|
||||||
| اجتماعيات طالب منتدى خاص بالطلاب لتبادل المعارف والحلول للمشكلات التعليمية والمسابقات والألغاز الهادفة |
 |
|
|
أدوات الموضوع | انواع عرض الموضوع |
|
#1
06-02-2014, 10:18 PM
|
|||
|
|||
مش عارف احط اسم للموضوع !!
اتمني الكل يدخل يساعدني ..
السلام عليكم ورحمه الله وبركاته . ابدأ ازاي فالموضوع واقول إيه؟! هخش فالموضوع من غير مقدمات انا احمد طالب ف 3ث علمي علوم .. احنا فشهر 2 .. مشكلتي إن اليأس جاب أخري معظم المواد متراكمه عليا إذا مكنش كلهم! انا معترف اني قصرت وعاوز أبدأ اذاكر جد بس الضغوط حوليا مبهدلاني لدرجه اني فكرت فالانتحار!! انا طالب متميز او كنت متميز بمعني أصح الناس كلها بتشكر فيا وبتقول ان احمد لو ذاكر كويس هيجيب مجموع عالي.. انا اكبر اخواتي فطبعا الكبير عليه مسئوليه كبيره لو دخلت كليه قمه هتجر اخواتك .. إلخ ابويا استاذ جامعه وقرايبي معظمهم دكاتره .. صيادله.. مهندسيين.. يلا يا د.أحمد شد حيلك عشان تطلع زيهم!! اسرتي مش مقصرين معايا فحاجه وانا ال مقصر! ودا ال حارقني .. كل احلامي ال كنت مخططلها متوقفه علي إني اخش كليه نضيفه حلمي صيدله .او اسنان .. الناس بتخلص مناهج وبتبدأ تراجع وانا فيه مواد مفتحتهاش زي الجيولوجويا! .. مش عارف انظم وقتي .. وفيه مشكله تاني مذاكرتي بطيئه جدا بمعني ان ممكن درس عشان اخلصو ياخد 5ساعات ! غيري بيذاكرو فساعه او2! مذاكرتي ورقه وقلم واكتب الدرس تيبيكال انسخه يعني مبعرفش ألخص عشان كل نقطه بتيجي علي سؤال .. بس لما بذاكر الدرس بحل عليه كويس واكون مفنشو بس بياخد وقت وبمل ! .. المواد اتراكمت تراكم فظيع عليا!! ودماغي من كتر التفكير فكدا هتنفجر وكل معمل جدول مبلتزمش بيه! ! وتقريبا أحبطت ويأست .. ف هل ف4شهور الباقي دول لو شديت حيلي هقدر اجيب مجموع يفرحني ويفرح أهلي!! ولا الوقت خلاص! هل هتساوي بال بيدح طول السنه!! ياريت من حضراتكو الرد عليا بموضوعيه  وتجاوبوني ع كل نقطه حطتها ومشاكل تنظيم الوقت وطريقه المذاكره! انا بنهار تدريجيا محتاج ردود حضراتكم جدا وخصوصا ال خلص ثانويوربنا يجازي ال هيرد خير و يكرمو امين شكرا مقدما
|
|
#2
06-02-2014, 10:35 PM
|
|||
|
|||
|
اقتباس:
بس باذن الله ربنا يوفقك ويوفقنا كلنا ونحاول نلم النهج دا في 4 شهور دول والمشكلة الاكبر انو اصحابي بيفكروني بدح وعندنا امتحان عربي يوم 16 / 2 علي العربي كلو ولسه مش فتحتو الا 2 نص هما اللي ذاكرتهم من العربي كلو ودرسين جيو والكيمياء كمان وكلو تئريبا  بس شوف اتكل علي الله لانو دي فرصتنا الاخيرة وال4 شهور دول لاما اكون او لا اكون وان شاء الله نكون باذن الله وحكاية الوقت دي اهم حاجة الكيف مش الكم  مادام بتعرف تحل كويس بعد مابتاخد وقت يبئا تمام  ولازم نفؤؤق لنفسنا بئا  وسيبك من اصحابك دول تمااما اللي خلص احنا ملناش دعوة بيه واهم حاجة انت عملت ايه مش هما عملو ايه ومش تبص لحد  وسيبك من الافكار بتاعت الانتحار والكلام الفاضي دا واستغفر ربنا لانو كانت بتجيني نفس الحاله تئريبا بس استغفر ربنا وبدا من بكرا حياة جديدة 
|
|
#3
06-02-2014, 10:39 PM
|
|||
|
|||
|
شوف حكاية الجداول دي بطلت اقتنع بيها عملت من اول السنة يجي 20 جدول وكلو كان مصيرهم واحد وهو سلة الزبالة
