حاجة تقطع القلب.............أين العدالة الإجتماعية؟؟؟؟؟؟؟؟؟؟

[نهي نوير خميس]

أتألم كثيرا عندما أتأمل حال أطفال من حقهم أن يعيشوا طفولتهم في اللعب والضحك والمرح والتعلم
ولكن أجبرتهم ظروفهم الإجتماعية أن يكونوا مجرد "بلية"في محل ميكانيكي
أو صبي في محل مكوجي أو في قهوة أو في أي عمل
ومررت بتجربة اليوم أثرت في تمام التأثير
إحنا عندنا متعودين نبعت السجاجيد لمحل التنظيف
روحت للمحل فقاللي حبعتلك حد ياخدهم
وفوجئت بالحد ده ميييييين
طفلين في سن ثانية إبتدائي وسن رابعة إبتدائي
جايين يشيلوا السجاجيد
بقولهم إنتوا اللي حتشيلوها
قالولي أه
قولتلم حتقدروا
بصولي بإستغراب وقالولي طبعا
صعبوا عليا هما الأتنين وهما شايلين علي كتفاهم حمل مايشلوش غير رجالة كبار
ونازلين علي السلالم بيسندوا بعض
الأطفال اللي في سنهم اللي نايم علي سريره مرتاح وأهله بيجبوله الأكل واللعب وبيودوه المدرسة
ودول كل هدفهم في الحياة ياخدوا بقشيش علشان يعرفوا يأكلوا أهاليهم
ياااااااااااه فين العدالة الإجتماعية
ربنا مش بيظلم حد ده قدر
البشر هم اللي ظالمين
لو كل واحد مقتدر شاف أسرة فقيرة وإتبناها
ماكنش حيكون فيه حد فقير أبدا
بس حنقول إييييييييييييييييه
الحمد لله علي كل نعمة أنعمها الله علينا

[هاوى إبداع]

ع راي حضرتك والله دا كله بسبب الفساد اللي احنا عايشين فيه دا وان كان سببه الرئيسي فساد الحكام والرؤساء بتوعنا كعرب
كل حاجه بقت فيها فساد واي شخص لو دور جواه هيلاقي جوه نفسه جزء من الفساد دا سواء برضاه او غصب عنه
احنا بعدنا عن ربنا واحنا عارفين وبتحصل قدام كل واحد فينا يوميات حاجات غلط بتحصل واحنا بنعمل نفسنا مش شايفين
مهو لو احنا اتقينا ربنا حق تقاه واصلحنا نفسنا ومنعنا كل حاجه غلط بتحصل الاطفال اللي حضرتك بتتكلمي عليهم دول كان زمانهم زي الاطفال اللي بيناموا ع السراير
وللاسف الشديد الناس الكويسه فينا ربنا بياخدها عنده
ربنا يهدي الجميع

[callayax]

اقولك على حاجة اغرب من دى رغم الفقر والعذاب اللى بيعيش فيه معظم العرب والمسلمين وان فيه مسلمين بيعيشوا على طقة طعام واحدة فى اليوم هذا وأن وجدوها قرأت من حوالى شهر تقريبا وشوفت الفيديو ده على اليوتيوب أن احد المليارديرات العرب وهو امير فى قطر دفع لأحد المتسولات فى فرنسا وهو هناك مبلغ مليون يورو ليغنيهاعن ذل التسول البيه المسلم خلص كل الشحاتين والجعانين العرب ورايح يجود على الشحاتين الاجانب وشوف اغنياء المسلمين بيعطفوا على فقراءنا ازاى وبيتصرفوا فى الاموال اللى هيسألوا عنها ازاى

وقد قال رسول الله صلي الله عليه وسلم فيما معناه

من لم يهتم بامر المسلمين فليس منهم

[نهي نوير خميس]

المشاركة الأصلية كتبت بواسطة callayax

اقولك على حاجة اغرب من دى رغم الفقر والعذاب اللى بيعيش فيه معظم العرب والمسلمين وان فيه مسلمين بيعيشوا على طقة طعام واحدة فى اليوم هذا وأن وجدوها قرأت من حوالى شهر تقريبا وشوفت الفيديو ده على اليوتيوب أن احد المليارديرات العرب وهو امير فى قطر دفع لأحد المتسولات فى فرنسا وهو هناك مبلغ مليون يورو ليغنيهاعن ذل التسول البيه المسلم خلص كل الشحاتين والجعانين العرب ورايح يجود على الشحاتين الاجانب وشوف اغنياء المسلمين بيعطفوا على فقراءنا ازاى وبيتصرفوا فى الاموال اللى هيسألوا عنها ازاى

وقد قال رسول الله صلي الله عليه وسلم فيما معناه

من لم يهتم بامر المسلمين فليس منهم

والأغرب الإنفاق علي الحيوانات
سمعت من أحد المقربين إن أخوها بيشتغل كاشير في سوبر ماركت كبييير في الزمالك
دخلت زبونة إشترت ب600 جنيه أكل كلاب وقطط
في حين البني أدم الفقير مش لاقي غير لقمة في الزبالة
وعجبي

[Jung Ji-Hoon]

فعلا حاجة تقطع القلب

[دى برولى]

المشاركة الأصلية كتبت بواسطة نهي نوير خميس

والأغرب الإنفاق علي الحيوانات
سمعت من أحد المقربين إن أخوها بيشتغل كاشير في سوبر ماركت كبييير في الزمالك
دخلت زبونة إشترت ب600 جنيه أكل كلاب وقطط
في حين البني أدم الفقير مش لاقي غير لقمة في الزبالة
وعجبي

600 جنيه اكل للكلب !!!
يعوض علينا ربنا

[Mr. Bayoumy Ghreeb]

المشاركة الأصلية كتبت بواسطة callayax

اقولك على حاجة اغرب من دى رغم الفقر والعذاب اللى بيعيش فيه معظم العرب والمسلمين وان فيه مسلمين بيعيشوا على طقة طعام واحدة فى اليوم هذا وأن وجدوها قرأت من حوالى شهر تقريبا وشوفت الفيديو ده على اليوتيوب أن احد المليارديرات العرب وهو امير فى قطر دفع لأحد المتسولات فى فرنسا وهو هناك مبلغ مليون يورو ليغنيهاعن ذل التسول البيه المسلم خلص كل الشحاتين والجعانين العرب ورايح يجود على الشحاتين الاجانب وشوف اغنياء المسلمين بيعطفوا على فقراءنا ازاى وبيتصرفوا فى الاموال اللى هيسألوا عنها ازاى

وقد قال رسول الله صلي الله عليه وسلم فيما معناه

من لم يهتم بامر المسلمين فليس منهم

حاجة تنقط و تشل بجد

[لوجين20]

ربنا يصلح الاحوال
الغالبية تنفق اموالها فى غير محلها
الا من رحم ربي
شكرا عالطرح استاذتى الكريمة