المكافاة راحت و الحد الادنى هو هو الكادر

[احمد الكنج 11]

مش راح تفرق كنت معلم و لا ادارى كل الارقام وهميه فما هى إلا مكافاة الامتحانات موزعه على الشهور كما ان هذا الرقم 1500 سوف يكون منه خصومات حوالى 300 جنيه للمعلم المساعد و تتزايد فى الدرجات الاعلى
يعنى باختصار قل اقرار الحد الادنى او اقرار الحد الادنى الممتاز للمعلمين لو رحت جبت مفردات مرتبك و شفته قبل الخصومات و ضيفت عليه 200 جنيه شهريا مكافاة امتحان راح تلقى المبلغ تقريبا هو هو
تناقل بعض الاعضاء المرتبات الجديدة للمعلمين و لم يلاحظوا كلمة توزيع مكافأة الامتحانات على شهور السنة
يعنى فى شهر مايو سوف يحصل المعلم على ستة شهور فقط مكافأة امتحان وهو مقابل العمل فى سنة 2013 أما الستة شهور فى سنة 2014 فلن يأخذ عنها مكافأة لانها موزعة على شهور السنة
كما انه تم التراجع عن ان يكون مرتب المعلم المساعد 1724 جنيه و اصبح 1500 و بالطبع منهم 200 جنيه شهرى مكافأة امتحان يعنى الراتب الحقيقى للمعلم المساعد قبل الخصومات 1300 جنيه و هو ما يأخذه باقى موظفى الدولة و ال200 جنيه الاخرى هى مكافأة الامتحانات التى طبيعى بأخذها
بالاضافة الى الرواتب العالية للدرجات الكبرى فما هى إلا مكافأة الامتحان الكبيرة التى يأخذوها توزعت على الشهور
خدعة كبرى يا وزير التعليم ( مش عايزين كادر نحن نريد الحد الادنى فقط ومكافأة الامتحانات )

و اقرأ الخبر جيدا وصحح لى ان كنت مخطئ بلا تجريح

كشفت مصادر بوزارة التربية والتعليم أن وزارة المالية وافقت خلال اجتماع مجلس الوزراء، اليوم الأربعاء، على رفع الدعم المقدم لكادر المعلمين إلى 6 مليارات جنيه.

وأشارت المصادر إلى أنه تم الاتفاق بين المالية والتربية والتعليم على أن يتم تقسيم مكافأة الامتحانات، التي يحصل عليها المعلمون في نهاية العام على أشهر السنة، بالإضافة إلى المليارات الستة التي توفرها المالية للمعلمين.

وأوضحت المصادر أنه بناء على تلك الإضافات سيصبح راتب المعلم المساعد -المعين حديثا- نحو 1500 جنيه، والمعلم 1700 جنيه، والمعلم أول 1950 جنيها، والمعلم أول "أ" 2350 جنيها، والمعلم الخبير 2900 جنيه، وكبير المعلمين 4500 جنيه.

وقالت المصادر إن موظف الدرجة الثالثة الذي يعادل في درجته المعلم المساعد سيكون راتبه 1288 جنيها، وأن موظف الدرجة العالية الذي يقابل كبير معلمين سيكون راتبه مع الحد الأدنى 2247 جنيها.

رابط الخبر
http://www.vetogate.com/771061



و الخبر فى مكان اخر
الدستور الأصلي تنشر رواتب المعلمين الجديدة بعد تدعيم الدولة 6 مليارللكادر لتطبيق الحد الأدنى بداية يناير المقبل
فاتن حلمىنشر في الدستور الأصلي يوم 25 - 12 - 2013
1500 جنيه للمعلم المساعد ..و1700 للمعلم ..و1950 للمعلم اول ..و2350 للمعلم أول (أ)..و2900 للمعلم الخبير ..و4500 لكبير المعلمين

فى مفاجأة سارة للمعلمين ، اتفق وزيرى التعليم والمالية على اعلانها فى مؤتمر صحفى مشترك للمعلمين ، الا ان الدستور الأصلي تفجر تلك المفاجأة السارة لتنفرد باعلانها ، حيث كشفت مصادر مسئولة داخل وزارة التربية والتعليم ل "الدستور الأصلي" ان اللجنة المشكلة من وزارتى التربية والتعليم والمالية التى شكلت فى الاساس لبحث احوال المعلمين قررت الموافقة على دعم كار المعلمين بمبلغ 6 مليارات جنيها ، واشارت المصادر الى ان مرتب المعلم المساعد بداية من شهر يناير المقبل سيبلغ 1500 جنيه، ليحصل نظيره على الدرجة الثالثة من العاملين فى الدولة المطبق عليهم الحد الادنى على مبلغ 1288 جنيه