بس انا كنت عاملة جدول هامشي عليه من بكرا وهو اني احاول لحد يوم 16 /2 اكون خلصت العربي ومن اول 17 /2 لحد اخر شهر 2 اخلص الفرنساوي والانجلش وبكدا هكون ارتحت من 3 مواد وشهر 3 اخدو مذاكرة للمواد الاربعة (جيو واحياء وفيزياء اللي ضايعة فيها وكيمياء) بحيث في 4و5 نراجع ونحل بس ايه رايئك ؟؟؟؟؟؟؟؟؟؟؟وهطنش المدرسين علي الااخر وهمشي جدول مهما حصل  وممكن تئولي مش هتئدري تخلصي العربي والا الفرانش والانجلش في 21 يوم لانو الوقت قليل بس لا هئدر وهضغط علي نفسي لاني انا اللي عملت في نفسي كدا حتي ولو ذاكرتهم علي السريع هبئا واخدة عنها فكرة ككل ولامة بالمادة واراجعها في 3 و4 و5 وبكدا كل المواد هتزبط معايا باذن الله هي دي خططتي بس ياااااارب اقدر انفذها
|
|
#4
07-02-2014, 10:46 AM
|
|||
|
|||
|
ربنا يوفقكم .طب انتم احسن من ناس كتييير
اقصد انا يعنى .. يعنى احمد بيقول ممكن يذاكر وقت طويل بس فى الاخر بيعرف يحل حلو انما انا خصوصا فى الفيزيا ممكن اعد احفظ فى الدرس مثلا من الظهر للعصر واجى احل عليه ولا اكنى كنت ماسك كتاب خالص ههههههههههه طب انتم بداتم على الاقل تذاكرم .لكن انا لسا لغاية الوقتى عايم مش عارف اعمل ايه يوم اذاكر واسبوع مابصش فى الكتاب وانسى شكله وتلات تربع المنهج فى كل مادة واقع منى ومش عارف اعمل ايه دايخ اذاكر الجديد ولا القديم والمشكلة اكتر ان انا شخصيتى ضعيفة قدام المذاكرة .يعنى اعد اجل اجل لغاية اما الوقت يضيع عليا ..يعنى ممكن اجى من الدرس اكون متفق وانا ماشى انى هروح اذاكر .ارجع اعد على الكمبيوتر .قدام التليفز. اروح مشوار وفى الاخر ما اذاكرش يالا ربنا يوفقكم جميعا
|
|
#5
07-02-2014, 11:45 AM
|
||||
|
||||
|
نفس مشكلتى انى بطيئة بردو
كنت بزاكر درس ازدواجية الموجة والجسم قعدت من الساعة 2 الضهر لحد الساعة 10 بالليل وكان فيه اجزاء مخلصتهاش كمان والله عايزة اقولك ان نفسيتى انا كمان متدمرة والجيولوجيا لسا مش مستوعبة انها ضمن المجموع اصلا عشان كدا معرفش فيها ولا كلمة بجد والله مش كلام وخلاص انا اسفة المفرود انى داخلة اقدم حل مش اشتكى شوف انا هقولك اللى انا عملته بس دا ف العربى بس ولسا هعمل كدا ف الجيولوجيا مش عارفة امتى بقيت كل يوم ابتداءا من الاسبوع اللى فات ده اختار درس قراءة وكل يوم احفظ منه حتة صغيرة على قدى ومعاه حتة نحو بتاع الدروس الصغيرة زى الناائب عن المفعول المطلق وكدا واليوم اللى بعدها احفظ حتة جديدة مع حتة نحو صغيرة بردو واراجع ع اللى فات على مدار الأسبوع كنت خلصت درس القراءة و3 دروس نحو و3 أبيات نصوص وكلمات الانجليزى بردو بقيت كل يوم اخد عمود كلمات احفظه مش شرط يكون كله جديد عادى لو فى كلمات قديمة وبس كدا بس انا متأكدة والله لو عملنا كدا ف مواد زى العربى والجيولوجيا دول هنقفلها بسهولة الخلاصة عايزة اقولك ان كل طلبة الثانوى ف الحالة دى ويمكن أشد كمان اهم حاجة اننا نبدأ ومنضيعش وقت وندعى ربنا كتير بالتوفيق
__________________
If you have a dream ..
You should work for it .. try to achieve it by all possible means .. even die for it !!.
|
|
#6
07-02-2014, 02:46 PM
|
|||
|
|||
|
بتحكي عني بالظبطططط .. شخصيتي تيبيكال من شخصيتك ..
