انتكاسة العبقري

[The Genius]

السلام عليكم ورحمة الله وبركاته
احب اولا ان الفت نظر الجميع الى عنوان الموضوع وهو انتكاسة العبقري بالفعل هي انتكاسة او ممكن تكون وكاسة بس قبل اي شئ لابد ان احمد الله على كل شئ
بداية انا طالب ثانوية عامة كاي طالب اخر كنت في الصف الثاني الثانوي لا انام الليل والله سبحانه وتعالى كلل جهودي بنجاح باهر وحصلت على مجموع 99 % وانتقلت الى الصف الثالث والجميع يقول انسى السنة السابقة واعتبر نفسك في بداية الثانوية وانا لا اسمع وانا اعلم اني استهتر في الصف الثالث وخصوصا في مادة الفيزيااااا فكنت اعتمد على عقلي في الحل ولكن العقل ليس كل شئ ظننت في داخلى ان عقلي يمكنه صنع المعجزات لكن بعد دخول الامتحان النهائى لمادة الفيزياء فعند حلى للامتحان بالفعل اتممت حل كل النقاط الصعبة في الامتحان وللاسف غلط في اسهل الاسئلة التي من الممكن على اي طالب ان يحلها فوجدت نفسي وانا انظر على درجاتي في الصف الثالث ان درجة الفيزياء هي ........... (40) فكانت بالنسبة لي صدمة مدوية ولكن الحمد لله حصلت في النهاية على مجموع 98 % ولكن بعد ان علمت بدرجة الفيزياء وسمعت في ايام الامتحانات ان الامتحان كان صعب لكن انا بقول ان الامتحان كان جميل كان يحتوى على بعض الفنيات التي يمكن حلها
ولكن اقول في نهاية الامر الحمد لله على كل شئ
وقدر الله وما شاء فعل
واتمنى من قلبي التوفيق لجميع الطلبة وخصوصا طلبة علمي علوم اللي انا واحد منهم
اخوكم مصطفى( The Genius )
واحب ان اشكر كل القائمين على المنتدى الذي استفدت منه كثيراااا
احبكم في الله

[Dr.ahmed91]

تصدق انا زيك بالظبط

وفعلا كل صحابي اللي كانوا جايبين اقل مني في تانية بقوا اعلى مني

وانا قليت برضه

واللي كانوا اعلى مني قلوا اكتر مني

وحاجة غريبة فعلا ان انا حليت كل الصعب في الفيزياء وغلطت في حاجات سهلة جدا

بس ده ما كانش لدرجة5و44 برضه

بس الحمد لله 98% بالظبط

وان شاء الله ادخل صيدلة

[masternew]

بصراحة يا مصطفى 40 قليلة اوى واكيد مش المشكلة انك غلط فى الاسئلة السهلة بس فلو راجعت نموذج الاجابة يبقى احسن


و يا اخى احمد منتا جبت اهو 98% امال ايه الى انتا كاتبه فى توقعيك انه طالب متوسط ؟؟؟؟ انا اعرف ان الى يجيب 98 فى السنة دى يبقى طالقب عبقرى مش متوسط

[Taleba Me7tasa]

العبقري !!
وياترى مين اللي اطلق عليك اللقب دة
يا اخي حتى لو كنت عبقريا حقا
من تواضع لله رفعه

[اوركيديا]

صراحه انا الاول بهنيك بالمجموع
ثانيا انا مش مقتنعه ان حد يقول على نفسه عبقرى
حتى لو كان كده
شوه اينشتين قمه التواضع و عمره ما قال على نفسه كده
بس كان بيستعجب من الناس اللى بتوصفه بالعبقريه
المهم
انا فعلا اتمنى انى اشوف حضرتك
مخترع وتورينا العبقريه _باذن الله_
وتقبل مرورى
فى رعايه الله

[The Genius]

شكرااااااااااااااااا جزيلا على مرور حضرتكم الجميل
اولا انا احب اشكركم وبالنسبة للردود لفت نظري رد طالبة ويا ريت اعلق على الرد اولا انا لازم احييك على مقولة من تواضع لله رفع من شانه
وانا مع حضرتك فالتواضع هو سمة من السمات التى تميز المؤمنين وانا معاكي برده ان العباقرة او العلماء لا يطلقوا على انفسهم هذا اللقب لان العالم هو الذي يعمل لكي يفيد البشرية بانجازاته لا من اجل الشهرة ومن تلك الامثلة الكثير والكثير الذين اثروا الحرة العلمية بالكثير والكثير
بس انا تحدث في كلامي وقلت الحمد لله على كل شئ فلولا فضل الله ما كنا نصل الى هذا ابداااااااااااااااااااااااا
واشكركم مرة اخرى
وادعوا الله ان يوفقكم جميعا الى ما يحب ويرضى
والسلام عليكم ورحمة الله وبركاته

[مس رانيا حسن]

الف مبروك أخ مصطفى
وربنا يوفقك
ومبروك لكل الطلبه واحب اقول ان ما حدث هذا العام
ليس مقياس هو بمثابه كابوس مزعج
وان شاء الله لن يتكرر
اتمنى التوفيق للجميع
فى امان الله