التعليم الصناعى المهدوم حقه فى البلد دى

[أنور محمد إسماعيل]

ان التعليم الفنى امل مصر فى التقدم بس ربنا يولى من يفهم ومن يصلح
يا جماعة التعليم الفنى بيتغيير للافضل من قاعدة الهرم اللى فوق فى وادى تانى خالص
يا مدرسين التعليم الفنى صناعى تجارى زراعى فندقه اتحدوا يرحمكم الله وخلوا الصفحة دى للتعليم الفنى
ورينى الشطارة

[nasser allam]

تمامممممممممممممممممممم

[tat77700]

أنت فين ياعم أنا بدور عليك من زمان أنا فى التعلم الصناعى
خلاص خلى دة منتدى لينا أحسن فية مواضيع كثيرة عايزين نتكلم فيها
واول موضوع أمتحان مادة التخصص مخلين كل خمس أو أربع تخصصات مع بعض بالذمة دة أسمه كلام طيب وأنا هعرف أجاوب على أسئلة التخصصات الثانية أزى وانا مدرستهاش مش كفاية علينا هم العربى والتربوى أحنا نطرح كل مشاكلنا فى هذا المنتدى ونساعد بعض والموجود عندة أفكار يطرحها ونشرك زملائنا فى مدارس التعليم الفنى معانا وبالتوفيق أن شاء الله

[أنور محمد إسماعيل]

tat والله العظيم كان عندنا تصحيح لمادة المحركات البحرية فى القاهرة وقابلت المسئول الاول عن التعليم الفنى وقلت له كدة حرام ايه اللى جاب التبريد للمميكانيكا والمحركات البحرية والمصايد والسفن عارف قال اية دة الوزير لما لقى الاقسام كتير اوى كان حيخلى التعليم الفنى السنة اللى جاية فقالو له نجعلها مجاميع وقد كان عجبىىىىىىىىىىىىىىى

[tat77700]

أستاذ أنور
تحياتى
أذا ماهو الحل ندخل ونسقط والأرزاق على الله وبعدين أحنا عيزين نعرف أذا كان عدد أسئلة مادة التخصص ذى مابيقولو 40 سؤال طيب أنا هحل منها نصيبى من الأسئلة الخاصة بالتخصص بتاعى ولا المطلوب حل الأسئلة كلها
على فكرة انا مدرس تبريد وتكييف نظرى دى مشكلة كبيرة وبعدين مدرسين العملى هيعملوا أية دول أصلا دراستهم دبلوم دراسات تكميلية أو دبلوم خمس سنوات ومدرسوش تربوى أذا كان أحنا خدنا تربوى 4 سنوات فى كلية التربية وتربوى فى دورة مدرس ثانوى وتربوى فى دورة مدرس أول ثانوى وكل دة أتمسح من دماغ الواحد ......... ربنا يستر

[أنور محمد إسماعيل]

والله يا صحبى انا مدرس اول محركات بحرية وزيك مش عارف اعمل اية ومحتار
بس ضرورى تحاول تجيب اكبر قدر من الاصدقاء فى التعليم الفنى علشان يكون لنا ثقل فى المنتدى ونناقش الموضوع معا

[ملاك لكل زمن]

أشكرك جداً أستاذ أنور
أخيراً حسيت أن ليه أخوه وأن تخصصى موجود كنت دائما بشعر أن مفيش حد يسمع عنه
أ أنا تخصصى ملابس جاهزة نظرى
وفعلا مش كويس خالص ألى هما عملوه وجمعوا أربع تخصصات أو خمسة فى تخصص واحد
أتمنى أن نسعى سوياً لحل مشاكلنا وأن يكون لنا منتدى خاص بنا ويسمى منتدى التعليم الفنى ويقسم للمجلات المتعددة بالتعليم الفنى ( الزراعى ، الصناعى ، التجارى ، الفندقى )
كما أتمنى فعلا أن نشعر بتطوير التعليم ليس فقط فى المنهجية التعليمية ولكن الأهم المنهجية الإدارية للتعليم الفنى وأنتم تعرفون جيداً ماذا أعنى .
ربنا يوفقنا ويصل صوتنا لمن يصلح يارب

[حوووووودا]

السلام عليكم ورلاحمة الله وبركاتة
اخوانا وحبايبنا فى التعليم الفنى انضم لكم اخوكم محمود مدرس اول ميكانيكا
مافيش اى اسءلة عن التخصص ولا اية الموضوع ولا ها ننجح من غير ما نزاكر

[عبد الرحمن دودو]

هناك منتدى يسمى كنوز الرضوى عليه اسئلة جميع التخصصات يمكنك الدخول لمعرفة اسئلة تخصصك

[السندباد المصري]

يا عام أنتم صحيتم أمتي
أنتم كنتم فين من زمان
أنتم اللي عزلتم نفسكم عن باقي المدرسين بخاطركم
أحنا هنا من زمان اوي

أهلا وسهلا بيكم في بيتكم

[اسلامو]

السلام عليكم
اضم صوتى معكم جميعا وشكرا

[karidonia_2090]

السلام عليكم ورحمة الله وبركاتة
اسمحولي انضم إليكم في منتدى التعليم الفني
انانا مدرس أول كهرباء عملي

[marina]

ا اسمحو ان انضم اليكم انااريد اي احد يزودنامن التعليم الزراعي ارحمونا ياجماعة

[حلوم]

ايوة ياجماعه كده شاركوا بعض وحاولوا تجهزوا نفسكم ....انا ع فكرة مش تعليم فنى بس لفت انتباهى عنوان المشاركة هل تقصد مهدوم من هدم ؟؟ام تقصد مهضوم من هضم .......ياريت عشان مش عايزين حد يتلكك ويقول المدرسين مش عارفين يكتبوا..وربنا يوفقكم

[ahmed1610]

طيب يا جماعة أين الأسئلة