش أمشى على جدول المراجعةمظبوط

الرجاء الرد بسرعة أنا محتار جدا

يا ترى أضيع سنة تانى ، ولا أذاكر وأرضى بنصيبى

مع العلم إن كل الناس بتقول عليا شاطر وكنت بطلع من الأوائل فى ابتدائى واعدادى

والفيزيا والرياضة ماشى فيهم تمام والمدرسين بيقولوا عليا إنى شاطر

أنا عارف إنى شخص تافه ومتعلمتش من الدرس ، بس أرجوكم ساعدونى

شكرا جزيلا مقدما ، وآسف إنى بتعبكم معايا

mrmr 2012 · #2 13-04-2014, 11:46 PM

هو فى ايه مواد تانى غير الفيزيا والرياضه يستاهل انك تقسم عشانهم
اى ماده تانيه فى يوم تقدر تخلصها
الكيميا دي 4 ابواب والسادس ميعتبرش باب والكهربيه ده حلو جدااااااا
والعضويه كمان مترابطه وجميله صدقنى
اما العربي فلو اديته الاسبوع اللى قبل الامتحانات هاتخلصه
والانجلش والفرنساوي اهم حاجه القواعد الكلمات دى بسيطه
ركز على القواعد اكتر والفرنساوى ده ماده ترفيهيه الامتحان كله اختيارى اساسا
ادخل الامتحانات وربنا معااااااااك

حلمي كبير اوي *رنوش* · #3 15-04-2014, 10:23 AM

ربنا يوفقك ويوفق الجميع

مهاب احمد محمد · #4 16-04-2014, 03:44 PM

مع احترامي ليك بس التقسيم اصلا من اوله طريقه فاشله مفيش حاجه في الحياه ينفع تقسمها ده بس سبب بسيط جدا عموما ربنا يةفقك الكيمياء سسهله الانجليزي حلو بس احفظ وراجع الكلمات كل فتره العربي ماده لن تستفيد بها في حياتك