المصادر اكدت ان المعلم يحصل على مبلغ 1700 جنيه ، والمعلم اول سيحصل على مبلغ 1950 جنيه ، والمعلم أول (أ) يحصل على مبلغ 2350 جنيه ، بينما يحصل المعلم الخبير على مبلغ شهرى 2900 جنيه ، فيما يحصل كبير المعلمين على 4500 جنيه ، فى الوقت الذى يحصل العاملين فى الدولة على مبلغ 2247 جنيه.

المصادر اوضحت ان اللجنة ايضا قررت توزيع مكافاة الامتحانات للمعلمين السنوية مقسمة على 12 شهر ،حيث سيحصل المعلم على 7 شهور ،مكافأة امتحانات فى شهر مايو المقبل ، واضافت المصادر ان الاداريين والفنيين والعمال فى التعليم داخل الحد الادنى ، وبالتالى سيحصلون على مكافاة امتحانات سنوية وهذا يطبق من ينايرالمقبل

ذات المصادر اكدت ان المشاركين فى الكنترولات من المعلمين سيحصلون على مكافأتهم نظير مشاركتهم فى اعمال الكنترولات ، اضافة الى مكافأة الامتحانات المقسمة على 12 شهر .

المصادر اوضحت ان الدكتور محمود ابو النصر وزير التربية والتعليم طالب وزير المالية اعلان رواتب المعلمين وزياداتها المالية بعد تطبيق الحد الادنى عليهم اضافة لمميزات كادر المعلمين فى مؤتمر صحفى سيعقد قريبا .
رابط الخبر
http://www.masress.com/dostor/169570

[Sherif farouk gaballa]

يا سيدى الفاضل نقدر تخوفك ولكن انا واحد مرتبى متثبت بعد الضم من 2004 اقدم تعاقد 850 جنية لو طبق الحد الادنى علينا 1300 للدرجة الثالثة بعد الخصم والذي منه هناخد 1100 جنية يبقى انا زاد مرتبى تقريبا250 جنيةمع مزايا مكافأة الامتحانات التى تقدر ب180 شهريا تقريباوبذلك الحساب يكون المرتب تقريبا 1100+ 180 =1280 انت بتتكلم دلوقتى فى 1700 قول بعد الاستقطاعات 1500 يعنى برده فى زياده اكثر من 200 جنيه عن الحد الادنى والمكافاة معا

[nile2004]

أخى الغالى طلع مرتبات التربية و التعليم من دماغك و أفهمها كدة
أقل مرتب فى الدولة للحد الادنى هو 1200 جنية شاملة الخصومات زود عليهم المكافأت الى هيى تقريبا 200 جنية يبقى 1400 جنية و دة الى هتقيضوا فى أيدك لما الصراف يديك المرتب

فبلاش يوجعوا دماغنا و يقلولنا كادر و هباب و هتبقوا مميزين

نحن لا نبحث عن حقنا فلا تتصور أن هناك من سيبحث عنة لك

[حسين طه ابوطه]

انا قلت من الاول هيلحسوا كلامهم

[murad55]

لا تدخلوا السياسة فى النقاش يا اخوة من فضلكم

[murad55]

من الواضح بالفعل ان الحكومة تتلاعب بالمعلمين و هذه المبالغ الموضحة فى ظاهرها الرحمة و باطنها العذاب ، هذه المبالغ المعلنة شاملة الضرائب و الاستقطاعات ، يعنى المرتبات ستكون زهيدة بعد كل هذه الخصومات

[ابوالانسان]

اتفق مع ما قاله الكنج المرتب هو نفسهالمرتب اللى كان حتى قبل تطبيق الحد الادنى

[الاهلى2]

احمدوا ربنا انكوا اصلا بتقبضوا البلد في حاله حرب ضد الارهاب بدل ما تقولوا الحمد لله تتخلقون الاعزار فعلا ابن ادم طماع ولا يملاء عينه سوي التراب

[farrag63]

الحقيقة انه مع الزيادة ارتفاع جنوني للاسعار ليتهم يمنعون الزيادة ولاترتفع الاسعار لانه مع كل جنيه زيادة ستغرم 5ج

[مظلومين من الازهر]

