هكذا الادارة

[almoalem]

الادارة سمحت لنفسها بحذف موضع لى وبتقول منقول مع ان كلامى كان افتراضى
هو ايه الحكاية هى الادارة مع السطوا على النقابة بدون وجه حق
هو احنا مش انتخبنا النقابة انتخابات حرة ولا الحكاية الان ماشية بالدراع
يعنى نعلم الطلاب ان مافيش حاجة اسمها انتخابات نزيهة والقوى ياكل الضعيف ولا ايه الحكاية يادارة

[محمد حلمي الدالي]

طيب ممكن حضرتك تشرح الموضوع بهدوء وبتفصيل اكثر ممكن يكون هناك سوء تفاهم ونقدر نرضي حضرتك كلنا في المنتدي في خدمة الاعضاء

[مستر محمد خليفة]

ممكن حضرتك تشرح الموضوع

[محمد حلمي الدالي]

الموضوع بتاعك مفتوح وانا قريته وانت فيه بتطالب اننا ناخد موقف بسب توقعاتك بالغاء التيرم وبالتالي ستنقص المكافاة وانك زعلان ان النقابة تم سحب الثقة منها في مختلف المحافظات وانت كمان بتعترض علي ان المعلمين زي العبيد بسبب الدروس الخصوصية ومعملوش اضراب زي باقي الفئات بسبب عدم تطبيق الحد الادني ده ملخص الموضوع بتاعك اللي بتتهم الادارة بحذفه .
اولا اخي الفاضل بصراحة وبدون لف ودوران وباتكلم عن نفسي مش عن غيري انا انتخبت الاخوان اللي هما كانوا مشكلين النقابة اللي فاتت يعني منحتهم ثقتي بكامل حريتي والاسبوع ده رحت سحبت ثقتي فيهم برضه بكامل حريتي واختياري وده من حقي اني اسحب ثقتي اللي منحتها اياهم لو انا شايف انهم مش جديرين بها .
ثانيا وبرضه باتكلم عن نفسي انا كنت من الذين دعوا الي الاضراب اللي كان في ايام المجلس العسكري وعصام شرف بس النهاردة مش هشارك في اي اضراب ظاهره يخدم المعلمين وباطنه يبخدم ناس تانية واهداف ثانية يقصد بها هدم بلدي وجيشي .
ثالثا ادارة المنتدي هي ادارة وطنية ولا اقول محايدة لاننا كلنا مصريين ولسنا اعداء علشان نكون علي الحياد هدفنا الاول والاخير هدف وطني وهو خدمة الطلاب والمعلمين ومساعدتهم في تحقيق اكبر استفادة تعليمية وتسهيل الحصول علي المعلومات ونعلمهم الامانة العلمية عند نقل الموضوعات ولا نفرض رأي سياسي عليهم ولا نطلب منهم سوي حب الوطن وعدم هدمه او التعاون مع من يريدون هدمه .
انا قصدت اني اتكلم بالعامية علشان توصل الفكرة ببساطة وبوضوح

[almoalem]

المشاركة الأصلية كتبت بواسطة محمد حلمي الدالي

الموضوع بتاعك مفتوح وانا قريته وانت فيه بتطالب اننا ناخد موقف بسب توقعاتك بالغاء التيرم وبالتالي ستنقص المكافاة وانك زعلان ان النقابة تم سحب الثقة منها في مختلف المحافظات وانت كمان بتعترض علي ان المعلمين زي العبيد بسبب الدروس الخصوصية ومعملوش اضراب زي باقي الفئات بسبب عدم تطبيق الحد الادني ده ملخص الموضوع بتاعك اللي بتتهم الادارة بحذفه .
اولا اخي الفاضل بصراحة وبدون لف ودوران وباتكلم عن نفسي مش عن غيري انا انتخبت الاخوان اللي هما كانوا مشكلين النقابة اللي فاتت يعني منحتهم ثقتي بكامل حريتي والاسبوع ده رحت سحبت ثقتي فيهم برضه بكامل حريتي واختياري وده من حقي اني اسحب ثقتي اللي منحتها اياهم لو انا شايف انهم مش جديرين بها .
ثانيا وبرضه باتكلم عن نفسي انا كنت من الذين دعوا الي الاضراب اللي كان في ايام المجلس العسكري وعصام شرف بس النهاردة مش هشارك في اي اضراب ظاهره يخدم المعلمين وباطنه يبخدم ناس تانية واهداف ثانية يقصد بها هدم بلدي وجيشي .
ثالثا ادارة المنتدي هي ادارة وطنية ولا اقول محايدة لاننا كلنا مصريين ولسنا اعداء علشان نكون علي الحياد هدفنا الاول والاخير هدف وطني وهو خدمة الطلاب والمعلمين ومساعدتهم في تحقيق اكبر استفادة تعليمية وتسهيل الحصول علي المعلومات ونعلمهم الامانة العلمية عند نقل الموضوعات ولا نفرض رأي سياسي عليهم ولا نطلب منهم سوي حب الوطن وعدم هدمه او التعاون مع من يريدون هدمه .
انا قصدت اني اتكلم بالعامية علشان توصل الفكرة ببساطة وبوضوح

