ماااااااااااااااااااااااااعده بسرعه قبل ما اضيع

[حزوما 2]

يا جماعه انا عندي مشكله ف ((الكيمياء العضوية )) مش بتتحفظ خاااااااالص و للاسف هو المستر خلصها كلها وانا لسه معرفش فيها غير الميثان والتسميه فياريت بعد اذنكوا مساعده بقى فى طريقه مذاكرتها ازاى

[محمد عبد السلام عواد]

المشاركة الأصلية كتبت بواسطة حزوما 2

يا جماعه انا عندي مشكله ف ((الكيمياء العضوية )) مش بتتحفظ خاااااااالص و للاسف هو المستر خلصها كلها وانا لسه معرفش فيها غير الميثان والتسميه فياريت بعد اذنكوا مساعده بقى فى طريقه مذاكرتها ازاى

لاتنتقل إلى الجزء التالي في العضوية إلا بعد فهم والتدريب على الجزء السابق له
لأن العضوية متراكمة على بعضها
وأنصحك تذاكر جزء جزء من الأول وحل أسئلة كل جزء بعد مذاكرته مباشرة

[حزوما 2]

شكررررا على النصيحه

[مستر// فيكتور بخيت]

المشاركة الأصلية كتبت بواسطة حزوما 2

يا جماعه انا عندي مشكله ف ((الكيمياء العضوية )) مش بتتحفظ خاااااااالص و

مشكلة الكيمياء العضوية انها عايزة كثير من الفهم وقليل من الحفظ

[حزوما 2]

اممم اوك
شكرا لرد حضرتك يا مستر فيكتور
بس لو انا هبدا فيها من دلوقتى من الاول خاااالص ياريت بعد اذن حضرتك تقولى على جدول مثلا اذاكر بيه العضويه

[مستر// فيكتور بخيت]

المشاركة الأصلية كتبت بواسطة حزوما 2

اممم اوك
شكرا لرد حضرتك يا مستر فيكتور
بس لو انا هبدا فيها من دلوقتى من الاول خاااالص ياريت بعد اذن حضرتك تقولى على جدول مثلا اذاكر بيه العضويه

الاول لازم تحفظ الالكانات وتكتب صيغتها البنائية بالروابط وتعرف تعد عدد ذرات الكربون وترقمها وكذلك الالكينات والالكاينات

تقوم بنفسك بمحاولة كتابة اسماء مشتقات الاكانات الهالوجينى باستبدال ذرة هيدروجين من البروبان مثلا بذرة كلور وتضعها على ذرة الكربون الثانية وتحاول تسمية المركب
( 2- كلورو بروبان) وهكذا

اعمل ما سبق وانا هتابع معاك

بالتوفيق

[كلاكيك]

أستاذ ارجو الرد ؟؟ من 2 بروبانول كيف تحصل على اثير ثنائى الايثيل

[مستر// فيكتور بخيت]

المشاركة الأصلية كتبت بواسطة كلاكيك

أستاذ ارجو الرد ؟؟ من 2 بروبانول كيف تحصل على اثير ثنائى الايثيل

1- تسخين 2- بروبانول مع حمض الكبريتيك المركز الى 180 درجة تحصل على بروبين

2- هدرجة تحصل على بروبان ثم هلجنة بالبروم تحصل على 1-برومو بروبان

3-تعمله تحلل مائي مع القلوى تحصل على بروبانول اولى

4- تعمله اكسدة تامة تحصل على بروبانويك -

5-فاعل البروبانويك مع صودا كاوية تحصل على بروبانوات صوديوم تعملها تقطير جاف تحصل على الايثان

6- هلجنة للايثان تحصل على بروميد الايثيل ثم تحلل مائي تحصل على ايثانول

7- تسخين وفرة من الايثانول مع حمض الكبريتيك الى 140 درجة تحصل على الاثير المعتاد

[حزوما 2]

اوووووك انا نفذت اللى حضرتك قولت عليه
ايه الخطوات اللى بعد كده يا استاذنا العظيم

[مستر// فيكتور بخيت]

المشاركة الأصلية كتبت بواسطة حزوما 2

اوووووك انا نفذت اللى حضرتك قولت عليه
ايه الخطوات اللى بعد كده يا استاذنا العظيم

ادخل على الهيدروكربون وذاكر درس الالكانات جيدا بداية من تحضير الميثان وخواص الالكانات وتفاعلاتها

بعدين ربط المعادلات ( التحويلات ) يعنى حضر الميثان وهات منه كلوروفوم


وممكن تحمل من الموقع مذكرة بها كل التحويلات

واوعى تدخل على درس جديد بدون انهاء الالكانات تماما

[كلاكيك]

من الميثان كيف تحصل ع مادة حمراء ف خطوتين نرجو الرد مستر فيكتور

[مستر// فيكتور بخيت]

المشاركة الأصلية كتبت بواسطة كلاكيك

من الميثان كيف تحصل ع مادة حمراء ف خطوتين نرجو الرد مستر فيكتور

ههههههههههههههههههه ماشي

الميثان مركب عضويى واستخدم اكسيد النحاس فى الكشف عن الكربون والهيدروجين هيتبقى نحاس احمر

بس دى تجربة خطيرة

[mahmoud1220]

على فكرة يا مستر فيكتور
انا اتعودت انزل مذكرات حضرتك قبل امتحانات كل ترم بشهر واعتمد عليها فالمراجعة
ماشاء الله حضرتك موفق وشرح ممتاز
وانا السنادي ب3 ثانوي وان شاء الله اعتمد عليك والمدرسين اللى زيك بعد ربنا
تحياتي

[حزوما 2]

شكررررا جدا لنصائحك يا مستر ونفذت اللى حضرتك قولت عليه خلصت الاكانات تماما وداااخل على الالكين
ومستنى رد حضرتك بقى