بليز معلومات عن كلية التخطيط العمرانى و الهندسة الزراعية ؟؟

[Elmobd3]

رجاء يا جماعة عايز اعرف كل المعلومات عن التخطيط العمرانى و الهندسة الزراعية

ايه نظامهم و بيخرجوا ايه

بيشتغلوا فى ايه ؟؟

بليز كل واحد يعرف حاجة عنهم

يقولها بليز

[LA STELLA]

تخطيط عمرانى -- معنديش خلفية بصراحة

اما عن هندسة زراعية

فحضرتك دى كانت ردودى قبل كدة

المشاركة الأصلية كتبت بواسطة hkk-happy

المشاركة الأصلية كتبت بواسطة vampire1188
انا مش عارف انتي مستقصداني ليه يا hkk-happy
مش استقصاد نهائى ،، انا بس بصحح معلومة ،، ومتأكدة منها :D خصوصا انى كنت بمتحن علمى رياضة السنة دى بردو

الراجل جايب 87.9 % .. يبقي التفكير بكل ذكاء كدا لازم يروح لكلية الهندسة مش يروح لكلية الزراعة اللي في اسفل السافلين !!
قلنا تنسيق هندسةزراعيةمختلف خالص عن تنسيق زراعة المعروف ،، وسيبك من المظاهر وكلام الناس ،، عن نفسى لو واحد دخل زراعة عشان بيحبها ولو جايب 100% ،، ارفع له القبعة بصراحة انه راح الشىء اللى بيحبه ودول بيبقوا انجح ناس فى مجالهم ،

عموما كلامك ميه ميه .. هندسة زراعية موجوده في كلية الزراعة .. بس طبعا من المتعارف عليه ان كلية الزراعة دراستها تخنق وصعبة .. دا االلي بسمعه يعني

بردو سيبنا من المتعارف عليه واللى بيتسمع ،، الناس كلامها كتير بردو :D
مافيش كلية اسمها سهلة
حتى فنون تطبيقيةاللى فيها سهولة نسبية شاقة للغاية جدا وانا مجربةكنت بخرج لكورس تبعهامن عشرة الصبح لعشرة بليل
الاهم ان الانسان يكون عنده القدرة يكافح ويواصل فى مجال معين
حد قال ان هندسة سهلة ؟ صيدلة سهلة ؟ ولا حتى تجارة مش سهلة
بص انا اعرفواحدة هنا منا لمنتدى فعلا فى هندسة زراعية
حكيت لى انها اول لما كانت داخلاها سمعت كلام كتير
دلوقتى كل اللى اتكلموا وجرحوها عارفين انها هى الوحيدة اللى هتتخرج تشتغل فيهم






غير انك اما تيجي تشتغل هاتشتغل ايه؟ .. مهندس زراعي ؟! .. والله لو انتا شايف ان مستقبلك فيها خشها ..

من مزاياها زى فنون تطبيقية ،، العدد القليل ،، ودا شىء كويس ،، غير سيبك من امثلة زمان وخلونا فى دلوقتى او بمعنى اصح اللى جاى
زى من كام سنة ومش بعيد اوى كان الكمبيوتر دا محدش يعرف عنه حاجة
ماهو فى يوم من الايام مكانش فيه كليات له
دلوقتى مثلا هو بقى كــــل حاجة
دا كان مثال مش اكتر
دلوقتى مثلا حاجة زى الهندسة الزراعية تطورت فعلا ،، الواحد كان يعرف حد سعى لكلية وبعد كدة بقى مخنوق منها
لكن شوف دى بقى مسعتش ليهاوكانت داخلاها مش حباها ودلوقتى بتعشقها فعلا
اقتباس:

هي اتطورت كتير جدا
زمان كانت الالات بس
دلوقتي حوالي 8 تخصصات
الالات
قوى وجرارات
اداره مزرعه
طاقة شمسية
ري وصرف
بيوجاز
وحاجات كتييييييير
اقتباس من كلام ناس فعلا فيها
خلى بالك احنا اصلا بلد زراعية وعندنا ثروة رهيبة
نيل وتربة خصبة