كلامك جيد ومحترم بس عاوز اذكر حضرتك ان النقابة لم تقصر وعاوز اسالك هل من الديمقراطية واحنا الصفوة من المعلمين وبنعلم اللطلاب معنى الحرية فى اختيار من يمثلنا بالطرق الديمقراطية لما يروحوا المحسوبين على النظام السابق باقتحام المقرات الفرعية واللجان النقابية بالقوة وكسر الابواب والاستيلاء على النقابة
هل هى دى النزاهة هل كان فيه سحب ثقة حقيقى هل اجتمع العدد القانونى ارجوك خليك صادق مع نفسك خير لك ان تكسب نفسك واحترامها من ان تكسب الناس بغير وجه الحق حتى ولو بالكلام وشكرا
وستمر الايام ويعلم الجميع من كان على حق ومن كان على غير الحق

[khaloud]

الاستاذ محمد حلمى حضرتك قلت اللى الواحد عايز يقوله وزياده يسلم فمك

[محمد حلمي الدالي]

المشاركة الأصلية كتبت بواسطة almoalem

كلامك جيد ومحترم بس عاوز اذكر حضرتك ان النقابة لم تقصر وعاوز اسالك هل من الديمقراطية واحنا الصفوة من المعلمين وبنعلم اللطلاب معنى الحرية فى اختيار من يمثلنا بالطرق الديمقراطية لما يروحوا المحسوبين على النظام السابق باقتحام المقرات الفرعية واللجان النقابية بالقوة وكسر الابواب والاستيلاء على النقابة
هل هى دى النزاهة هل كان فيه سحب ثقة حقيقى هل اجتمع العدد القانونى ارجوك خليك صادق مع نفسك خير لك ان تكسب نفسك واحترامها من ان تكسب الناس بغير وجه الحق حتى ولو بالكلام وشكرا
وستمر الايام ويعلم الجميع من كان على حق ومن كان على غير الحق

ايوه عندنا في بني سويف اجتمع العدد القانوني لسحب الثقة من اعضاء النقابة وبدون اي ضغوط من احد ممكن يكون في محافظات ثانية وممكن موضوع اقتحام المقرات غير صحيح انا باتكلم علي اللي شوفته بعيني وشاركت فيه
ويعلم الله يا اخي انني في المنتدي اتشرف ان اكون خادم لكل الاعضاء وليس لي من وراء كلامي اي اهداف سوي ان انال احترام كل الاعضاء داخل المنتدي وليس خارجه بمعني ان ادارة المنتدي لن تكافئني علي كلامي هذا مثلا بان اكون عضو في النقابة حتي انافقهم بالكلام واخيرا يا اخي الاختلاف لن يفسد اي ود بيننا وانا احترمك واقدرك شديد الاحترام والتقدير

[محمد حلمي الدالي]

المشاركة الأصلية كتبت بواسطة khaloud

الاستاذ محمد حلمى حضرتك قلت اللى الواحد عايز يقوله وزياده يسلم فمك

شكرا الف شكر علي تفاعلك معنا وعلي كلامك الطيب بارك الله لك ويكفيني انك الوحيد من 163 واحد دخلوا وشاهدوا الموضوع ولم يتفاعلوا مع الموضوع نهائيا تلك السلبية التي نعاني منها في المنتدي