 موضوع اني اذاكر بضمير بقا بيتعب اعصابي .. بياخد وقت وجهد وبحس اني ماعملتش اي حاااجة :/ ربنا يعينك ويقويك ويقويني اهممممم حاجة تكون قريب من ربنا اووووي بالصلاة والدعاء والصدقة وحط ع الصدقة الفين خط وقيام الليل طبعاً وبر الوالدين وتاني حاجة ابعد عن كل حد بيوترك .. ابعد عنو نهاااائي .. نصيحة مجربة مني بجد وحاول في اليوم الواحد تفتح 3 مواد ع الاقل .. وحدد لكل اسبوع كمية معينة تقسمها ع الاسبوع بطوله يعني مثلآ العربي تحدد انك هتخلص نص ودرس قراءة ونحو (حسب استطاعتك ) وكذلك الانجليزي والفيزياء وكله وبعدين امسك الكمية اللي حددتها وقسمها حتت وكل يوم تخلص الحتة اللي محددها لليوم ده .. وبكدة هتفتح المادة يوم ويوم .. يوم الجمعة بقاا تراجع كل اللي عملته طول الاسبوع وتكمل الناقص وحاول تزود الكمية واحدة بواحدة واللي تخلصه حاول تراجعه او تقرأه عشان مايتنسيش مع الوقت .. وربنا معاك ادعيلي بالله عليك معاك
|
|
#7
07-02-2014, 02:57 PM
|
||||
|
||||
|
اقتباس:
انتا بتضيع وقت وغير كده لا انا ولا غيري هننفعك روح صليلك ركعتين واحكي لربنا وبجد ادعيه وكلموا هتلاقيك ارتحت بطريقة غير عادية وسيبك من النت خالص .واقرا ربع قران كده قبل ما تذاكر ولو عاوز شرح مواد ممكن تفتح كايرو دار ع اليرتيوب بس لو هتقدر تسيطر ع نفسك ومش هتق=فتح حاجه تانية لا فيس ولا غيروا بص اللي عاوز حاجه بيعملها .ايا كانت الظروف اعتبر ان موضوع انك ماذاكرتش ده مشكلة وانتا هتتغلب عليها عادي ركز بس واحنا هندعيلك كمان مهو دعاء المسلم لاخيه بظهر الغيب مستجاب ان شاء الله يلا ربنا يوفقك
__________________
قد يمسسك بيده اليسري سيجارة ... وبالاخري كتاب لقصص الانبياء! وقد يستمع للاغاني .. لكنه قارئ لكتاب الله !! قد يرتكب الذنوب بكثرة ...لكنه محافظ علي اركان لاسلام الخمسة ..!!ليس تحليلا لما حرمه الله ...لكن ...رغم الطيش مازالت هناك حبال مرتبطة بالله.."ان كان لك ذنوب فزاحمها بالطاعات "  #لسنا متناقضين ...انما نحن "بشر"
|
|
#8
07-02-2014, 04:41 PM
|
|||
|
|||
|
ابتعد عن الجداول جدول مذاكره ده نظام تعليمي فاشل ومقيت بياثر سلبا علي اي حد بيلتزم بيه او ملتزمش بيه او عمله وسابه حتي الانسان بيعرف ينظم نفسه بنفسه انت من غير ما اتحس هتلاقي نفسك ماشي بجدول ولو لقيت نفسك حتي ماشي بالطريقه دي اياك تكتبها علي ورقه لان الانسان بتبعه مبيحبش حاجه تتحك فيه ده بخصوص الجدول ثانيا موضوع 7 ساعات في درس واحد ده خطير جدا مفيش وقت للكلام ده المواد اللي بتاخود حفظ كتير ده صعب اوي زي العربي لانه هيتنسي في الاخر انت تذاكره مذاكره كويسه واعرف انك هتراجع كذا مره واعرف انك هتحل ومش هتعرف دي هترجعلها في الملزمه تاني وبالطريقه دي مش هتنسي وبعدين انت مش مطلوب منك تسمع الدرس كله ف ورقه انت مطلوب منك تعرف الدرس بيتكل في ايه تفهم فكته كويسه وتعرف السؤال اجابته مثلا في العربي وانت تجاوب بطريقتك وللاسف مش هعرف افيدك اكتر من كده انا كنت علمي رياضه وربنا معاك بس بلاش جدول ده
__________________
Turn a step_ back into a success
|
|
#10
08-03-2014, 08:29 PM
|
|||
|
|||
ههههههههههههههههههههه..واضح فعلا ان الموضوع ده للمشاكل بس..
خلاص اعمل موضوع تانى ..
|
|
| العلامات المرجعية |
«
الموضوع السابق
|
الموضوع التالي
»
العرض العادي
|
|
جميع الأوقات بتوقيت GMT +2. الساعة الآن 10:58 AM.
Powered by vBulletin® Version 3.8.11
Copyright ©2000 - 2024, Jelsoft Enterprises Ltd.
Copyright ©2000 - 2024, Jelsoft Enterprises Ltd.