يعنى طلع وهم هههههههههههههههههههه

[محمودقنديل]

الاول كدة بالعقل يا كينج انا عارف ان كلامك فيه شئ بسيط من الصدق بالمناسبه يا كينج كل اللي علي مستوي معلم سوف يستفيد يا كينج وبالعقل كدة مرتب سيدتك كام يا كينج نقول 800 جنيه صح يا كينج بتقبض مكافاة كام يا كينج نقول 2000 جنيه صح يا كينج يعني الشهر بكام يا كنج تقريبا 180 صح يا كينج يعني كل مرتبك بالمكافاة يا ابو الاكناج 980 صح يا كينج الان الحكومه بتقول كام يا كينج 1700 صح يا كينج باشا نخصم 10 في الميه معاشات صح يا كنج يعني 170 جنيه الباقي كام 1530 يا كينج باشا يعني حضرتك مرتبك زاد يا كينج تقريبا 550 جنيه ومكافاة حضرتك موجودة لكن يا ابو الاكناج يا غالي المعلم اول الي ما فوق الزيادة سوف تقتصر علي 150 جنيه يا ابو الاكناج وهذا عكس ما وعدت به الحكومه فهمت يا كينج لهذا كنت اتمني ان تكون الزيادة لنا بنسبه مئويه يا كينج

[الفيلسوف]

المشاركة الأصلية كتبت بواسطة محمودقنديل

الاول كدة بالعقل يا كينج انا عارف ان كلامك فيه شئ بسيط من الصدق بالمناسبه يا كينج كل اللي علي مستوي معلم سوف يستفيد يا كينج وبالعقل كدة مرتب سيدتك كام يا كينج نقول 800 جنيه صح يا كينج بتقبض مكافاة كام يا كينج نقول 2000 جنيه صح يا كينج يعني الشهر بكام يا كنج تقريبا 180 صح يا كينج يعني كل مرتبك بالمكافاة يا ابو الاكناج 980 صح يا كينج الان الحكومه بتقول كام يا كينج 1700 صح يا كينج باشا نخصم 10 في الميه معاشات صح يا كنج يعني 170 جنيه الباقي كام 1530 يا كينج باشا يعني حضرتك مرتبك زاد يا كينج تقريبا 550 جنيه ومكافاة حضرتك موجودة لكن يا ابو الاكناج يا غالي المعلم اول الي ما فوق الزيادة سوف تقتصر علي 150 جنيه يا ابو الاكناج وهذا عكس ما وعدت به الحكومه فهمت يا كينج لهذا كنت اتمني ان تكون الزيادة لنا بنسبه مئويه يا كينج

اشكرك بشدة على التوضيح

[عاشق الأزهر]

المشاركة الأصلية كتبت بواسطة محمودقنديل

الاول كدة بالعقل يا كينج انا عارف ان كلامك فيه شئ بسيط من الصدق بالمناسبه يا كينج كل اللي علي مستوي معلم سوف يستفيد يا كينج وبالعقل كدة مرتب سيدتك كام يا كينج نقول 800 جنيه صح يا كينج بتقبض مكافاة كام يا كينج نقول 2000 جنيه صح يا كينج يعني الشهر بكام يا كنج تقريبا 180 صح يا كينج يعني كل مرتبك بالمكافاة يا ابو الاكناج 980 صح يا كينج الان الحكومه بتقول كام يا كينج 1700 صح يا كينج باشا نخصم 10 في الميه معاشات صح يا كنج يعني 170 جنيه الباقي كام 1530 يا كينج باشا يعني حضرتك مرتبك زاد يا كينج تقريبا 550 جنيه ومكافاة حضرتك موجودة لكن يا ابو الاكناج يا غالي المعلم اول الي ما فوق الزيادة سوف تقتصر علي 150 جنيه يا ابو الاكناج وهذا عكس ما وعدت به الحكومه فهمت يا كينج لهذا كنت اتمني ان تكون الزيادة لنا بنسبه مئويه يا كينج

ربنا يبارك فيك

[murad55]

هل يتم خصم 10% معاشات فقط ؟ ماذا عن الضرائب و الصناديق ؟ الخصومات ليست معاشات فقط و اسألوا موظفوا الماهيات عن قيمة الاستقطاعات

[alaa128]

لو رجالة صح مفيش تدريس الواجد كان ينتظر المكافأة كل عام ليسدد دينه الان ههههههههههه طظ في المعلم والتعليم والحق مع طلبة الازهر ال مولعينها