|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
10-03-2014, 02:48 AM
|
|||
|
|||
قرار نهائي ... :)
السلام عليكم ورحمه الله وبركاته  انا مش عارف هكتب الموضوع ليه.. بس اعتبروه فضفضه وقرار نهائي وطلب صغير.. انا طالب 3ث علوم.. قصرت فحق نفسي كتيير جدا.. وقصرت فحق ربنا .. سبت اليأس يتمكن فيا... تقصيري ملوش اي عذر .. غير اني فعلا كنت مقصر ومهمل.. .. عملت موضوع هنا قبل كدا.. منكرش اني كنت محتاج شويه امل .. بس اكتشفت او مش اكتشفت للأسف كنت عارف ان محدش هيفوقك غيرك محدش هيساعدك غيرك انت... .. الناس خلصت مناهج وبتحل امتحانات وانا لسه هقول ياهاادي .. ظلمت نفسي .. كان فإيدي المقدره اني اكون احسن من الناس دي كلها... اهلي موفرينلي كل الظروف.. مستوايا وعقليتي كويسه.. بس من غير اجتهاد مني يبقي ولا حاجه.. حلمي هيضيع .. هخذل ابويا وامي واهلي... .. انا قررت انا المدعو احمد اني بدايه من يوم 10 مارس _اينعم هفوق متأخر _ بس قررت اني هجتهد وهذاكر .. وهرضي ربنا وهعمل ال عليا .. وادعي من ربنا انو يكرمني ربنا قادر ع كل شيئ .. كفايه اهمال لحد كدا محدش هيساعدك غير نفسك واخيرا .. الطلب ال بطلبو من اي واحد دخل وقرا الموضوع انو يدعيلي بالله عليه محتاج دعواتكم جدا .. وشكرا 
|
|
#2
10-03-2014, 03:11 AM
|
|||
|
|||
|
ربنا يوفقك يا دكتور احمد
وانشاء الله بقدرتك وارادتك تجيب ال انته عاوزة
|
|
#3
10-03-2014, 09:50 AM
|
||||
|
||||
|
انا هدعيلك بدعوه دايما بدعيها صلاتى
ربنا يقف جمبك ويساعدك ويوفقك اهم حاجه انك تعمل اللى عليك وخلاااااااااااص وربنا عارف اللى فيه الخير كل اللى تعمله بجد هو انك تذاكر بما يرضى الله وتحس ان نفسك راضيه لسه كتير والله بس لو استغليته صح وانا كمان ربنا يقدرنى واعمل اللى عليه ربنا يوفقنا كلنا ياجماعه وندخل اللى فيه الخير لينا
|
|
#4
10-03-2014, 01:08 PM
|
|||
|
|||
|
يآآآآآآآآآآآآآآآآآآآآآآآآآآرب ربنا يوفقك ويعينك وتدخل احلي الكليات باذن الله
وان كمان هو دا قراري ربنا ييوفقنا ويكرمنا جميعاااا وندخل احلي الجامعات ونجيب كليات القمة هي دي ثقتي في ربنا
__________________
ثَمَّ يَضَعَكَ اللَّهُ مَوْضِع مَنِ اِنْتَقَدْتِ وَكَرِهْتِ، حُتِّي يَرِيَكَ ضِعْفُكَ.. فَيَتَوَاضَعُ قُلَّبُكَ... وَتَلْتَمِسُ لِغَيْرُكَ الف عُذُرٌ !!
|
|
#5
10-03-2014, 05:34 PM
|
||||
|
||||
|
ربنا معاك ان شاء الله وهيوفقك طالما هتاخد بالاسباب
بالتوفيق ان شاء الله
__________________
|
|
#7
11-03-2014, 07:13 AM
|
||||
|
||||
|
ربنا يشرحلك صدرك ويسرلك امورك ويعينك على سرعة الانجاز ويبعدك عن اليأس والاحباط وكل الى بيعطلك ويقف فى طريق تحقيق هدفك
ايوه كده الى عدى راح وانتهى ابدأ من جديد وربنادايما معاك بالتوفيق بإذن الله
__________________
لـو ربنا وياك ايه فـــــارق مهما فى حزن الد نيا تدوق ليه خوفك مش راضى يفارق قلب بجرح الناس مخنوق ازاى يبقى معاك الخالق ويخاف قلبك مـ المخلوق
|
|
#8
11-03-2014, 11:34 PM
|
||||
|
||||
|
اقتباس:
أولا :- انا بحييك علي شجاعتك دي وقرارك ده وإنك بتحاول تفوق كدا لنفسك
دي احسن خطوة اخدتها ومتقلقش ولا توتر نفسك لسه قدامك فرصه تحاول تنجز فيها ان شاء الله بس اهم حاجة هو انك تنظم وقتك بقدر الإمكان , وتقسيم المواد كدا مع نفسك , بعد كده توفر لنفسك مكان هادي وبعيد عن الإزعاج علشان تقدر تركز في المذاكرة وده اهم حاجة ثانيا :- طول ماقدامك هدف نفسك تحققه وهتسعي لأجله ربنا عمره ماهيضيع تعبك وعلي قد ماتعبت هتاخد حقك ونصيبك وخد بالك ( إن الله لا يضيع أجر من أحسن عملا ) تمام ثالثا :- أهم شيء بلاش تحسس نفسك في اي وقت كدا وانت بتذاكر انك خلاص ضعت ومستقبلك ضاع لا متخليش ده يأثر عليك أبداا وقت ماتلاقي نفسك ملكش نفس تذاكر قوم صلي ركعتين كدا لله وهتبقي زي الفل وتمام .. رابعا :- ثالثا دي قولتها لحضرتك لأن الوقت ده عدي علينا كلنا ف الثانوية العامه يعني متحسش بأي احباط ابدااااا لان ده ضياع وتحاول تخطي الخطوة دي بإرادتك ان شاء الله وتركز ف مذاكرتك علشان توصل لهدفك ده وخليه دايما قدامك .. وأتمني ليكم كلكم التوفيق إخواني وأخواتي طلاب الثانوية ويااااارب تحققوا كل أهدافكم وتوصلوا لأعلي المستويات بإذن الله خامسا :- أسفه علي الرغي ده كله والله  مع خالص تمنياتي لكم بالتوفيق والنجاح الباهر ان شاء الله تحياتي
__________________
 آخر تعديل بواسطة اسراء سمير00 ، 11-03-2014 الساعة 11:40 PM
|
|
#9
19-03-2014, 11:10 AM
|
||||
|
||||
|
اقتباس:
جزاكي الله خير
__________________
واكثر الفراق ألملا ......فراق الموت 
|
|
#10
19-03-2014, 11:17 AM
|
||||
|
||||
|
وانا كمان اخدت قراري ومن انهاردة هبدا كمان
وربنا يوفقك ويوفقنا كلناا يارب
__________________
واكثر الفراق ألملا ......فراق الموت
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 03:30 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
