عذاب شهادة الخبرة (إلي الدكتور شومان )

[أحمد الكوباني]

نحن ثلاث مدرسين تابعين لمنطقة جنوب القاهرة حاولنا استخراج شهادة خبرة وبعد عذاب ( والله عذاب ) والذهاب الي المنطقة اكثر من 4 مرات لان موظفي المنطقة اما مش موجودين او يطلبوا حضورنا شخصيا او التوجيه مش موجود وهكذا . وبعد ان ذقنا الامرين ارسلنا الاوراق مع زميل يعمل في الادارة في الحسين حتي لا نذهب ونترك حصصنا فكان الرد ( لابد من حضور المدرسين شخصيا ) بالله عليكم لو كل مدرس عاوز شهادة خبرة لازم يروح الادارة في الحسين بنفسه ازاي مطلوب من المعلم القيام بعمله علي الوجه الاكمل ( يعني نفضل اسبوعين نلف وندور علشان شهادة خبرة ؟ ) حد يقولي ايه الذل اللي احنا فيه ده وفين الدكتور شومان يقولي ازاي انا معلم واتبهدل كل ده عشان طلب شيء من حقي ؟ هل التربية والتعليم بتعمل كده في مدرسينها ؟ ولو مدرس من اسوان مثلا ازاي يحضر من اسوان مخصوص عشان يعمل شهادة خبرة ويخسر علي الاقل 500 جنيه غير تعبه وترك عمله ؟ افيدونا يرحمكم الله ؟

[الاستاذ عوض على]

لا حول ولا قوة الا بالله
وأنا بالفعل ذقت هذا المر العام الماضى

[حسين طه ابوطه]

لا تعجب فانت في زمن يوسد الامر فيه لغير اهله

[أ/مصطفى محمود]

للأسف الازهر
أسوأ و افشل ادارة في العالم و ليس في مصر
ليست فقط لكثرة الروتين و لكن للغباء الاداري
و انت تقول ذقت المرار فما بالك أحد مثلي في اقصى الصعيد
ماذا افعل لكي أحصل عليها ؟
و هل احتاج ليومان أو ثلاث لكي احصل على ورقة عديمة القيمة ؟
و الله لقد سئمت ادارة الازهر ،، و كل يوم اصاب بالاحباط منها

[أبو صهيب السوهاجي]

ورب السماء غبااااااااااااااء إداري قاااااااااتل

لدرجة إن المثبتين في 2011 العجب العجاب لما قمت بعمل مباشرات عمل لهم على الكمبيوتر وطبعها وختمها لما ذهبواااااااااااااااااا للمنطقه والله رفض أن يأخذها وقال لهم أريدها مكتوبه بالأيدي !!!!!!!!!!!!!!!!!!!

[الشافعي الصغير]

فاكس مجمع للدكتور شومان لازم حل دى كارثة .....

[أ.حسين احمد]

هذا هو حال الازهر

[مجدي محمود علي]

كنت أعمل بالتربية والتعليم شهادة الخبرة عملتها في وقت قليل جدا في نفس اليوم من الإدارة وبتكلفة أقل من 10 جنيهات
أما في الأزهر لابد من الذهاب من سوهاج إلى القاهرة بعد دوخة في منطقتنا طبعا - تخيل عدد الأيام التي أحتاجها و التكلفة هتكون كام؟؟؟!!!
إدارة الأزهر لا يوجد لها مثيل على وجه الأرض عجيبة من عجائب الأرض