عندي مشاكل

[أحمد . حجازي]

أنا كنت من أسبوعين تقريبا بزاكر كويس
بس من أسبوعين بس حصلي حاجة غريبة
في مشكلة حصلت بيني وبين بابا وماما بس الحمد لله اتحلت
ومن بعد كده وانا بكره شكل الكتاب
ومزاكرتي مزاكرة وخلاص
وقاعد سرحان علطول
وبنام كتير .. مع اني كنت بنام قليل خالص
أنا والله العظيم من صغري وأنا طالب متفوق
والمدرسين بيشكروا فيا لحد دلوقت
بس أنا نفسيتي تعبانة جدا
أنا كرهت الدنيا كلها
ومضايق جدا .. وعلطول في صراع مع بابا وماما
وبيتخانقوا معايا على أصغر حاجة
انا لو قلتلكم اللي بيحصل معايا مش هتصدقوا
والمشكلة ان تعليمهم عالي جدا
ده انا الحاجات اللي محتاجهم يعملوها صغيرة جدا
يعني هما مش مقدرين ان انا في ثانوية عامة
مع ان انا بزاكر والله علشان يفرحوا بيا
ولما تحصل مشكلة بينا التعامل بيكون جحيم
انا عايز تقولولي حل علشان انا كده هضيع