محتاج مساعدتكم ارجوكم فى مصيبة بجد

[™ Mr.Geuvara]

السلام عليكم ورحمة الله وبركاتة
اولا الف الف مبروك لكل الناجحين فى النتيجة ويارب كل واحد يكون حقق امنياته يارب
نخش فى الموضوع
اللى حصل ده حصل لواحد صاحبى
ولسه معرفنى عليه من امبارح بس ياريت تساعدوه
صاحبى كان علمى رياضة السنة اللى فاتت وجايب 64 % ومكنش معاه اى ملاحق وناجح فى الكيمياء
وجايب درجة النجاح 20 من 50
وحول فى تالته لادبى وخد علم نفس واجتماع وفلسفة ومنطق وتاريخ
الموضوع بقى صاحبى كان بيمتحن علم النفس يوم الحد الموافق 22-6-2008
قبل ما الامتحان يبدأ بيساله واحد من الطلاب اللى معاه فى اللجنة انت عامل فى الكيمياء ؟!!
قاله كيمياء ؟!! انا السنة اللى فاتت نجحت فيها بالعافية وهيا مادة رخمة اصلا ؟!!
قاله نجحت ايه ؟!! انت اسمك مكتوب انك هتمتحن السنة دى كمياء
طبعا صاحبى اتجنن وراح جارى لمدير الدور وقاله انا اسمى مكتوب فى الكيمياء وانا ناجح فيها
قاله انت جبت النتيجة من المدرسة قاله لا من الانترنت
قاله ممكن تكون كانت غلط قاله طب ازاى انا معرفتش من المدرسة على الاقل فى السنة الدراسية دى
وخصوصا انه حول ومكنش عنده ايه حاجة خالص ومكانش عليه اى ملحق
قاله يبقى مفيش اكتر من ان اسمك جه غلط هنا
انت هتيجى يوم الكيمياء وتشوف اسمك فى القائمة وان شاء الله مش هتلاقيه
المهم راح يوم 24-6 يوم الكيمياء
لاقى اسمه فى الفائمة
والمراقب قاله متصدعش دماغى هتخش ولا هتمشى وتتكتب غايب !!!
طبعا صاحبى خاف وقال لا اغيب ايه ؟!!
انا احضر يمكن اكتب اى حاجة ولا اافتكر من السنة اللى فاتت اى شىء وانجح واخلص من المصيبة دى
ظهرت النتيجة وطلع شايل كيمياء وهو اصلا مكانش عنده ملحق كيمياء فى تانية
ارجو يا مستر اشرف الاهتمام بالموضوع
لانه بجد مسأله حياة او موت والله متعرفش الولد عامل ايه فى نفسه

[basmala]

انا سمعت ان كمان فى بنت واحد صحبتى حاكتلى عليها ان هى كمان كده

بس هى عرفت لما نتيجه تالته طلعت انها شايله كميا من تانيه ...مع ان لما كانت فى تانيه كانت ناجحه فيها

بجد الموضوع ده لازم حد من المسئؤلين يهتم بيه ..واضم صوتى لصوتك ..وياريت اى مشرف يقرا الموضوع

يبلغ الاستاز اشرف مدير الموقع

[lamis11]

,والله ياجماعة الموضوع يخوف فعلا يعني أنا أسمع عن الظلم بس مش للدرجة دي على العموم ربنا يسترها معانا ومعاه وخليه يتقرب من ربنا قوي قوي قوي لإنه هو الوحيد اللي في إيديه إنه يساعده سبحانه وعلشان المرة الجاية ميكتفيش بالنت لازم يروح المدرسة ويقرأ النتيجة مرة واتنين وتلاتة لغاية ما يحفظه والله لا يضيع أجر العاملين.............

