ما هو دور مدرس الحاسب الالى فى الجوده

[منى عربى]

يا جماعه حد يفهمنى دور مدرس الحاسب الالى فى الجوده لانى مش فاهمه شئ كل مره يجى مسئول الجوده عندنا فى المعهد يقولى حاجه مختلفه مره قالى هتكون عضوه فى وحدة التدريب ودى اجبارى عليكى و لما تمضى ليس من حقك النقل او الندب لاى مكان مع العلم نفسى انتدب الى معهد فتيات قريب من منزلى لانى المعهد اللى شغاله فيه بعيد عنى و انا تعبت من المواصلات و من حقى زى اى مدرس انى بعد السنوات 9 شغل فى معهد انتدب الى معهد اخر . ولما رفضت سكت
ورجعت تانى مره وقالى تكونى عضوه فى مجال و فعلا دخلت مجال المعلم و بدات شغل فيه .
بعد كده يقولى اى شغل لاى مجال اكتبه انا على الكمبيوتر ليه ؟ قولتله انا اعمل شغل مجالى بس واكون دعم فنى اى اظبط ليهم شغلهم على الكمبيوتر من تنسيقات و خلافه اطبع اصلح عطل ....الخ من الدعم .او ادربهم على البرامج المحتاجه فى الجوده .
نفسى افهم نحن مدرسين و لينا جول بالعكس احيانا ناخد اكثر من النصاب فى كذا معهد انتداب . و نفسى انتدب فى الثالث ارتاح يوم على الاقل من المواصلات بناخد يوم اشراف كل شئ زى اى مدرس مش ذنبا ان الماده مادة نشاط او لا تمتحن .
حد يفهمنى ليه الظلم و الضغط الواقع علينا ليه كل ده بناخد مرتبنا زى اى مدرس فى الازهر اى شئ متعلق بالكمبيوتر على طول مدرس الحاسب الالى . كرهنا شغلنا نفسى حد يفهمنى ادافع عن نفسى ازاى . الرجاء الرد

[التكنولوجى]

اولا : السلام عليكم
انا مدرس حاسب الي زي حضرتك باسوان
ثانيا : معهدي الاصلي جودة برضوا ومنتمي لمجال الرؤية والرسالة
ثالثا : اقول لحضرتك انك ليس لديك عمل سوي حصصك ومجالك بالجودة فقط والمساعدات للغير حسب رغبتك ونظرتك لمن يستحقعا . نحن ليس مدوني بيانات بالمعاهد ولا امناء معامل ولا اخصائيين تكنولوجيا نحن معينون مدرسين حاسب آلي . واللي مش عاجبه يخبط راسه بالحيط . انا عن نفسي هذا اسلوبي بالازهر الشريف وتوجيهي بالنطقه يفهم هذا الكلام . وشكرا

[m.m.m.m]

رؤية الهيئة لدورك فى مجال الجودة أتمنى ان تفيد

[سجىوسمى]

انا كمان زى حضرتكم مدرسه حاسب الى والله احنا اكتر ناس طالعه عنينا مندبين فى كذا معهد وحصص فوق نصابنا ومدخلين بيانات وجوده وقرف مش عارفه ايه ده واهو بيقولو الماده هتكون مادة اساسيه نجاح ورسوب يارب صبرنا

[منى عربى]

شكرا لكل من اهتم ورد ا/ لتكنولوجى ا/ و ا/m.m.m.m سجىوسمى جزاكم الله خيرا

[محمدحسين على]

نفس الموضوع حصص فى المعهد وانتداب للادارة ومرات للمنطقة