المشاركة الأصلية كتبت بواسطة hkk-happy

الكلام دا لو حضرتك برة مصر سعادتك

فى سوريا فعلا هى قسم تبع هندسة وكذلك فى بعض الدول
لوفى دول اخرى دى كلية منفصلة

لكن هنا فى مصر هى جوة زراعةوتبعها
مفرقتش كتير
كدة كدة فى الغشل وخصوصا لو برة مش هيسألك خريج ايه ،، هتتسأل عاوز ايه ،، وانا عن نفسى بفكر اكتبها رغبة تانية بعد فنون تطبيقية رغم انى بترتيبى ع الجمهورية تنزل لى هندسة عادية
مش بيتعاملوا زى بقية اقسام زراعة ع فكرة
وتعتبر هندسة بردو وبقالهم زمن بيطالبوا بفصلها ككلية مستقلة او نقلها لقسم هندسة ميكانيك

بتنسيق السنة دى فى امل تلحقها ان شاء الله للى بيستفسر
هندسةزراعية عين شمس 2007 خدت من 369

فيه امل وتقدر حضرتك تراجع تنسيق 2007
وشكرا ،، مع عمل حساب ان االمجاميع السنة دى مش اوى ومش زى السنةا للى فاتت نهائى

وتقدر كمان تراجع موضوع (لطلاب الثانوية اسألنا اى سؤال ) المثبت الصفحات 15 و16

[LA STELLA]

دا لما كانت واحدة بتسأل الدراسة عربى ولا انجلش

المشاركة الأصلية كتبت بواسطة hkk-happy

فيها الاتنين
يعنى مواد زراعة بساتين وكدة بتبقى عربى

لكن مواد قسم هندسةزراعية معظمها انجليش زى انتقال الحرارة وتصميم الالات والكلام دا
ومواد الرياضة كلها انجلش ،،،

يعنى من الاخر فيه وفيه ،، داكلام ناس فى هندسة زراعية ع فكرة

المشاركة الأصلية كتبت بواسطة hkk-happy

قسم هندسة زراعية بيختلف كتير وكان سبق فى مشاركة سابقة فى الكام صفحة اللى ورا قلت اقسامه
وهو قريب لهندسة قسم ميكانيك وبرة دا قسم فى هندسة فعلا مش زى هنا فى مصر
يعنى بيتميز شوية عن زراعة انه مش زراعة بمعنى الزراعة

هدور لك كدة ع حبة معلومات اكتر واجيبهالك تانى ان شاء الله

صبرا بس ... :D

المشاركة الأصلية كتبت بواسطة hkk-happy

اقتباس:
وظلت المقررات الدراسية التابعة للميكنة الزراعية بصفة خاصة وللهندسة الزراعية بصفة عامة تدرس تحت إشراف فرع الهندسة الزراعية التابع لقسم الأراضى، وكذلك ما تم إجراؤه من بحوث فى هذا المجال ظل خاضعاً لإشراف قسم الأراضى .
ويتميز تخصص الهندسة الزراعية بأنه يعتمد أساساً على مجموعة من العلوم الزراعية الأساسية ومجموعة من العلوم الهندسية الأساسية ، ومجموعة العلوم الهندسية التطبيقية فى مجال الزراعة .



اقتباس:
ويتميز تخصص الهندسة الزراعية بأنه يعتمد أساساً على مجموعة من العلوم الزراعية الأساسية ومجموعة من العلوم الهندسية الأساسية ، ومجموعة العلوم الهندسية التطبيقية فى مجال الزراعة .




الكلام اللى فات دا كان من كلام جامعة القاهرة :D


ع فكرة انا معرفش اصلا حاجة عن زراعة نفسها بتاعت علمى علوم ،، لكن اللى اعرفه عن هندسة زراعية بس

__________
http://www.mans.edu.eg/facagr/arabic/

http://www.agr-eng.com/vb/

http://www.agr-eng.com/vb/forumdisplay.php?f=4

http://www.agr-eng.com/vb/showthread.php?t=2288

اعتقد دا يقدر يساعدك احسن

[formidable]

السلام عليكم انا كان عندى شويه معلوات عن الكليه دى......

قالولى ان الدراسه فيها بالعربي عموما !!

وهي مختلفة عن هندسة وفنون عمارة فهى لا يوجد فيها فيزياء او كيمياء او رياضيات وفيها امتحانات open book فلا تقلقي من هذه الكلية
اهم حاجة في الكلية هي الرسم الهندسي .....

