يا جماعه انا عندى مشكله ممكن حد يساعدنى

[Attar]

انا الحمد لله النهارده طلعت بطاقة الترشيح جاتلى هندسة الزقازيق المشكله بقى ان انا معفى لغه تانيه عشان اخدت اولى ثانوى من الامارات يعنى مجموعى من 360 مش من 410 ومجموعى طلع 328.5 وانا جايب 10 فى المستوى يعنى مجموعى الكلى 333.5
المهم لقيت فى دليل التنسيق معادله عشان يبقى مجموعى زيكوا من 410 وهيا
المجموع الكلى اضربه فى 410 واقسم على360
طلع فى الاخر 379.82 انا بقى لقيته مكتوب على موقع التنسيق فى صفحة (بيانات الطالب) 379.1 وطبعا هندسة المنصوره واخده 379.5 فملقتهاش وجاتلى الزقازيق مع ان مجموعى يدخل المنصوره
*مع العلم انى من المنصوره وكاتبها اول رغبه*

فياريت حد يقولى اعمل ايه
ولحد حد عندوا معلومات عن 10% من الطلاب اللى بينفع بيحولوا للجامعه يقولى لو سمحت.

..شكرا ومبروك لكل اعضاء المنتدى.

[sweetgirl1]

على فكرة
انت مشكلتك تقريبا زي مشكلتي
بردو كنت في الامارات واخدت الثانوية من هنا
وانا حسبت مجموعي والله اعلم طريقتي دي صح ولالا
محدش عارفه حاجه في اي حاجه
انت احسن حاجه تروح مكتب التنسيق وتسال بنفسك
وان شاء الله مشكلتك تتحل وتحول

[abo_rami9]

من حقك التحويل الي هندسة المنصورة عندما يفتح باب التحويل حتي أن كان مجموعها أعلي من مجموعك وذلك بسبب التوزيع الجغرافي
وألف مليون مبروك

[Attar]

الله يبارك فيك وشكرا على الردود

بس ممكن معلش لو تعرف التحويل ده بيبقى ازاى يعنى على النت برده ولا ا ايه؟؟ و التحويل ده بيبدأ امتى؟؟

وبالنسبه لمشكلتى يعنى اسيبها واشوف موضوع التحويل وخلاص ولا اعمل ايه؟؟

لانى اتصلت بالرقم بتاع شكاوى التنسيق وهما قالولى روح للاداره العامه للامتحانات فى القاهره واعمل شكوى بس انا مش عارف انا عشان اعمل الموضوع ده هطول وفى امل ولا لا؟؟

[samar_kassem]

انت تشوف درجاتك تاني ولو عايز تحول ممكن تحول من النت قبل يوم السبت والا بعد كدة يبقي تحول من الكلية
بس المهم تتاكد من المجموع يبجيب الكلية دي ولا لا
والف مبروك

[Attar]

شكرا يا سمر وربنا يسهل ويتقبل التحويل

والف مبروك للجميع