أنا بقول شكرًا لوزير التعليم ، أنت تقول ليه ايه

[goldenmard]

بصراحة الوزير وبأمانة مكنش سيء :
- أعطانا نحن المدرسون ومعنا اولادنا الطلاب اجازة كبيرة.
- رفع لنا المرتبات على قدر استطاعة دولتنا.

بجد مليون قبله على وجهه

ولكن لنا مطلب من سيادته ، هو زيادة الحذف لأنه غير كاف ، وعلى جميع المدرسين شرح كافة منهج الترم حتى الاجزاء المحذوفة التى لن يمتحن بها الطلاب.

[magdymhdy]

انا بقوله ارحل غير مأسوفا عليك لهذه الاسباب :وهذا بعضها فقط

اخراج المعلمين من الحد الادنى للاجور ووفر المليارات للدولة بحجة انهم كادر خاص برغم ان الكادر ينص على حق المعلمين في الزيادة .... برغم وجود المادة (89) في قانون الكادر تنص ان المعلمين لهم حق في اى زيادة للعاملين في الدولة ...
- المعلمين لهم حد أدنى وحافز فوق الحد الأدنى ولم يفعل ...
- سيصل راتب المعلم المساعد الي1726ولم يصل 1000 جنية ...
- اشاعة ان مكافئة الامتحانات ستوزع على الشهور ثم اعادتها كما كانت وادخالها في اجمالى ما يتقاضاه المعلمون برغم انها مقابل أعمال الامتحانات ....
- سنميز معلمي المرحلة الابتدائية ولكنه لم يفعل .....
- فى عهده أصبح راتب العامل في المدرسة أعلى من راتب المعلم ولم يستقيل ...
- اعادة 3 مليار جنية الى وزارة المالية في الوقت الذى طلب معونات من دول عربية لبناء مدارس ....
- أعد للمعلمين حوافزأعباء الوظيفة كأنهم فواعلية وايضاً لها 5 شروط تعجيزية ....
- جند من المعلمين اشخاص سماهم معاونين وزير وادخلهم الديوان ليدافعوا عنه على الفيس بوك ...
- تظاهر المعلمين فى عهده أكثر من مرة .....
- سيتم تعيين 85 الف معلم ثم أصبحوا 72ألف ثم 75 ألف وفي الواقع كله كلام ولم يتعين فرد واحد بسبب مين الله اعلم ...
- توزيع التابلت على المناطق الحدودية ثم سحبه بسبب عيوب الصناعة

[هومان]

انا بقوله انت راجل كداااااااااااااااااااااااااااااااااااب وبقولك انت رااااااااااااااااااجل منافق

[طارق69]

باي باي الي غير رجعة و لو الرئيس الوزراء المكلف اختارة دون الرجوع للمعلمين تبقي الثورة لم تصل مجلس الوزراء بعد

[potta]

أقول له ولمن سبقه ولمن سوف يخلفة انا مش لاقى كرسي اقعد علية بداخل المدرسة اللى اقوم بالتدريس لها ولا حتى توجد حجرة للمدرسين وبنصحح فى مدرسة ابتدائي بالمنصورة على دسكات اطفال ابتدائى عار عليكم وياريت يسلفنى الكرسي الجلد بتاعه شوية علشان ظهرى وجعنى من الجلسة على الدسكات وما تخافش حرجعه له تانى

[goldenmard]

واضح ان الاخوان عددهم بالمنتدى كبير
ع العموم احنا لسه معجبناش وزير ولاهيعجبنا وزير ، لأن العيب فينا احنا مش فيهم هم
اللي بيقول الكراسي والديسكات مش عجباه ، اقوله احنا اللي بنكسر ومش بنصون اموال البلد بتاعتنا
الوزير اللي مريحنا مش كويس ، واذا جه وزير تعبنا نقلب عليه .. احنا عاوزيين ايه بالظبط

[potta]

المشاركة الأصلية كتبت بواسطة goldenmard

واضح ان الاخوان عددهم بالمنتدى كبير
ع العموم احنا لسه معجبناش وزير ولاهيعجبنا وزير ، لأن العيب فينا احنا مش فيهم هم
اللي بيقول الكراسي والديسكات مش عجباه ، اقوله احنا اللي بنكسر ومش بنصون اموال البلد بتاعتنا
الوزير اللي مريحنا مش كويس ، واذا جه وزير تعبنا نقلب عليه .. احنا عاوزيين ايه بالظبط

من الواضح انك ما استوعبتش الى انا كتبتة كويس انا مش اخوانى انا مدرس بمدرسة بالمنصورة وبقالى من سنة 1990 بالمخروبة اللى بدرس فيها وما فيهاش حجرة للمدرسين اى ادارى فى اى مصلحة عندة مكتب يقعد علية وكرسي وانا مش لاقى درج احط فية كشكول التحضير ولما بنروح نصحح بنقعد على ديسكات الاطفال اى دولة في العالم متخلف بقى او متقدم بيحصل فية كده انا مش بنتكلم ان الطالب مش لاقى دسك يقعد علية ارجو ان تكون الفكرة وصلتك . وبعدين المشكلة فى الوزير الوزير دمية فى يد من فى الوزارة علشان كده مفيش تغيير بيحصل.