[™ Mr.Geuvara]

متشكر ليكم جدا على الردود
بس برضه مش عارف ايه الحل الوقت بيعدى وهو ميعرفش اى حاجة فى الكيمياء وكان ناجح فيها
ارجو من مستر اشرف التدخل او ايجاد الحل لان بجد هو اخر امل لصاحبى بعد ماكل الناس فى الادارة التعليمية عجزوا عن ايجاد حل

[Ra2oF]

حسبي الله و نعم الوكيل :::: رنا معاه بجد

[أحمد2025]

لا حول ولا قوة الا بالله
دى عالم ...........والله العظيم

[ZAHIMR]

بجد فعلا ظلمة

ربنا معاه ويصبروا

بسالنت عمرو ماهيجيب حاجة غلط لان كلو المعلومات دى من الكنترول

المفروض ماكنش يخش يمتحن

قدر الله ماشاء فعل

معلش
ربنا معاة ومعانا وجميعا ومع ابن عمى

[amal_amal]

ربنا يكون فى عونه

[Sharp Nails]

المشاركة الأصلية كتبت بواسطة أحمد2025

لا حول ولا قوة الا بالله
دى عالم ...........والله العظيم

ربنا معاه يارب ويعوض صبره خير
وفعلا دية عالم .......................
بلاش ناخد فيهم ذنوب
خسارة فيهم والله

[بورسعيدى]

حسبي الله و نعم الوكيل :::: رنا معاه بجد


اانا ما اقدرش افيدك

انا اسف جدا

[بورسعيدى]

حسبي الله و نعم الوكيل


اانا ما اقدرش افيدك

انا اسف جدا

[rania_alix]

طيب لما راح الادارة مجبش الشهاده بتاعت السنه اللى فاتت اللى تثبت انه جايب 20 وناجح

من راى لو الشهاده دى عرف يجيبها يبقى هو ده الامل الوحيد عنده لانها دى قانونيا تثبت انه نجح فى الكيمياء......

[faisal_0006]

مش هو لما كان في سنة تانية اخد شهادة فيها درجاته .. اكيد كان مكتوب انه ناجح في الكيمياء ف يوديها الادراة .. ولو كان مخدهاش ف يبقى يحاول يزاكر و يخش الامتحان بتاع الملحق ويجيب درجة النجاح ان شاء الله

[LA STELLA]

حكايتك دى
بالضبط
شبه حكاية لسة سامعاها قريب اوى اوى اوى


واحدة كانت زميلتى
متصلة بيا بتحكى لى عن نتايج قرايبها وكدة اللى كانوا فى رياضة زيي

المهم قريبتها دى كانت جايبة حوالى من 94 ل 97 فى تانية او حاجة زى كدة
وكانت ناجحة فرنساو ىو كله تمام
والنت والمدرسة وكل الاماكن دى بتؤكد دا

ظهرت النتيجة النهائية لتالتة بقى
طلعت نازلة جامد فى المجموع لحاجة وستين
فراحت تسأل دا ليه دا
قالوا لها ما انتىمعاكى فرنساوى من تانية اصلا

فبتقول فرنساوى ايه من تانية انا ناجحة والكلام دا
فاكرين يقولوا لها يعنى بعد سنة تالتة !!!؟؟

البنت دى مبقتش عارفة تعمل ايه ومش فاهمة فيه ايه
وبتفكر تقريبا ترفع قضية


لحد دلوقتى انا مش فاهمة ايه دا !!!!
السنة دى فيه حاجات غريبة بتحصل

ربنا يعينكم يا جماعة

[™ Mr.Geuvara]

المشاركة الأصلية كتبت بواسطة rania_alix

طيب لما راح الادارة مجبش الشهاده بتاعت السنه اللى فاتت اللى تثبت انه جايب 20 وناجح

من راى لو الشهاده دى عرف يجيبها يبقى هو ده الامل الوحيد عنده لانها دى قانونيا تثبت انه نجح فى الكيمياء......

للاسف مش عارفين نجيبها خالص
علشان كده كنت محتاج مساعدة مستر اشرف