واللي بيتخرج منها مهندس في نقابه المهندسين قسم عمارة وانت بتشتغلي ف مجال التخطيط والعمارة بس الشغل ليه علافه بالخبره

[ayman3000]

خريج تخطيط عمراني بيطلع مهندس تخطيط !!!! والقسم ده تبع هندسة القاهرة بس منفصل عنها في مبنى لواحده و قسم تخطيط موجود بردوا في هندسة عين شمس وهندسة الأزهر بس مش منفصل عن الكلية
وده كلام واحد خريج تخطيط

[quote name='fullmoon' date='5 Sep 2004, 04:37 AM' post='40813']
السلام عليكم.....
أنا خريج تخطيط دفعة 2004 وأحب ان أشكر كل المدافعين عن كليتنا التى أتشرف بالتخرج منها ضد الهجمات الشرسة من زوار ساحتنا لكن يا جماعة انا مش فاهم لية مش عاوزين تقواوا حاجة عن كليتنا ونظام الدراسة فيها مع انه لا سر ولا عيب وأحب أنبهكم ان دا مش فى مصلحتنا.
عموما مدة الدراسة فى الكلية 5 سنين من غير سنة إعدادى والخريج منها مهندس يقيد فى نقابة المهندسين شعبة عمارة وبندرس قى الكلية حاجة إسمها تخطيط وده على 3 مستويات:
1- تصميم عمرانى ومختص بالتصميم على المستوى المعمارى والحدائق والميادين والفراغات الخارجية.
2- تخطيط المدن وأظن واضح من اسمة انه مهتم بتخطيط المدن وحل مشاكلها العمرانية والإجتماعية.
3- التخطيط الإقليمى ويختص بالتخطيط على المستوى الاقليمى بمعنى دراسة الامكانيات المتاحة على مستوى الاقليم (محافظة مثلا) وكيفية توظيف هذه الإمكانيات التوظيف الامثل.
الكلية أنشئت فى السبعينيات وكانت فى البداية معهد فى وسط البلد اسمة معهد ليوناردو دافنشى لانه كان مقام بالتعاون مع الحكومة الايطالية.
فى سنة 1991 تحول المعهد الى كلية بالاسم الحالى وبالموقع الحالى فى الجامعة.
طبيعة الدراسة فى الكلية عملية جدا والنظرى والمذاكرة فيها قليل جدا ويكفى ان تعرفوا ان أعمال السنة لمعظم مواد الكلية 60% من الدرجة الكلية يعنى ممكن جدا ان الواحد يدخل الامتحان ناجح.
وظائف الكلية بعد التخرج فى الجهات الحكومية مثل هيئة التخطيط العمرانى والمحافظة وجهاز شئون البيئة وجهاز التنسق الحضارى وهيئة التنمية الساحية وجهات حكومية اخرى.
وممكن العمل فى المكاتب الاستشارى كمصمم عمرانى Urban designer يصمم الفراغات الخارجية أو المعمارية.
أو مشرف على التنفيذ فى المواقع على تنفيذ المشروعات وإدارتها.
او فى التسويق العقارى (بس مش سمسار)
والدراسة فى الكلية عموما سهلة بس متعبة جدا جدا جدا .
وعموما اسم الكلية وشهادتها فى الخارج لهم وزنهم وإحترامهم ولن للاسف مش معروفين فى مصر وهذا يرجع فى الغالب الى قلة أعداد الخريجين مقارنة بخريجى كليات الهندسة وبالمناسبة هندسة عين شمس وهندسة الأزهر فيهم أقسام للتخطيط ولكن تبع الكلية مش كليات منفصلة.
واحب أرحب ب spicy girl فى الكلية وأقوللها متخافيش من الكلية ولا من انك متعرفيش حد فيها لان نظام الدراسة فى الكلية هيخليكى تعرفى ناس كتيييييير وتصاحبى ناس كتييير ونصيحة إهتمى جذا بدراسة الكمبيوتر واى حاجة مفيدة ممكن يعملها لنا.
أرجو ان اكون أزلت بعض من الغموض حول الكلية وأجب عن أسئلة الزوار.
,ارجو من زملائى فى الكلية اذا كان لدى أحدهم أى إضافة يقدمها
[/quote]

[ayman3000]

أه هيا بتعتمد على الرسم الهندسي أولاً و أخيراً و أعمال السنه في كل مادة فيها عليها 60% يعني ممكن تدخل إمتحان الفاينال ناجح!!!
والكلية ديه بتطلب منك شغل كتير و بيتطلب منك مشروعات تعملها كتير !!!

[Elmobd3]

شكرا لكم اخوانى

[ayman3000]

نصيحة مني لو مش بتحب الهندسة الفراغية اللي خدناها في تالته يبقى بلاش تدخل تخطيط أو فنون جميلة عمارة !!!!!